بصرف النظر عن اتفاقك مع شباب ميدان التحرير أو لأ, هل هتنزل شغلك و تبتدي تمارس حياتك بشكل طبيعي ولا هتستنى لما يرحوا؟؟ أنا بطرح السؤال ده لأن الموضوع شكله هيطووول.
عرض للطباعة
بصرف النظر عن اتفاقك مع شباب ميدان التحرير أو لأ, هل هتنزل شغلك و تبتدي تمارس حياتك بشكل طبيعي ولا هتستنى لما يرحوا؟؟ أنا بطرح السؤال ده لأن الموضوع شكله هيطووول.
للاسف حيطول وربنا معانا يارب
انا بفكر اسافر بس عشان الزهق والملل
الخوف خلاص ما فيش الحمدلله .. الرجالة عاملة الواجب وزيادة ومن اول يوم مافيش اي حاجة اتسرقت .. الحمدلله
ان شاء الله لازم كلنا نبتدي نكمل حياتنا عادي ....
ومش معقول نختصر مصر كلها في ميدان التحرير ....
اللي عايز يقعد فيه يقعد مع بعض التنظيم للجيش ....
وصدقني أول ما المواطنين يكملوا في أعمالهم واشغالهم هتختفي شكل البلطجة قي الشارع ....
وهيرجعوا في جحورهم بإذن الله ...
حفظ الله مصرنا وولى خيارنا أمورها ..
بغض النظر عن المؤسسات اللي تم اغلاقها بقيت الناس مبتنزلش شغلهم ليه؟؟؟
لازم نبتدي حياتنا لإن كل ساعة البلد بتخس بالهبل ولو مشتغلناش البلد هتقع إقتصاديا أكتر وكل ما نتأخر هتيجي على دماغنا أكتر
من بكرة نازل الشغل إن شاء الله, وربنا يسهل.
هنزل عادي جدا
معنديش كلية
بس هنزل وخلاص
لازم نكسر الحاجز ده
مش المقروض الحكومة تساعد الناس فى دة وتشغل القطارات
حظر الجول بق من 7مساءا لحد 6صباحا. واضح أن الحياة واحدة واحدة هترجع طبيعية, رغم أن معظم مشاويري ناحية التحرير بس ربنا هيسهل ان شاء الله.
راجع الشغل من بكرة خلاص
ان شاء الله هنسق مع مسئولين الشركه اللى شغال فيها لانهم كلهم خواجات وسافروا بره وان شاء الله هنزل بالكتير على يوم الاحد
كده كفايه بصراحه الاعتصام مش حيجيب نتيجه لو ماتو من الجوع
هو ده الى هما عاوزينه يموتو ويريحو
واخر فرصه ليهم كانت انهارده
خلاص الموضوع طول وبوخ ومبقاش ليه معني
ياريت يكون نزولنا الشارع من تانى فعلا هو افضل سبيل لبعث الحياة من تانى فى مصر ووقف اسطوانة المظاهرات اللى اتكسرت دى
الواحد اشتاق للشغل
طب انا اعمل ايه ؟
انا كنت مقدم في شغل جديد
و اتقبلت
بس الشغل في رمسيس و صاحب شغل خايف و موقف الشغل !!
بالرغم من اننا شغال في جهة حكومية عند محطة سعد زغلول وبنشتغل من السبت للخميس الا اننا بقالنا 11 يوم مش شغالين
واحتمال نشتغل يوم الاحد القادم ان شاء الله
والغريب ان الواحد اول مره يزهق من الاجازة .. يمكن عشان الواحد محبوس
انا خايف انزل ما الاقيش بنزين 90 او 92 اصل انا من مدينة العبور وربنا يسترها
بس اكيد الواحد لازم يكسر الملل وينزل شغله حتى لو مش هيشتغل !
صدقونى النسبة العالية بتاعة للى اختاروا هكمل حياتى عادى .... فى نظرى نسبة ماتعبرش عن المجتمع
لاننا منتدى سيارات ... يعنى حوالى 97% مننا شغالين شغلانات كويسة
المشكلة بقى فى الناس الارزقية المقطوع عيشها وقطاع والسياحة والمقاولات .... الخ الخ ودولة نسبة كبيرة من المجتمع
كل دولة مش هيعرفوا ينزلوا شغلهم غير لما الوضع ده يتحل
ربنا يفرجها علينا بحل من عنده ... انا تعبت من الزهق ده
12من 44 صوتوا مش هينزلوا!! كتير على فكرة, ياريت يشرحوا أسبابهم
يا أخواننا شاركونا, خلونا نتشجع ننزل نمارس حياتنا.