انا شفت العربية دى فى المعرض و عاجبتنى و عاوز اشتريها و كنت عاوز اعرف رايكو فيها . و هيا تركى ولا صربى ؟ و امكانيتها ؟ و قطع غيارها نظامها اية؟
عرض للطباعة
انا شفت العربية دى فى المعرض و عاجبتنى و عاوز اشتريها و كنت عاوز اعرف رايكو فيها . و هيا تركى ولا صربى ؟ و امكانيتها ؟ و قطع غيارها نظامها اية؟
تركي نفس موتور الجراند 1400 كامة واحدة علوية 77 حصان و عزم 115 نيوتن.متر عند 3000 لفة
العربية شكلها مش عصري و قديم بس عملية جدا و قطع غيارها الخارجية واخدة من السيينا و البترا و الباليو و التابلوه بتاعها هو هو بتاع الباليو 1200 سي سي....الموتور بتاع الجراند و الايفو و العربية واسعة جدا جدا و الشنطة واسعة جدا جدا و مريحة في ركوبها
2 ازاز كهرباء أمامي , تكييف , سنترال لوك مفتاح , باور عادي مافيش سيتي , rpm و حرارة و بنزين و كمبيوتر رحلات و حساب متوسط استهلاك الوقود و كشف أي عطل كان عن طريق الexaminer في التوكيل أو أي مركز خدمة حتى لو لمبة محروقة أو مش بتنور ( مثلا الفرامل ) بتبان على طول على الexaminer ده غير ان الموتور fire يعني كل التحكم فيه يتم كهربائيا..مثلا دواسة البنزين sensor مش كابل و الدواسة حتلاقيها خفيفة جدا تحت رجلك عشان مش بتشد كابل و دي بتبقى احسن في التحكم في سرعة العربية جوه البلد و أريح في تثبيت السرعة برة البلد....
ثمنها 72,500
مميزاته انو خفيف جدا جدا جدا و مجهود أقل و مش متعب خالص في الزحمة +فيه خاصية high-lift لو انت بتشد أو بتجريالدبرياج بيبقى عالي عشان لما تنقل بسرعة...يعني توضيح أكتر : لو انت بتشد أو بتجري ممكن تنقل و الدبرياج نص مسافة
ودي معمولة عشان عادة حركة الرجل على الدبرياج أسرع من حركة اليد في النقل...أكيد حتصادفك مرة انك تدوس دبرياج و تبدأ تشيل و ايدك لسة بتجيب النقلة ( في حالة الجري) ساعتها في معظم العربيات بتحتاج تدوس دبرياج للأخر تاني و تجيب النقلة عشان تعشق...الهايدروليك لأ...زي بيديك سماحية زيادة يعني فا تقدر تجيبها و أنت بترفع رجلك عادي ( بس طبعا ليه limit معين لو عديته حتحتاج تدوس دبرياج للأخر )..
ملحوظة....العربية فيها 2 airbag
بس يا كريم الدبرياج عندى مش خفيف جدا جدا جدا خالص :d
يعنى انا ساعات بسوق عربية الوالد :) نيسان صنى 99
الدبرياج اخف بكتير جدا جدا جدا جدا جدا .. يعنى بيبقى فى فرق واضح لما بسوف الفيات كتير و اجى اجرب النيسان بحس ان الدبرياج باللمس .. بالنسبة للدوسة بتاعتى فى الفيات، اول ما باجى طبعا اعمل زيها عشان رجلى متعودة على الضغطة دى ، بلاقى رجلى نزلت فى الارض فى ثانية..
و لا الالبيا مختلفة ؟
الظاهر اليابانى مقارنة بالفيات كله كدة :d
غريبة انا دبرياج اللينيا أخف من الكورولا بكتير (اللينيا هيدروليك والكورولا سوسته)
لآ أنا الدبرياج عندي ريشة ريشة مقارنة بالكورسا والكليو و الأفيو!
أكيد في حاجة غلط عندكوا
للأمانة الدبرياج خفيف جدا و لما غيرت اسطوانة و ديسك...خف أكتر بس حتى قبل ما أغير كان خفيف!
ما أصل الموضوع زى ما بقول لك نسبى.. انا عشان مجربتش غير الباليو و النيسان
فبحس بنقلة جامدة لما بسوق الباليو فترة طويلة و أجى اجرب النيسان
انا مجربتش اى حاجة غير العربيتين دول فمش عارف اقيس او اعرف اذا كان دة بسبب موضوع النسبية ولا بسبب حاجة غلط..
انا عندي حاسس انو خفيف بردو مقارنة بالافيو .... ازيك ياكيموووو اخبارك اييه ... بقولك معلش استفسار صغنن يوم الخميس الي هوا قبل جمعة الغضب كنت روحت المشحمة ورفعت العربية ولما نزلت الوااد التيت مفكر المارشدير ترفع السوستة وبعدين لقدام زي الافيو فعملها غللط .... مش عارف حصل حاجة ولا لأ بس بعدها حاسس ان ان فسي صوت لما زي سوستة كده بيعمل تك كده لما ادوس دبرياااج واجي ارفع رجلي قبل لما اشيلها خاللص بحاجة بسيطة الصوت من الدواسة نفسها مش من الفتيس حاااسس ان سوستة في الدواسة مثلا ,,,, عاوزة تتثبت والله ما انا عارف بس في حاجة عاوز اتاكد منها جرب كده ترفع دواسة الدبرياج لفوق هتجيب معاك ولا مش هتتحرك يعني بدل لما تدوس عليها ارفعها لفوق كده ووقولي ...... يعني بأيدك تحس لم ترف لفوق بالسوستة بردو!! لسه عاوز اجرب ارش wd وربنا يسهل
بتطلع أه يا ميدو بس أنا ماجربتش أشده جامد يعني هيا يا دوب نص سنتي...متجربش جامد عشان مافيش حاجة تبوظ + صوت التكة ده مش موجود عندي بس في بعض العربيات اللي سوقتها بيبقى موجود بس مش في الدواسة....بيبقى صوت التعشيقة في الجيربوكس نفسه...لكن في الدواسة ده معرفش بصراحة...
دبرياج الصني خفيف جدا
احنا عندنا كورولا 2006 ف السعوديه ف متعود علي دوسه الدبرياج و البنزين و الفرامل و تقل الدركسيون
واحد صاحبي كان معاه صني 2001 اما سوقتها لقيت اختلاف كبيييير اوي
الدبرياج خفيف جدا و الفرامل اشد و الدركسيون ملبس :d
مش عايز اتكلم ع ال 131 :p
ايوة بردو فى اختلاف كبير فى دواسة الفرامل.. بردو دواسة الفرامل فى الصنى حساسة اكتر بكتير اوى من الباليو.. نفس الكلام بردو بالنسبة للدبرياج زى ما قلت قبل كدة..
الفرامل بردو فى الصنى ، بما ان رجلى بردو متعودة على الدوسة بتاعة الباليو بردو لما باجى ادوس فرامل فى الصنى باجى ادوس نفس الدوسة بلاقى العربية قفشت جامد اوى تحس انك حتبدأ تترمى لأدام من القفشة بتاعة الفرامل.. الكاوتش مش بيقفش فى الاسفلت بس الفرامل نفسها عندنا بردو اقوى من الباليو..
و بردو زى ما بتقول الدركسيون الباور فيه اخف من الباليو، بس انا تقريبا عندى حاجة ممكن تكون عيزة تتظبط فى الباليو، يعنى ساعات احس ان الدركسيون فى الباليو خفيف و ساعات احس انه تقيل شوية، مش عارف دة بسبب ايه ولا ازاى اصلا بيحصل..
بس هو من ناحية الاختلافات ففى اختلافات فى حساسية ال3 حاجات دول بين العربييتين.. دواسة البنزين اعتقد مفيش اختلاف او ممكن فى الباليو مش بتحتاج تدوس جامد ، يعنى دوسة اخف بتديك نفس الطلعة
موضوع البنزين ده عشان الدواسة في الباليو سينسور
أما موضوع الفرامل ده فا العربية اللي فراملها تقفش من دوسة صغيرة و هي مافيهاش abs يعتبر عيب كبير في حالة الطوارئ لما تعوز تفرمل مرة واحدة (الفرامل حتقفش مرة واحدة , العربية حتتزحلق و مستحيل حتعرف تلمّها)
غير لما يبقى في سماحية شوية حتخلي العربية تلم نفسها أكتر قبل ما تتزحلق...بس طبعا لو abs فا ده يبقى عادي
الباليو ما شاء الله بتقف في زمن قياسي جدا...مقارنة بالعربيات اللي في الشارع حاليا...
منا بقول لك ، الكاوتش مش بيقفش، العربية نفسها هى اللى بتفرمل بسرعة.. الdeceleration اقصد عالى اعلى من الباليو.. لكن الكاوتش مش بيقفش فى الاسفلت و يطلع صوت الصريخ دة :)
بس انا حاسس عندى ان الفرامل مش قوية.. مع ان التيل كشفت عليه و سليم.. بس بحس ان الdeceleration مش زى الصنى
من الاخر بحس ان العربية بتهدّى مش بتفرمل
برينس إتأكد من كفائة المستر وإن مفيش هواء الدبرياج معرفش بس لو تقل عنزمان إكشف عليه
هو فى ملاحظة اخدت بالى منها بس مش عارف دى ليها علاقة بالماستر ولا لأ
الملاحظة هى ان لما باجى ادور العربية الصبح بدرى و مسيبهاش تسخن خالص، خالص يعنى خالص، ولا حتى دقيقة واحدة..
ممكن 10 ثوانى ولا حاجة عقبال ما البس الحزام و انقل و اطلع
المهم لما بمشى من غير ما اسخن و اجى افرمل (مبكونش لسة لحقت امشى تقريبا ، يعنى حاجة كدة لحد اخر الشارع بس) بس صوت غريب بحس ان صوت ممكن كاوتش فى كاوتش او بلاستيك فى بلاستيك.. انا مش عارف اوصف الصوت بالظبط، بس الغريب ن الصوت دة بيعد كدة 5 دقايق لحد ما العربية تبقى سخنة و ميبقاش فى صوت خالص.. و كمان الصوت اصلا مش بيبان فى خلال ال5 دقايق دول الا لما اقفل كل الشبابيك..
مش عارف دة عادى ولا لأ، وليه علاقة ب"إحساسى" بالفرامل لأن انا مسقتش غير الصنى و الباليو
ده تقريبا صوت حكة التيل في الطانبور و بيبان في الحتة اللي مافيهاش دوشة و هادية تماما و خصوصا و الديسك لسه بارد و ده أعتقد سببه ان التيل ناشف.
بالنسبة للفرامل فا زي ما قلت ( في حالة الطوارئ و العربية بتجري الفرامل المفاجأة حتزحلق بسرعة ) عشان ايا كان انت برده جوه البلد مش بتوصل لسرعة عالية يعني أو لو وصلت نادرا لما بتفرمل فجأة...الصني تبقى حلوة و تفرمل أسرع لو ماشي لحد سرعة 40 مثلا أو 50 والله أعلم
غلط انه حياكل الطنبور بدري و ده حصل عندي و غيرتهم على 58,000
بس برده التيل الناشف ليه ميزة ان كفاءته احسن في الفرملة...
عندى ملحوظة بخصوص دبرياج اللينيا انشف واتقل من دبرياج الاوكتفيا a4
ومش عارف لية