مين شاف الفريق شفيق دلوقتى على القناة التانيه وأيه رايكم فى الكلام ؟؟؟؟؟؟؟
انا بصراحة متفأل بالراجل ده اووووووووووووووووى ياريت اعرف رأيكم
عرض للطباعة
مين شاف الفريق شفيق دلوقتى على القناة التانيه وأيه رايكم فى الكلام ؟؟؟؟؟؟؟
انا بصراحة متفأل بالراجل ده اووووووووووووووووى ياريت اعرف رأيكم
تصدق مش اول مره اسمع الكلام ده كل اللى شافوه قالو كده وانا اول ماشفته قلت كده حاجه غريبه الظاهر ان الراجل ده هيتحب من كل الناس وعلى فكره الراجل ده بيتكلم بأسلوب مفهوم لدى الشعب كله يعنى تلاقيه بيتكلم بالبلدى علشان كل فئات الشعب تفهموا ده غير انو دمه خفيف ومقبول فعلا من كل الناس ياعم راجل كان فى طيران مدنى انت عايز ايه بعد كده يعنى منتهى الشياكه فى التعامل وطريقة توصيل المعلومه ده غير انو راجل فعلا شربات والله ربنا يوفقوا ونتمنى ان يكون عند حسن ظن الشعب به وعلى فكره انت كمان محترم لان ده رأيك تحياتى لك
كلامة منظم وشخصيته قوية جدا
نفسي يكمل في الوزارة
ربنا يولي من يصلح
السلام عليكم و رحمة الله و بركاته
أنا بصراحة بحكم على الراجل ده لأننا كمصريين , جربناه لما كان ماسك وزارة الطيران المدنى و قدر -بفضل الله تعالى- أنه يعمل منها حاجة مشرفة بصحيح و هو لو اشتغل رئيس وزراء و كان ليه كااااااااامل الصلاحيات و السلطات, أنا متاكد -ان شاء الله- من أن نهضة عظيمة هتحصل فى مصر فى كوووووووووووووول المجالات فى خلال ال5 سنين الجايين فعلا, بس المهم مانصحاش الصبح فى يوم و نلاقى جرنال الأهرام المنافق طالع علينا بخبر أسود أن الوزارة اتغيرت و جه رئيس وزراء جديد, زى ما عملوا مع الراجل المحترم, الدكتور/ كمال الجنزورى, لما شالوه و جابولنا مكانه, الراجل أبو كوبايه اللى اسمه عاطف عبيد ده .
يا مازيراتي يا فاهم
:)
شخصية محترمة و عنده فكر و ربنا يعينه و يقويه
بصراحة متفاءل بيه وعشان كده كنت بقول كفايه مظاهرات ونشوف هيعمل إيه بس الناس في الأخر قالت عليا خاين!!!
السلام عليكم ورحمه الله وبركاته
انا شايف ان الراجل ده شخصية محترمة جدا
وغير انه نشيط جدا ومتفائل وعنده اصرار
وغير انه بيحب يفاجئ المسؤلين في اى وزارة ( وده كلام سمير رضوان ) وزير المالية الجديدة
وان شاء الله يكون في اصلاحات على ايدة
ولكل مجتهد نصيب
شعب عاطفى
نفس المشاكل
طول عمرنا كدة
انا مش هحكم عليه قبل سنة على الاقل
مش من لهجته ولا خفة دمه ولا طريقته
من افعاله بس هحبه او اكرها
الصبر ثم الحكم
كوزير طيران عبقرى كرئيس وزراء لسة هشوف ده حاجة و ده حاجة
ومتنسوش نظيف كوزير اتصالات كان عبقرى اد ايه و كرئيس وزراء كان جدى اد ايه
السلام عليكم و رحمة الله و بركاته
فعلا, كلام حضرتك سليم, بس احنا ماقدمناش حل تانى , يعنى لما يجيبوا وزير ناجح و يعملوه رئيس وزرا زى ماعملوا مع أحمد شفيق أحسن مايجيبوا واحد كان متهم فى قضايا فساد و رشوة و يعملوه رئيس وزرا, زى ماعملوا مع عاطف عبيد و لا كانت تبقى دهية سودة لو كانوا عملوا صفوت الشريف رئيس وزرا, كانت هتبقى ليلة مطينة بطين .
احنا ماقدمناش الا أننا نتفاءل ان شاء الله بأن الراجل هيكون رئيس وزرا ناجح زى ما كان وزير طيران مدنى ممتاز لأن البديل أننا نجيب واحد كان قبل كده شغال رئيس وزرا و كان كويس عشان نبقى ضامنين أنه هيبقى كويس و يعملنا اللى احنا عايزينه و ده من سابع المستحيلات.
أنا على ما أتذكر أن رؤساء الوزرا اللى جم فى مصر و كانوا كويسين كانوا, فؤاد محى الدين و كمال الجنزورى و ان شاء الله يكون أحمد شفيق رقم 3, دول اللى أنا أوعى عليهم , ممكن يكون فيه قبلهم حد, بس أنا ماعرفهوش .
و ربنا ييسر الأمور و الأحوال تنصلح .
الراجل سياسى ولبق وبسيط وعنده منطق فى شغله .. بإذن ربنا حالنا ينصلح على ايده
الرجل المناسب مع النظام غير المناسب وفى الوقت غير المناسب...
راجل محترم وأعتقد ضميره صاحي وله سابقة أعمال ولباقة وشياكة بختصار يشرف المصريين
ربنا يوفقه