الموضوع: عايزه يرحل عشان الراجل ده بس

المشاركة الأصلية كتبت بواسطة baskota

هههههههههههههههههههه
فكرتنى باليافطة بتاعة المؤيدين
اصحى فوق مبارك هو ابوك
اول ما شوفتها
افتكرت عادل امام فى التجربة الدانماركية
لما قال ان الوزير لما يطول فى الوزارة تحس انه امك لو غاب شوية يوحشك
نفسى يوحشونا بقا كلهم :-)

يا خوفي يتحقق المثل بتاع امي دايما تقول
بكرة تعرف خيري لما تشوف زمني من زمن غيري

المشاركة الأصلية كتبت بواسطة skybird

ههههههههههههه ههههههههههههه
انا صحيت اللي في البيت من الضحك
دي اول مشاركة ليا بعد الاحداث
وموضعك ده هو الوحيد اللي بس خلاني أشارك
علشان انا متفائل جداً والصورة دي اكدت لي اننا شعب يصنع المعجزات

امانة عليك واحنا عارفين بعض هنا من مدة تبعت لي شوية تفاؤل من عندك علشان التشاؤم عندي وصل القمة

المشاركة الأصلية كتبت بواسطة pro_samir

فكرتيني بالتهييس .. في المظاهرات من ضمن الهتافات
يا جمال قول لابوك ... شعب مصر بيكرهوك
كنت بفكر اهيس اخليهم يقولو ورايا
يا جمال قول لابوك ... شعب مصر بيحبوك
مش عارف ايه اللي كان هيحصل .. ناس هتردد وخلاص مش واخدين بالهم .. وناس متكملش الجمله .. وناس هتضربني
بعد كده لما طلعت مظاهرات تأييد مبارك لاقيتهم بيقولو كده فعلا

والله كانت بتحصل وتلاقي ناس في وسط المظاهرة بتقول الشعب يريد تربتاتاتاتيت
الشعور لاجمعي بيخلي الناس تقول اي حاجة
واحمد ربنا انك معملتهاش كنت هتاكل علقة لما الناس تنتبه مالهاش حل
ملوجظة بقة بجد يوم 35 ويوم 28 مكانش فيه هتاف جماعي غير بتاع الشعب يريد اسقاط النظام لكن في النص تلاقي كل 50 ولا 100 واحد بيقولوا هتاف مع نفسهم

المشاركة الأصلية كتبت بواسطة baskota

ناس كتير فعلا كانت بترتجل هتافات خصوصا فى اوقات الصمت
والناس كانت بتردد اى حاجة حتى لو بتون الصوت فقط لعدم وضوح ما يسمعوه
لكن الحقيقة اللى لاحظتها
ان الهتاف لما اتغير من الشعب يريد اسقاط النظام
لاسقاط الرئيس وصولا لاعدام الرئيس
الناس مكنتش بتردده
وكانت بتتمسك بالشعب يريد اسقاط النظام
ربما يردد القليلين اسقاط الرئيس ولكن لا احد ردد اعدام الرئيس ممن حولى
وفى نهاية جمعة الغضب
تحول الشباب الى هتاف اخر وكانهم فاقوا فجاة وقالوا هو فين النظام ده
وتحولنا الى هتاف اخر الشعب يريد انهاء الفساد
وده يدل على ان الشعب عاطفى جدا فعلا وده من قبل خطاب الرئيس

صعب جدا الشعب المصري حتي المعارضين بتوع 25 يناير يقولوا الشعب يريد اعدام الرئيس
الهتاف ده شفته فعلا من متظاهري ما بعد يوم الجمعة لكن بردو كان قليل اوي عارفة ليه
بجد والله الناس الاقل من 30 سنة مش متخيلين يعني ايه يعيشوا في البلد ومبارك مش الرئيس او انهم يطالبوا باعدامه
انتى بتقولي فيها طيب والله ناس كتيرة متعودة عليه زي ماهي متعودة على ابوها وامها واخواتها من كتر العشرة
ههههههههههههه
والله مش متخيل ان ممكن يبقي فيه رئيس تاني رغم اني كاره لعصره خصوصا اخر سنواته الله ينتقم منك يا عز انت اللى اتسببت فعلا في تدمير مبارك ولولاك كان زمان الراجل ريسنا وابنه بيحكمنا والحياة على نفس روتينها
احيانا بيبقي الخروج لنظام حياة مختلف مرعب
ايه اللى بقوله ده خلونا في بكرة ربنا يستر