الموضوع: مين في ميدان التحرير

يصراحة انا مش عارف مين بالضبط في ميدان التحرير

المعروف ان المتظاهرين في الميدان يشمل شباب البرادعي وكلنا خالد سعيد و 6 ابريل و 25 يناير وفنانين و و و و

وبعدين دخل الاحزاب الذكرها مايفرقش عن تجاهلها والإخوان المسلمين

بس و انا باتابع الجزيرة والجزيرة مباشر والمتصلين من الميدان على العربية و bbc كل المتصلين اما قيادات اخوانية او شباب اخوان .... ودة باين جدا اما عن طريق تعريف القيادات بنفسها أو عن طريق اسلوب الحديث في التليفون ( حديث بالفصحى مع تعطيش الجيم واسلوب الكلام وترتيبة الجيد كانه خطبة ) وطبعا الاسلوب معروف من ايام الدراسة بالجامعة او من الهتافات والخطب الحماسية في الخلفية - ده غير ان كل البيتكلموا احنا مش هانرجع لحسن يتم اعتفالنا.

بجد الواحد حاسس ان اغلب شباب 25 يناير وباقي القوى روحت واليد العليا والاغلبية للإخوان

ربنا يستر لان العلاقة بين الاخوان والحكومة زي الزفت ولو جات فرصة للحكومة تضرب هاتكون دموية

يا رب سلم