انا مش قصدي علي حضرتك بشكل شخصي
و اسف اذا كنت ضايقتك :)
عرض للطباعة
يا دكتور نصبر و نقف لأن فيه اهداف معروفة و متقالة ما اتنفذش منها حاجة خالص و حضرتك عارف كده كويس
يا دكتور نصبر لأن اللي عاقبنا بحظر التجوال انا و انت عارفينه و ما ينفعش يعاقبنا نقوم واقفين ضد اللي واقفين قصاده و نقول لهم كفاية هاتموتونا و هو اللي هايموتنا
ازاي يا دكتور تقول على الناس دي كلها مش فاهمين حاجة و مش عارفين هما عايزين ايه ؟؟؟؟
هي المطالب دي عليها اي خلاف يا دكتور ؟؟؟
بتوع التحرير !!
كدة اصبح واضح جدا كنت تقصد مين بجملتك ان مفيش حد هيقدر يرد
ايوة بتوع التحرير وشوف التعليقات عليهم في المنتدي وفي الشارع دلوقت وهاتلاقي ان ده من ارقي وافضل التوصيفات لهم حاليا
وواضح فعلا انك بترد ردود عقلانية جدا مش بتصطاد الكلمات
ربنا يهدينا جميعا
تامر احنا إتناقشنا قبل كده ..وأنا عارف انك بتوزن الامور
ازاي النظام معاقب الشعب بحظر التجول ..إنت عايز الجيش اللي أخر خط حماية في الوقت داه يروح ؟؟؟
أكيد بتهرج ..صح ؟
هو علشان شوية الشباب اللي عاملين لجان شعبية ..بقي فيهم بلطجية أكتر من ناس بتحرس أهلها .يبقي كده خلاص احنا فل الفل وملوش لازمه الشرطه والجيش .
الناس اللي بقي لها 10 أيام بيحرسوا بالليل وينامو الصبح لما يشتغلو ويروحو مدارس .اللجان الشعبية هتبقي ذكري .والعاطلين والبلطجية بس هما اللي هيروقو الناس الغلابه بالليل .
بص الناس اللي في التحرير دلوقتي عايزين يشيلو مبارك بعد كده عايزين يرضخوا النظام لكل مطالبهم ، عايزين يركعو النظام..يعني مش عايزين نظم وتفهم وحوارات بالقانون والدستور ،وسلاحهم شل البلد وتجويعها..من طلباتهم الأن
رحيل نظام مبارك.. ومحاسبة المسئولين عن قتل الشهداء.. وإبعاد الجيش عن السياسة.. وإنهاء الطوارئ.. وحل المجالس البرلمانية.. وحرية تكوين الأحزاب.. ووضع حد أدنى للأجور.. ووضع دستور جديد
على فكره خبرين ذي الزفت لسة سمعهم متأكد من واحد والتاني لسه..من فوكس نيوز ..محاوله لإغتيال عمر سلمان ومتحدث البيت الابيض أكده بس مش راضي يناقشها. والتاني إن اوباما أصدر أوامره لتحرك الاسطول السادس الأميركي ومقره جنوب إيطاليا لياخد موقعه في البحر المتوسط وقرب قناه السويس. مكون من حاملتي طائرات ، 3 غواصات نووية وعشرات البوارج وسفن الامداد
1. انا مكنتش اقصدك نهائي , لكن ايه " بتوع التحرير " , علي اساس انهم قاعدين بيصطبحوا هناك !!!
2 . انا ميهمنيش اي اراء ضدهم سواء فالشارع او هنا فالمنتدي , ببساطة انا لا اكترث نهائي ولا اهتم لاي رأي يهاجم هؤلاء الشباب بأوصاف زي دي
3 . لولا الشباب الفاضل الي فالتحرير , مكناش ممكن يوم نحلم ان التغيير ييجي , لكننا شعب ناكر للجميل فعلا
و اكرر للمرة العشرين , الي موجودين فالتحرير دول ناس راقية جدا و مثقفة و هم اعلي من هذه الاتهامات بكتير
يا نهار مالهوش لون انت متاكد يا فادي من الخبر ده ؟
لو حصل فعلا والراجل ده تم اغتياله او حتي محاولة اغتياله بشكل علني هاتبقي كارثة
ووقتها لا ثورة ولا شعب
ربنا يستر على مصر
وبالمثل الشارع العادي لم يعد يكترث بهم ولا بمن يؤيدهم ولو استمر الوضع الحالي علي ما هو عليه لن يحتاج النظام الحاكم لشرطة او جيش للقضاء عليهم بل سيفعل ذلك البسطاء ممن لم يعودوا يجدوا قوت يومهم وتم تحميل المتعالين في التحرير المسؤلية الكاملة عما يحدث لهم