السلام عليكم ورحمة الله وبركاته

دلوقتى انا كان فى خبطات فى العربية والحمد لله سمكرتها ورشيت العربية كلها فى الفرن

طبعا البوية ميتاليك (يعنى اترشت وبعدين اخدت طبقة ورنيش)

طبقا للأحداث اللى مرت بيها مصر وان الواحد ماكانش عارف يخرج من البيت العربية اتركنت بقالها اسبوع

انا دلوقتى عايز اغسل العربية جوة وبرة واديها طبقة واكس علشان انا عايز احافظ على دهان العربية

حد يعرف بقى كار كير كويس يغسل العربية ويشمعها

انا ساكن فى الزيتون وشغلى فى مصر الجديدة - عايز أى مكان يكون قريب ليهم

وياريت لو حد يعرف التكلفة تكون قد ايه مبدئيا ويه اللى هيتعمل فى العربية بالظبط