الموضوع: حاولت أستخدم الورقة والقم وأبعد حاجات تانية

النت رجع بقاله كتير

بس مش عايز أشارك

خدت عينة من الكلام كدة أول يوم

لقيت لو انا بعرف أفكر .. مش هعرف من كتر الأراء الموجودة

مين مع مين ضد

قعدت وقت كبييييييييييييييييييييير جدا بشوف كل القنوات ومتابع

ومسكت ورقة وقلم

كأني بحل مسألة .. بس طلعت الحقيقة صعبة جدا .. وتعبتلي دماغي

بداية .. انا نفسي جدا في تغيير و أصلاح

بس مين بقي قبل مين ؟

يعني مبارك لو مشي البلد هتنصلح ؟

مش أكيد

ولو فضل قاعد هتنصلح ؟

مش أكيد

لو مشي منعرفش مين جاي .. وده هو أكبر خطر .. مش كله فاكر نفسه هيعرف يختار اللي عايزه

لو عملت موضوع بأستطلاع دلوقتي حالا .. هتلاقي ناس من الأختيارات محدش أختارها .. والباقي تقريبا هيبقي متساوي

ده علي أساس أننا هنعرف نختار فعلا

لو فضل قاعد .. مستحيل هيقعد بعد سبتمبر .. قالها ومستحيل هيعمل غيرها

طاب ما ممكن أبنه يمسك وتبقي هي هي .. لأ برضه .. عمر سليمان قال لأ ولا هو ولا أبنه

طيب يبقي ضمنا ( ناس كتير لو فكرت هتعرف أن الكلام ده مايتقالش بسهولة خالص ) أن مبارك وجمال مش هيرشحوا نفسهم

وده كان مطلب أساسي لينا

مطالب تانية ..

الدستور .. مادة 76 و 77 و88 .. قال في خطابه علي 76 و 77

كدة أحنا أنضحك علينا

برضه الناس اللي ممكن تفكر وتسمع .. ده أسلوب وبالمفاوضه ممكن يتعمل 88 كمان

راح جاي سليمان وقال اننا عايزين نتكلم ونتناقش بس مع حد عشان نغيره ونعدل 88 .. قطع الشك باليقين

هتكلم شوية عن شوية حاجات

نفترض أن مبارك فاسد ( مش معناه انه مش فاسد )

دلوقتي بقالنا 30 سنة عايزين الكلام ده

الراجل جه في أسبوع حققها بخطاب انا شايفه ضمان لوحده

و أكده بكلام الناس اللي معاه

عايزين نائب رئيس و أبنه ما يترشحش .. حصل

عايزين تعديلات دستورية .. قال علي كل المواد اللي هتتعدل واللي أحنا عايزينها

عايزين حكومة جديدة .. جه أحمد شفيق و لأول مرة بشوف رئيس وزرا بيتكلم كدة .. وغير كدة اللي ما يعرفوش يشوف المطار بتاعنا .. مش هوصف المطار كان أيه وبقي أيه .. والراجل معروف كويس جدا

غير الوزارة وجاب ناس وساب ناس .. هنا في نقطة .. في ناس فعلا سابها بس قال الأسباب في برامج علي التليفزيون .. أقتنعت بيها

وفي حتة كمان .. من الواضح في الوزرا دول أن مفيهومش حد راجل أعمال .. حتي رشيد اللي الناس كلها بتقول عليه حلو وكويس ومرشح لرئيس وزراء .. خرج عشان راجل أعمال

أتكلم الريس في خطابه التاني وقال كل حاجة فيه .. وناس كتييييير أنحازتله .. انا مانحازتش وفضلت أفكر برضه

أقل من 24 ساعه .. بلطجية رافعين أسم ( تحيا مبارك ) ومعاهم بطايق وكارنيهات شرطة دخلوا فرتكوا المتظاهرين

نفرض انهم تبع مبارك ... هو لو عايز كدة هيخليهم يرفعوا اسمه و يبقوا بلطجية بكارنيها شرطة ؟

لأ وكمان بعد ما كسب ناس كتيييييييير .. هيموت بقي المتظاهرين عشان ما يبقاش في حد ضده ؟

ده راجل كان في الجيش وعسكري زكي جداااا

الحركة ده خلت ناس كتير بدون أي بزل مجهود في التفكير .. بقوا ضده علي طول

يعني لو هو اللي عمل كدة يبقي غبي .. وهو مش غبي .. ده عايز يكسب ناس

الناس اللي خرجت من السجون و البلطجية في كل حتة .. هو مبارك مفيش غيره !!

طاب فكر شوية

ناس ملثمة خرجت ناس معينة وموتت مساجين وموتت ظباط

أكيد الظابط لقي ناس داخلة عليه بأسلحة هيسيبهالهم ويجري .. ماهو يا هيموت والمساجين هتهرب .. لأ يهروا وان أعيش أجيبهم تاني

نبص برضه .. مبارك معاه الظباط وناس منهم أتقتلت وناس محترمة موجودة .. و أعرف ظباط قالولي دلخلوا عليهم برشاشات اّلي

يعني مبارك كلف الظباط يموتوا ظباط تانيين !!

قبل 3 ساعات من نزول الجيش .. كان الأمن المركزي منسحب !!

هنا بقي تظهر حاجة .. الناس ده جتلها تعليمات بالأنسحاب

تم منع حبيب العادلي من السفر وتجميد رصيده في البنك

في حرامية طلعوا شرطة سرية و أمناء شرطة

وناس حزب وطني

دول ناس لقوا فوضي راحوا نازلين خلصوا و أتقفشوا

دول بقي هما اللي نصدق أنهم خونا .. أحنا اللي قافشينهم في وقت هما نازلين فيه بسجيتهم

وتم حظر أحمد عز من السفر وتجميد رصيده

يبقي مش من مصلحة مبارك انه يعمل كل اللي حصل خصوصا بعد الخطاب اللي كسب بيه كتير

دلوقتي أحتمالاتنا أيه ؟

مبارك برضه .. !

أيد خارجية .. مع أني بكره الكلمة ده ( يمكن عشان أتقالت في أوقات كتير مكانش ينفع تتقال فيها ) الا أنه أحتمال وارد جدا

أيد داخليه .. في كتير الحقيقة .. ناس بتكره البلد وناس عايزة توصل للسلطة

للي مش ضد مبارك :

أيد خارجية .. بلاد كتير عايزة مصر .. أحتلال علني أو مخفي .. يعني هتحتلنا بالجيش أو تختلنا برئيس مندس

أيد داخلية .. أحزاب وناس كتير .. ماليش في أني أخون حد

كل دول من مصلحتهم اللي حصل الأيام اللي فاتت بالظبططططططط

ناس تموت المتظاهرين وماسكين يافطات تؤيد مبارك

تهريب المساجين وقتل ظباط شرطة

تخريب البلد ونهبها

وكتير الحقيقة

جزء تاني

الأعلام

الجزيرة نقلت كتير صح ( من كل الجهات ) .. وشوية غلط

الأعلام المصري .. وجهة واحدة فقط ( ده في حد ذاته يخليني ماشوفهاش )

ال bbc و العربية كانوا كويسين ومش بيظيطوا .. بس ماتابعتهومش كتير

النت .. ظهرت مستندات بتقول علي الخطة اللي هتحصل كاملة وطبعا عليها أختام الشرطة والذي منه .. الجميل أن مفيهاش حاجة هتحصل .. كله حصل :) .. والناس أتأكدت أنها مزورة .. أمسك هنا .. مين زور ؟ .. أعوان مبارك !!

دلوقتي بعد ما وضحت

مابقولش لحد يقتنع

انا نفسي في تغيييييييييييييييييير وتحسن لأني مش راضي عن اللي بيحصل

وخايف لا حد يدوس في بلدنا

دايما بحب الحلول الوسط

كان ممكن يكمل ويرشح نفسه تاني .. قال لأ

ممكن يمش حالاااااا .. أكبر خطر مكن يحصل لنا .. مصر بدون رئيس ( أي رئيس ) أسرائيل علي الحدود .. أسطول أمريكي خرج .. منازعات داخلية شديدة .. علي صفيح ساخن

لو ربنا ستر ومحدش دخل عندنا .. أحنا هناخد شهرين علي تعيين رئيس ومعرفش قد أيه مجلس شعب وشوري وحكومة ودستور

داحنا مجلس الشعب وبيموتوا بعض !!

ممكن يخلص مدته ( 10 شهور ) ويمشي

نقدر في الفترة ده كل اللي عايز يتقدم يعرض خطته وهتكون المادة 88 أتحلت والباقي أتعدل

ما أتعدلش .. لسة ميدان التحرير وميادين مصر كلها موجودة

عايز أقول أني من أسبوعين مكنتش أعرف العسكري من الظابط

ما بفهمش في السياسة غير بسيط قوي .. بس الفترة اللي فاتت الظروف خليتني أدور و أفهم

وبرضه بقول مش فرض رأي .. ده يمكن تكون حاجة كانت تايهة عن حد

أو تاه من كتر الأخبار

انا معنديش Stockholm syndrome

انا ما كنتش ضد حد وبقيت معاه

انا عايز أصلاح ومازلت عايز أصلاح
ومحدش يسميني بدافع عن مبارك
انا عايز الأصلاح فقط

أسف طولت جدا .. بس ده خلاصة فكري

و أسف لو ضد تفكير حد .. انا مش بزايد علي حد ولا بعارض حد

ربنا يسترها علينا جميعا
و أسف علي الأطالة