الطارق اسكندرية قرع كارفور اتسرقت منه جميع العربيات بما فيهم برافو هاي لاين paddle shifters لونها أحمر و
dodge charger r/t hemi وكل العربيات اتسرقت ...كل العربيات اللي في الحرفيين اتسرقت..واللي عاملة حادثة فيهم فكوا منها الحاجة السليمة....bavarian auto اتسرق كله...بي ام أو ميني كوبر بالورق بتاعهم!
الحضانة فاشية تماما! و طول ما انت ماشي تلاقي عربية خبطة في عامود أو طالعة على الرصيف و مخبوطة و متسابة كده ( عربيات زيرو )
كارفور سيتي سنتر...الحرامية كانوا بيطلعوا كل البضاعة على عربيات نصف نقل قدام الناس عادي و يمشوا لحد ما بقى فاضي تماااااااااااااما!
سيتي سنتر الجديد بقى ( تم تفريغ damas محل المجوهرات بجميع محتوياته...محل ساعات morris بقى فاضي تماما...lacoste الهدوم اتسرقت بالمانيكان و كذلك dunhill و jack & jones و pull n bear و centre point و sony و apple select بجميع محتوياته بداية من جرابات و أي فون 4 و أي باد و أي ماك و ماك بوك و سماعات bose من الأخر يعني مئات الألاف من select لوحده...ده غير mobaco و daniel hechter و swatch.....
من الأخر كارفور سيتي سنتر اسكندرية فاااااااااااااااضي تمااااااااااااااااما
جرين بلازا اتسرقت كمان و المحلات اتكسرت و هيلتون جرين بلازا اتكسر و اتسرق العفش بتاعه!!!
البنك الأهلي سموحة و HSBC سموحة كسروا واجهة الATM بالكامل...كانوا فاكرين ان الشاشة لما تتكسر حيمدوا ايدهم و يجيبوا فلوس!!!
و برده في بنك المصرف المتحد فرع في القاهرة بس مش عارف فين اتسرق كله كله كله بالكمبيوترات و المكاتب و الكراسي...بقى عبارة عن عواميد و حيطان.
أمبارح تبادل ضرب نار ما بين الجيش و بلطجية احتلوا مدرسة فيكتوريا من الساعة 3 الفجر ل 7 الصبح و اضطر الجيش انه يخش بيوت الناس بالقناصين عشان يقتل البلطجية و البلطجية محترفين جدا جدا جدا...مأمنين جميع مداخل المدرسة عشان محدش يعرف يخش و بيتحركوا تحركات ناس محترفة ( دحرجة و هروب من الرصاص...بينطوا من أماكن عالية...ناس عارفين هما بيعملوا ايه!) بس الحمدلله تم قتل بعضهم و القبض على الأخر...نفس الكلام في جمال عبد الناصر عند الأكاديمية 4 بلطجية ماشيين ببيجو 504 ستيشن و معاهم رشاشات و ضرب نار عشوائي وهما ماشيين بسرعة و كلنا عمالين نجري و ننط ورة العربيات...الحمدلله اتكتب لنا عمر جديد! ده غير ان كل يوم ضرب نار عادي جدا في الشارع...ربنا يسترها معانا و مع الكل يا رب...
بس أحب احذر الناس كلها...مافيش حاجة اسمها سألت عربية على الرخصة و البطاقة و طلع ضابط أو حتى لواء أو عقيد و تقوله اتفضل يا باشا...كله واحد يتفتش زي أي حد بالعكس يتفتش أكتر كمان...الموضوع مش تار بس معظم اللي اتمسكوا في اسكندرية عساكر أمن مركزي و ضباط شرطة و اعترفوا بأسامي اللي أمروهم يعملوا كده والله زي ما بقولكوا كده يا جماعة!!! أرجوكم يا جماعة خلوا بالكوا و ربنا يعدّي الأزمة دي على خير!
المفضلات