بإذن الله هارجع من بكره الشغل
بعد ما كان محدد إقامتي جبرياً في البيت من بعد الثوره
ياترى عند الجامعه والدقي والمهندسين لسه في قلق
سواء متظاهرين او بلطجيه
هل في طرق مقفوله او تحويل مروري في الطريق
عرض للطباعة
بإذن الله هارجع من بكره الشغل
بعد ما كان محدد إقامتي جبرياً في البيت من بعد الثوره
ياترى عند الجامعه والدقي والمهندسين لسه في قلق
سواء متظاهرين او بلطجيه
هل في طرق مقفوله او تحويل مروري في الطريق
بلاش احسن..... البلد لسا مقلوبه وفيه لجان شعبيه ومحدش يعرف ايه اللى ممكن يحصل...انا راى بلاش وتعرفى الاخبار من زمايلك بكره افضل
انصح ان اي تحركات في الوقت ده تتم في تجمعات و للضرورة
لان البلطجية في بعض الاماكن بتستفرد بالاعداد القليلة
طب هو في قلق في الطرق الي ذكرتها فوق؟ لو حد ساكن هناك يقول
بلاش العربيه علشان اللجان الشعبيه والتفتيش
التاكسي هيكون اضمن مش كده؟
بصراحه قلقتوني
بشروا ولا تنفروا
يعني نجحنا في كسر حاجز الخوف الذي صنعته الداخلية وأجهزتها ... المدججة بكل ما أوتيت من أسلحة وبلطجية ... وإلي بقالها سنيييييييين بتعمله فينا
ومش قادرين نكسر حاجز الخوف إلي عمله شوية صيع من المطاريد
لازم ننزل وخصوصاً إن الشغل هيكون قبل مواعيد حظر التجول
لازم نعزل المعتصمين ... ونثبت للجميع وكل القنوات الفضائية التي تهلل على خرابها ... إن إحنا هنعيش ونكمل ونصلح ومش هنقعد نستنا لما نلاقي الأسطول الأمريكي على سواحل الإسكندرية وإحنا لسه عمالين نتفرج على الأخبار من البيت
حظر التجول بكرة يبدأ من الساعة 7 مساء . يفضل عدم تحركك بمفردك و لو حا تضطرى للنزول لا تحملى معك سوى شنطة صغيرة و نقود قليلة و وزعى تلك النقود يعنى مش كلها فى الشنطة خبي جزء منها فى ملابسك كمخزون أحتياطى
خط سيرك ازاي ؟؟
لو بتعدي من شارع السودان فهو فيه قلق
الدقي والجامعه امان إلى حد ما
جامعة الدول واحمد عرابي أمان
فيه قلق لسه غمبارح إتمسك 4 في المنطقة ومعاهم أسلحة بالهبل والعربيه مسروقة
طب كويس
انا هارجع بدري بإذن الله
ومش هامشي غير طريق صغير بجانب البيت بمفردي
خط السير
من المنيل للمهندسين
بأعدي على كوبري الجامعه ومنها لمديرية امن الجيزه والدقي
والبطل احمد عبد العزيز
طب لبنان وشهاب اخبارهم ايه؟
فين .... في المهندسين؟
طب اخبار كورنيش العجوزة اية ؟
و الدائري و المحور ؟
الاماكن اللي اعرف ان فيها مشاكل من البلطجية من خلال الاصدقاء او التلفزيون مع ملاحظة ان الوضع بيتغير كل شوية مع الوقت
هو الدائري معرفش كله ام اي اجزاء بالظبط
و العجوزة قريب من كوبري 6 اكتوبر
و من رمسيس الي التحرير في عدة شوارع
و في شارع بورسعيد بعد السيدة زينب بشوية
و في سانت فطيما في مصر الجديدة من عدة ايام
و انا نزلت فقط مرتين و كانوا في مجموعات فلم اشعر بقلق واضح الا التعطيل في كل نقاط التفتيش و اللجان
معاك والله
والحرص طبعاً واجب
لازم تعرف المشاكل في أي مناطق
ممكن أكون بالغت شوية يمكن دخلت البلد كلها في مصلحة الفرد
المهم شكراً على التوضيح
يا ريت منقعدش نحسس على كل خطوة نخطيها برجلينا بعد كده
عشان مش ده إلي الناس كانت الناس عايزاه لما نزلت عشان تغيير البلد