للعلم فقط كمال الجنزوري مات من كام اسبوع
عرض للطباعة
عمر سليمان عشان البلد محتاجة رجل عسكري شخصيته قوية عشان ينضفها من بقايا النظام القديم
ماهو احنا عمرنا ماجربنا حد غير السادات ومبارك (ربما انك تكون جربت مبارك فقط) بس لو دول اترشحوا هتنتخب مين ؟ ولا مش هتروح تنتخب؟
لا أعتقد ان المؤسسة العسكرية هترشح اكتر من واحد. وطبعا الواضح ان الواحد ده هيكون عمر سليمان؟
أولا : يا أستاذ محمد وإيه اللى دخل البرادعى ؟! اعتقد ان العلماء أصبح ليهم اهتمامات سياسية وللعلم ده حقهم
ثانيا : أنا كمان نفسى أشوف واحد يرفع راية الإسلام بس يبدو ان مش مكتوب لنا نشوف الواحد ده.
ماشى يعنى اخترت مين؟
ياههههههه
نفسي يجي اليوم اللي يكون قدامي كل المرشحين دول و يقعدوا شهور قبل الانتخابات يقنعوني ببرامجهم و انا اختار الرئيس اللي علي مزاجي...زي ما بنشوف في الافلام
كنت فاكر اني هاموت قبل ما شوف اليوم ده
المنافسة مابين عمر سليمان وعمرو موسي
أخترت عمر سليمان ........محابرات
هو طبعا أنا عارف أن المعظم بيفضل واحد غير عسكري
لاونى مش منهم لكن إن وجب يبقى مدنى
يبقى لازم مش الى جى على طول
لأ
الى بعده مثلا
يعنى الفتره الرئاسيه القادمه يقى واحد عسكرى يرجع الاستقرار للبلاد ويرتب كل شىء ويا سلام لو الرئيس الى بعده "المدنى" يكون ساعتها فى الحكومه
وزير مثلا أو مستشار للرئيس أو حتى نائبه علشان يفهم قشور العسكريه المهمه جد لبلد عدوها جارها!
ومن بعده يجي واحد مدنى بقى عادى وربنا يستر
عايز أقول أن الموضوع صعب علينا لأننا مش متعودين عليه لكن كل الدول المتقدمه كدا وعلينا المواكبه والتأقلم
وكمان عايز حاجه مهمه جدا جدا
قرار الحرب دلوقتى فى يد الرئيس فقط لا غير
ودا دلوقتى مش مشكله لأن الرئيس عسكرى يعرف أمتى يحارب مش حيحان على الحرب ولا عارف هو داخل على أيه
قدام بقى لما يجى واحد مدنى يبقى مش القرار بأيده لكن يكون من الرئيس بجانب مجلس السعب بجانب وزير الدفاع مثلا مش قرار فردى
لأن لو القرار قراره قد يلبسنه
يعنى مصر كانت ممكن تدخل فى حروب عده فى السنين الى فاتت والى أجرنا منها كان "الرئيس العسكرى" مع إن كل الشعب كان هيموت ويحارب!
وأعتقد دلوقتى بعد مالموضوعات دى هديت مفيش حد يقول إننا كان المفروض فعلا نحارب
قالوا نحارب أمريكا وهى بتهجم على العراق ونحارف أسرائيل وهى بتضرب فى فلسطسن وحتى نضرب الجزائر لما حصل الى حصل!!!
كلها وجدت عسكرى عارف معنى كلمه حرب وتوابعها وقال لأ
ودا خوفى
وللتوضيح
الناس النهارده بتعيط علشان الرغيف بقى بجنيه و السكر مش عارف ماله وقاعده خايفه فى بيوتها
الحرب = 10 أضعاف ما يحدث الان
فهمتوا يعنى أيه "حرب"
وربنا يستر
وأرشح عمر سليمان للفتره القادمه ومن بعده عمرو موسى إن أطال الله فى عمره
لسه لازم اشوف برامجهم الانتخابيه الاول لان دي ان شاء الله هتكون اول انتخابات نزيهه في مصر بس مبدئياً عمرو موسى
بالنسبه لسامي عنان فهو راجل محترم بس اسألو اي ظابط في الجيش هتعرفو انه راجل عسكري زياده عن اللزوم وهنرجع نكرر السنين اللي فاتت تاني