الموضوع: عاجل: خديعة المظاهرات المليونية.... الرجاء المساعدة

واضح انكم مروحتوش
و بتحسبو تقريبيا المساحة بدون خبرة او تدريب و بتاعت الميدان بس
بدون مداخلة اللى مش صغيرة ابدا

قسموا المساحة لمربعات او مستطيلات مع اخد المقياس فى الاعتبار و الشوارع المؤديه للميدان و عمر مكرم و الناس اللى جوة الجامع و الشارع الواصل لعبد المنعم رياض
و الناس بتبقى عاملة زى الاتوبيس الساعة 8 الصبح
الكلام ده عن يوم التلات و النهارده

المشاركة الأصلية كتبت بواسطة abomar77

الراجل مش قصده يتريق .....


بص معايا في نهائي كأس أفريقيا كان في الاستاد حوالي 150 ألف بالكتير ....

لو حطينا من عندنا 150 الف كمان شوف كمية البشر اللي ممكن تكون .....

أنا اعتقد ان العدد بالكتير حوالي 500 الف بالكتير قوي ....

الاستاد بيشيل 80 ألف فقط

لا أعتقد أيضاً إن المظاهرة كانت مليونية أو حتى وصلت ل 500 ألف
احنا بنتكلم على العدد مش على التأثير
علشان الموضوع لا يخرج عن مساره

لأ روحنا..ومش مليونية ابدا...وعلى فكرة مليون فرد دول يملوا المنطقة من ميدان التحرير إلى ميدان عابدين من غير ارقام ولا ورقة وقلم..الناس إللي بتروح استادات (مع فارق الهدف) يعرفوا كويس جدا يعدوا الناس بالعين كدا (بالتقريب طبعا)

هوة المظاهرة المليونية التي تم الدعوة ليها يوم الثلاثاء الماضي ... دي فعلا وصلت لحوالي من 5 لـ 7 مليون فرد في عموم أنحاء الجمهورية

يوم الثلاثاء لم يكن ميدان التحرير فقط ولكن الجيزة وعبد المنعم رياض والهرم بكل الشوارع المؤدية اليهم سواء الجلاء أو رمسيس أو القصر العيني أو قصر النيل أو ماسبيرو ... مساحة هائلة وتستوعب عدد يقدر بحوالي 2 أو 3 مليون .... بصراحة ما حسبتهاش ولكن يمكن حسابها بنفس طريقتك للوصول للعدد الأقرب للحقيقة

أضف بقى على كده مدن إسكندرية والسويس والإسماعيلية وبورسعيد ومطروح والمنصورة والشرقية والمنوفية والغربية والعديد من مدن الصعيد ... ودي من أكبر مدن مصر وتقريبا كلها خرجت

صراحة أعتقد إن رقم 7 مليون شوية لما نبص للمدن دي كلها

ولو حسبنا إن نصف هؤلاء الشباب تركوا بيوتا فيها أزواجا وإخوة ووالدين يصبح كل فرد منهم يساوي 5 أفراد على الأقل لم يستطيعوا النزول للإنضمام معهم ... أي أنه كان رأي ما لا يقل عن 30 مليونا من المواطنين المصريين مجتمع على هدف واحد وهو إسقاط النظام القائم

والعدد الرهيب ده كان هوة المؤثر في الأحداث بشكل نهائي وهو السبب الرئيسي في خطاب الرئيس الأخير بعدم الترشح مرة أخرى وتعديل الدستور وما الى ذلك

العدد الرهيب ده أصاب العالم كله بالذعر من مصر ومن شعبها الذي إستطاع أن يوحد كلمة 7 مليون شاب على هدف واحد

إنتوا متخيلين إن أكبر جيش في العالم وهو جيش الصين لا يتعدى تعداد أفراده 2 مليون جندي ... تخيلوا لما العالم يشوف قدامه 7 مليون جندي واقفين في الشارع متحدين كل ما مروا به من صعاب ورغم إنهم على مدار 4 أيام بسهرون ليلا لحماية بيوتهم وأسرهم ونهارا لقضاء حوائجهم اليومية المعتادة وفي ذات الوقت يقفون لتحقيق ثورتهم

إنها صورة مذهلة بالفعل لم تتكرر في التاريخ من قبل



أما بالنسبة لميدان التحرير نفسه والذي إنحصرت به تظاهرة اليوم الجمعة فلم يكن يتعدى بأي حال من الأحوال المائة الف وفقا لحساباتك وهذه أيضا حقيقة ... مع ملاحظة أن نسبة من الواقفين كانت عبارة شباب وبعض رموز الدولة يحاولون إقناع الرافضين العودة الى بيوتهم .. بالعودة .. بعد أن إستجاب الرئيس لطلباتهم .. أي أنهم حتى لم يكونوا كلهم على رأي واحد

طالما متاكدين من حساباتكم ... يبقى انتم ادرى