ماذا لو .....؟؟؟؟

السلام عليكم

سيناريو جه في دماغي ..بدون تحيز أو عصبية الناس تسمعني ونتناقش بالعقل
لصالح البلد

.
.
.

النظام دلوقتي دراعه ملوية بسبب المظاهرات في التحرير وكل ميادين مصر
تمام؟؟؟
تمام
طيب
لو
الناس إلي في الميدان مشيت
والإنتخابات الرئاسية القادمة دخلت
ولقينا مظاهرات إلي كلنا عارفينها ..بتاعت(بالروح ..بالدم ..نفديك يازعيم)
ولقينا تكثيف إعلامي عن الإنجازات العظيمة على مدار الــ 30 عام الي فاتوا
وطبعا كلنا عارفين الإنجازات دي والحمد لله
ولقينا ناس قاعدة قدام القصر الجمهوري
بتعيط
وتولول
وتقول
(ماتسبناش ياكبير ..ملناش غيرك ياكبير ..هنتسوح من بعدك ياكبير)
قام الكبير عنيه رغرغة بالدموع
وقال
(نزولا على رغبة الجماهير .سوف أ ..................)
ساعتها هنعمل إيه؟
ومحدش يقولي التحرير مفتوح تاني
هتلاقي قصص ساعتها عن مختل عقليا ضرب 3أو4 ماشيين في التحرير مع بعض
ماتفتكروش التحرير هيكون مفتوح تاني
أو البوليس السياسي(هكذا التعبير الصحيح)هيسمح بتكرار الي حصل

هنعمل إيه ساعتها؟؟؟؟

ربنا يديلك الصحه وطول العمر
مبارك خلاص حتي لو البلد كلها بكيت وبالروح بالدم
الراجل خلاص انتهي رسميا
ثم متنساش انه لو فضل هيكون فيه انتخابات رسميه ((ونقلا عن لسانه)) نقل السلطه سلميا

ما الكلام ده أنا لسه قايلة يا أحمد هنا
http://www.nilemotors.net/Nile/19961...post3873268750
على الله الناس تفهم إن كل ده كسب وقت لترتيب الأوراق من جديد
واللي خلانا نقتنع إن المذبوحين والمشويين يوم الأربعاء هم السبب في الخراب اللي احنا فيه
واللي خلانا نقتنع إن مجرمي يوم الأربعاء دول بتوع نزلة السمان اللي عيشهم اتقطع
قال يعني السياحة هاترجع بكره لو المظاهرات وقفت
واللي خلانا نقتنع إن كل عمال اليومية الجهلاء اجتمعوا معاً في لحظة واحدة قادمين من اتجاه واحد وهم يحملون المولوتوف والرصاص والكرابيج والطوب .. لدحر المعتصمين في الميدان .. اتقابلوا صدفة بدون تخطيط ..
كل دول يخلوما نقتنع إننا نبيع عيالنا في سبيل أن نرشحه رئيساً مدى الحياه .. بل نرشح شبحه بعد أن يموت ..

صعب جدا جدا

الواضح ان الخطة انه كان هايطلع معاش وجيمي يمسك

لو تفتكر كان في كلام عن حصانة لرئيس الجمهورية بعد ما يخرج بس الموضوع قفلوا عليه

وبعدين حوار 30 سنة رخاء واستقار مات يوم 28 يناير

خلص الكلام

بلدنا مافيهاش مستحيل
أنا بس السيناريو ده جه في دماغي
ممكن نلاقي ناس تطلع(بــ50 جنيه بس) وبالروح بالدم
ونلاقي الانجازاات نازلة تررررخ في التليفزيون
والدنيا زبادي في الخلاط
والقبضة الحديدية بتاعت الأمن ..هتبقا قبضة ماسية(أكثر المواد صلابة) لا فكاك منها
أنا بس بقول
لو السيناريو ده حصل..على الرغم من صعوبته

هيبقا الحل إيه
؟؟

اقتباس:

---

المشاركة الأصلية كتبت بواسطة د.أحمد سمير

ما الكلام ده أنا لسه قايلة يا أحمد هنا
http://www.nilemotors.net/nile/19961...post3873268750
على الله الناس تفهم إن كل ده كسب وقت لترتيب الأوراق من جديد
واللي خلانا نقتنع إن المذبوحين والمشويين يوم الأربعاء هم السبب في الخراب اللي احنا فيه
واللي خلانا نقتنع إن مجرمي يوم الأربعاء دول بتوع نزلة السمان اللي عيشهم اتقطع
قال يعني السياحة هاترجع بكره لو المظاهرات وقفت
واللي خلانا نقتنع إن كل عمال اليومية الجهلاء اجتمعوا معاً في لحظة واحدة قادمين من اتجاه واحد وهم يحملون المولوتوف والرصاص والكرابيج والطوب .. لدحر المعتصمين في الميدان .. اتقابلوا صدفة بدون تخطيط ..
كل دول يخلوما نقتنع إننا نبيع عيالنا في سبيل أن نرشحه رئيساً مدى الحياه .. بل نرشح شبحه بعد أن يموت ..

---

دكتور احمد سمير تقبل تحياتي

بصراحة حضرتك من الناس اللي دايما بالاقيهم وسط الناس اللي فاهمين اكتر من صح
احترامي يا دكتور احمد و اتمنى نقرا كتاباتك

اقتباس:

---

المشاركة الأصلية كتبت بواسطة ahmed nouh

اليومين دول كان فى ملايين فى الشارع برغم انقسام الشعب بين مؤيد ومعارض للمظاهرات

---

الثوة يا أحمد لحظة فوران جمعي
تحدث للأمم عبر عشرات بل وأحياناً مئات السنين
إطفاء جذوة هذه الثورة هو الهدف ..
بعد ذلك لن تستطيع أن تجمع هؤلاء الناس من جديد .... أبداً
وكم من ثورة في التاريخ تحولت لحكم ديكتاتوري عقيم
ألم تسأل نفسك كيف
بسياسة فرق تسد
بسياسة العصا والجزرة
بسياسة الشرعية الثورية
والكثير الكثير من هذا

ولا تصدق من يقول إن ميدان التحرير موجود
فميدان التحرير موجود منذ عشرات السنين
وسيظل موجوداً لمئات السنين أيضاً
لماذا لم تحدث فيه ثورة من قبل ؟؟؟
وبالمنطق ذاته
لماذا لن تحدث فيه ثورة أخرى ؟؟

شوفوا يا جماعة ...... الشعب كان في قمقم مبرشم ...... و خرج منه

و مش عارفين يلموه تاني

بس لو لموه تاني ...... المرة دي القمقم هيتبرشم بالرصاص المصهور ..... و لا مانع من شوية مية نار يتدلقوا جوة الأول ..... و لا مانع انه من حين لآخر يتحط عالبوتاجاز شوية ..... و لا مانع من انه يترمي في النيل ...... الخ الخ الخ

لا يا دكتور

البلد قبل جمعة الغضب غير بعدها

كل حاجة هتختلف

الشرطة اتعلمت الدرس كويس قوي

عرفت انها مش قد الشعب

و ان غضب الشعب لا حدود له

و الشعب برضة اتغير

اتغيرت نظرتة للشرطة و انها كانت شيء لا يمكن محاسبتة

دلوقتي عارفين انهم زي ما خلوهم يجرو مرة ممكن يجرو 100 مرة

و النظام عرف ان لا يمكن اجبار الشعب علي اي شيء ضد رغبتة تاني ابداااااا

البلد اتغيرت.... ان شاء الله للاحسن ...ان شاء الله

اقتباس:

---

المشاركة الأصلية كتبت بواسطة أحمد كمال

شوفوا يا جماعة ...... الشعب كان في قمقم مبرشم ...... و خرج منه

و مش عارفين يلموه تاني

بس لو لموه تاني ...... المرة دي القمقم هيتبرشم بالرصاص المصهور ..... و لا مانع من شوية مية نار يتدلقوا جوة الأول ..... و لا مانع انه من حين لآخر يتحط عالبوتاجاز شوية ..... و لا مانع من انه يترمي في النيل ...... الخ الخ الخ

---

الشعب كان جوة القمقم ... و كان عمال يكبر يكبر لحد ما انفجر برة القمقم

دلوقتي صعب جدااااا انه يرجع تاني للقمقم ..... لانة ادرك انه اكبر من القمقم...و اقوي

بالظبط ياأحمد بيه...ويادكتور أحمد

أنا خايف كل الي حصل ده...يطلع على الفاضي
وياريته حتى هيطلع ع الفاضي
لا
الثورة لو مانجحتش ...يبقا القادم بوليس سياسي ومحاكم تفتيش وتهم الهرطقة هتوزع على الناس في الشوراع

لاحظ ان الانتخابات الجاية ان شاء الله هاتكون اول اتخابات اشترك فيها في حياتي لان المفروض في مصداقية لاول مرة من 60 سنة

الموضوع هايختلف والناس الكانت مابتنتخبش هاتنتخب وهايدفع فلوس كتير قوي قوي عشان يعرف ياخد اغلبية

ده سيناريو واحد يا احمد
صدقني فيه مليون سيناريو ممكن يتعمل في يوم واحد مش ايام
ده احنا ماشاء الله اهه بنعيش بقالنا يومين مش اكتر من سيناريوهات مهولة لفتن ومؤامرات وجاسيس وكل الحشرات اللي ممكن تتخيلها فجأة بقت في البلد وزي ما تقول كمان ايه جاهزين في لحظة انهم يمسكوا البلد
اكن البلد مفيهاش اي حد
يا راجل ده التلفزين دلوقتي جايب فيديو جودة عالية جدا جدا بجد وبيقولك ده فيديو من على الفيس بوك لشباب مع موسيقى هادئة بيقول حافظ على مصر واكنهم واقفين في الشوارع بتاعت القاهرة يعني بمعنى انهم من المتظاهرين بس بيقولوك كفايه علشان البلد
يا حلاوة على التخلف والغباء

والله ثم والله ثم والله
انا وبعض الأصدقاء قولنا ان لو الحكومة نيمت الموضوع زي ما هو واضح دلوقتي قبل بكره والناس بقت عادي وخلصت هنهج من البلد دي لأن قول على البلد بعدها يا رحمن يا رحيم
خلاص خلصت بجد

هو دا اللي انا خايف منه
دا غير طبعاً ان ممكن يحصل زي سوريا والناس تطلع تقول بالروح بالدم نفديك يا جيمي وكلنا شفنا تأثير اللحمه لما اتوزعت في حملة النفاق الوطني عملت ايه
دا الناس كانت بتعور نفسها وتمضي بالدم!!
المأجورين مش هيقدرو على الشعب زي ما المليون ونص شرطي مدرب مقدروش على الشعب

والله هو ده السيناريو المتوقع وهو ده اللى بدا فيه النظام من دلوقتى

نفس الاساليب ونفس الطرق هى هى ونفس التخويف من جماعه الاخوان المسلمين انهم هما ممكن يوصلوا للحكم

والدكتور احمد سمير لخص الواقع وبعد ما احداث ميدان التحرير لما تخلص هتلاقى الشرطه توغلت اضعاف اضعاف ما كانت قبل وهتلاقى الاعتقلات اضعاف برضوا قبل الموضوع ده

مش عارف الناس لسه بتصدق على اى اساس ومن امتى قالوا لينا حاجه وطلعت صح اشمعنا المره دى نصدق

الحل زي ما قلت قبل كدة يا جماعة ..
التعديل الفوري للدستور ..
بدون حوار بدون مراجعات ..
لجنة من الفقهاء الدستوريين ودول خمسة ستة يصيغوا المواد
وتعرض على الشعب
ويقرها المجلس في جلسة واحدة ودمتم ..

هذه هي ضمانات الاستقرار الحقيقي ..

والحل الذي أراه يا إخوتي الأحمدات جميعاً .. لو عايزين نعمل شغل إيجابي فعلاً ..

هو مطالبة الدولة بجدول زمني أسبوعي ..
بحيث يتم تعليق التظاهر ما دامت الأمور تسير وفق الجدول الزمني المحدد بدقة
أما إذا فرط اسبوع واحد منهم تبقى المظاهرات يوم الجمعة التالية مباشرة

وآدي الجمل وآدي الجمال ..
ووقتها هيبان مين بيتلكك .. ومين عايز شغل صح بجد ..

لكن الموضوع ينام
ويتعلق على خلافات الأحزاب .. والتدخلات الخارجية .. والظروف الاقتصادية .. والمواءمات السياسية .. والأخطار الأمنية ..
يبقى خلاص كله في الحشتكورت البني .. وابقوا سلمولي على الثورة

هيا الناس ناسية إن لحد دلوقتي..تم إعتقال أكتر من 1000 واحد من بداية الثورة
محدش يعرف هما فين...ولاحصلهم إيه؟؟؟؟

المشكلة ليست فى مبارك كشخص ، فليس من المتوقع أبداً ترشحه لفترة أخرى ... يستحيل فى ظل الظروف الحالية. المشكلة فى النظام الفاسد الذى لو منحته الفرصة ليلملم شمله ويجمع ما شتت فتأكد خروج طاغية جديد من بينهم ربما يكون أسوأ من مبارك.

المشكلة مشكلة نظام وليس أشخاص ، فالثورة طعنت النظام ولم تقطع رأسه بعد.

اقتباس:

---

المشاركة الأصلية كتبت بواسطة د.أحمد سمير

الحل زي ما قلت قبل كدة يا جماعة ..
التعديل الفوري للدستور ..
بدون حوار بدون مراجعات ..
لجنة من الفقهاء الدستوريين ودول خمسة ستة يصيغوا المواد
وتعرض على الشعب
ويقرها المجلس في جلسة واحدة ودمتم ..

هذه هي ضمانات الاستقرار الحقيقي ..

والحل الذي أراه يا إخوتي الأحمدات جميعاً .. لو عايزين نعمل شغل إيجابي فعلاً ..

هو مطالبة الدولة بجدول زمني أسبوعي ..
بحيث يتم تعليق التظاهر ما دامت الأمور تسير وفق الجدول الزمني المحدد بدقة
أما إذا فرط اسبوع واحد منهم تبقى المظاهرات يوم الجمعة التالية مباشرة

وآدي الجمل وآدي الجمال ..
ووقتها هيبان مين بيتلكك .. ومين عايز شغل صح بجد ..

لكن الموضوع ينام
ويتعلق على خلافات الأحزاب .. والتدخلات الخارجية .. والظروف الاقتصادية .. والمواءمات السياسية .. والأخطار الأمنية ..
يبقى خلاص كله في الحشتكورت البني .. وابقوا سلمولي على الثورة

---

بالظبط يادكتور أحمد
لازم قبل مالناس تمشي ...يبدأ تعديل الدستور فعليا بواسطة لجنة الحكماء
ويتحل مجلس الشعب حالا
علشان الدستور مايتلعبش فيه لما الناس تمشي..وترجع ريما لعادتها القديمة

اقتباس:

---

المشاركة الأصلية كتبت بواسطة ahmed nouh

بسبب الخوف وقمع اجهزة الامن

طيب طالما الامن اتكسر والخوف راح ايه المانع من تكرار العملية

انا شايف ان اول مرة هى دايما اصعب مرة ، بالعكس ساعتها كانت الناس خايفة ويائسة علشان الكل كان نازل وجواه احساس هيقتله ان الموضوع هيخلص على مفيش وانا منهم

دلوقتى الكل عرف ان الموضوع بيجيب نتيجة وان مبقاش فى حاجة يتخاف منها فهيتشجع اكتر على النزول

---

هي دي خلاصة الكلام يا بوحميد
إنه يجيب نتيجة
الحاصل إنه هيوصلك إن كل اللي انت عملته ده مجابش نتيجة ..
وهو ده الهدف الحقيقي من كل هذا التسويف والمماطلة والإصرار على الاستمرار في حجب الأمن وحظر التجول والتصميم الرهيب على فض الاعتصام ..
علشان تلاقي كل ده خلاص .. بخ
وبالتالي تلاقي إن كل ده مبيجيبش نتيجة .. فمتنزلش تاني ولا حاجة .. ونظل جميعاً أسرى الفشل والقهر

لا يوجد مجال لحدوث ذلك ولا واحد بالألف
الرئيس ونجله فقدوا السلطة تماماً

السلطة الآن نقلت فعلياً لثلاثة من رجال الجيش
سليمان وطنطاوي وشفيق

ولن يعيدوا السلطة لمبارك ابداُ لأنهم أصبحوا أقوى منه

اقتباس:

---

المشاركة الأصلية كتبت بواسطة أحمد كمال

شوفوا يا جماعة ...... الشعب كان في قمقم مبرشم ...... و خرج منه

و مش عارفين يلموه تاني

بس لو لموه تاني ...... المرة دي القمقم هيتبرشم بالرصاص المصهور ..... و لا مانع من شوية مية نار يتدلقوا جوة الأول ..... و لا مانع انه من حين لآخر يتحط عالبوتاجاز شوية ..... و لا مانع من انه يترمي في النيل ...... الخ الخ الخ

---

:36_2_33:

انا رأيي ان السيناريو مش هيبقى مبارك ولا جيمي..
هيبقى شخصية تسير على نفس خطى النظام القديم وبدعم من مراكز القوى والحرس القديم
هيحشدوا وراه التليفزيون والبلطجية و وووووو...وانت عارف الباقي

لازم الناس تعرف انه لا سبيل الا ان النظام القديم يخرج بكل شخوصه من الصورة تماما
علشان مصر تتبني من جديد على نضافة

بالظبط يادكتور أحمد

الأمن لحد دلوقتي مش موجود ليه؟؟؟؟
وحظر التجول مفروض لحد دلوقتي ليه؟؟؟؟
والبنوك مقفولة ليه؟؟؟؟

وحظر التجول بالذات..ترتب عليه مليوووووووون حاجة
نقص البنزين ..نقص السلع الغذائية ..نقص الأدوية...و.......و.......و..........

ده كله للضغط على الناس للرجوع
وكل المسؤلين دلوقتي طلعوا ..وكلهم إتكلموا

بس عاوز حد يقولي حاجة واحدة حصلت ..حاجة واحدة بس
غير موضوع منع الوزراء وأحمد عز من الرحيل
وأساسا محمد رشيد نفسه بره البلد..ومحدش بلغه بصفة رسمية بإنه ممنوع من السفر

يا دكتور أحمد طالما فيه رفض لحل مجلسى الشعب والشورى ورفض أخر لانشاء جمعية تأسيسية لتعديل الدستور يبقى كل سنة وانت طيب. ولكن الرئيس لن يجدد و جمال لن يترشح و اعتقد الرئاسة ستكون فترتين ولكن القصة ان هيتم تداول السلطة بين رجال القوات المسلحة او رجال الحزب الجديد اللى سيتم انشاؤه على انقاض الحزب الوطنى مع اعطاء نسب متفق عليها للاحزاب والقوى السياسية فى المجالس النيابية. ولكن القعدة فى ميدان التحرير لن تغير ذلك ابدا عارف ليه ؟ لأن الجيش يدعم هذا السيناريو مش لطمع فى مناصب فقط ولكن للامساك بزمام الأمور فى الدولة. والله أعلم

اهو يا احمد دة كلة بقي
الناس مش معتبراة نجاح للثورة !!!

اقتباس:

---

المشكلة ليست فى مبارك كشخص ، فليس من المتوقع أبداً ترشحه لفترة أخرى ... يستحيل فى ظل الظروف الحالية. المشكلة فى النظام الفاسد الذى لو منحته الفرصة ليلملم شمله ويجمع ما شتت فتأكد خروج طاغية جديد من بينهم ربما يكون أسوأ من مبارك.

المشكلة مشكلة نظام وليس أشخاص ، فالثورة طعنت النظام ولم تقطع رأسه بعد.

---

بالظبط كدا

ربنا قال جملة فى القران كذا مرة نفسى الناس تركز فيها
(أفلا يعقلون) !!!!!!
ربنا بيدينا دلائل و علينا نستخدم عقولنا و نفكر

نفس الفكر , نفس البلطجة , نفس الجزب , نفس الاعلام الموجه , نفس نظرية المؤامرة , نفس الاكاذيب و الوعود الغير صادقة (احلف بشرفى العسكرى مجدش هيتعرض للمتظاهرين فى ميدان التحرير ) و نلاقى أحصنة و جمال!!! , وعود جديدة يبقى نصدق؟؟؟
يعنى 300 واحد يموتوا و 5000 يتعوروا علشان وعود؟؟ بلاش فين حق الناس اللى بيقولوا مطالبهم مشروعة و قتلوهم؟؟؟ فين الاعتذار؟
مش عارف اقول ايه على الناس فعلا

اقتباس:

---

المشاركة الأصلية كتبت بواسطة som3aa

بالظبط كدا

ربنا قال جملة فى القران كذا مرة نفسى الناس تركز فيها
(أفلا يعقلون) !!!!!!
ربنا بيدينا دلائل و علينا نستخدم عقولنا و نفكر

نفس الفكر , نفس البلطجة , نفس الجزب , نفس الاعلام الموجه , نفس نظرية المؤامرة , نفس الاكاذيب و الوعود الغير صادقة (احلف بشرفى العسكرى مجدش هيتعرض للمتظاهرين فى ميدان التحرير ) و نلاقى أحصنة و جمال!!! , وعود جديدة يبقى نصدق؟؟؟
يعنى 300 واحد يموتوا و 5000 يتعوروا علشان وعود؟؟ بلاش فين حق الناس اللى بيقولوا مطالبهم مشروعة و قتلوهم؟؟؟ فين الاعتذار؟
مش عارف اقول ايه على الناس فعلا

---

ياسمعه
الكهنة وجودهم مرتبط بوجود الفرعون
ودلوقتي
الحكم بين الناس والحكومة ....الدستور
طيب مين الي هيعدل الدستور ..طالما الحكومة ماحلتش .أو حتى جابت سيرة حل المجلس المشهود له بالبطلان؟

اقتباس:

---

المشاركة الأصلية كتبت بواسطة ahmed ezz

اهو يا احمد دة كلة بقي
الناس مش معتبراة نجاح للثورة !!!

---

ياأحمد
لو صدق..يبقا الثورة نجحت 100000%
بس تضمن منين إنه يصدق كلمته
تضمن منين؟؟
هو ده الي مخلي الناس لسه قاعدة في التحرير
الحزب والحكام طول عمرهم بيقولوا(نحو مزيد من الديموقراطية)و(نحو مزيد من الحريات)و(نحو مزيد من التنمية)
ومفيش حاجة بتغيير
بل بالعكس
من سئ لأسوأ
وتعيين نائب..وتغيير بعض عساكر الشطرنج مع وجود نفس اللاعب
لعب
يعني شال قطعة شطرنج..وحط قطعة تانية..تكنيك أساسي في لعبة الشطرنج
ونفس الاعب الي بيحرك القطع لسه موجود

اقتباس:

---

المشاركة الأصلية كتبت بواسطة som3aa

بالظبط كدا

ربنا قال جملة فى القران كذا مرة نفسى الناس تركز فيها
(أفلا يعقلون) !!!!!!
ربنا بيدينا دلائل و علينا نستخدم عقولنا و نفكر

نفس الفكر , نفس البلطجة , نفس الجزب , نفس الاعلام الموجه , نفس نظرية المؤامرة , نفس الاكاذيب و الوعود الغير صادقة (احلف بشرفى العسكرى مجدش هيتعرض للمتظاهرين فى ميدان التحرير ) و نلاقى أحصنة و جمال!!! , وعود جديدة يبقى نصدق؟؟؟
يعنى 300 واحد يموتوا و 5000 يتعوروا علشان وعود؟؟ بلاش فين حق الناس اللى بيقولوا مطالبهم مشروعة و قتلوهم؟؟؟ فين الاعتذار؟
مش عارف اقول ايه على الناس فعلا

---

كلامك صح 100%
كلنا ندرك وجود مؤامرة الآن للإلتفاف على الثورة
لا أحد يختلف معكم بأنه توجد الآن في الغرف المغلقة إجتماعات ساخنة للإلتفاف على مكاسب ثورة الكرامة
هذا لا خلاف فيه

الخلاف في التفكير في الحل لهذا الموقف

أنا أثق في الله أنه لن يضيع عملنا هدراً وسينصرنا

اقتباس:

---

المشاركة الأصلية كتبت بواسطة a7med_pharma

ياأحمد
لو صدق..يبقا الثورة نجحت 100000%
بس تضمن منين إنه يصدق كلمته
تضمن منين؟؟
هو ده الي مخلي الناس لسه قاعدة في التحرير
الحزب والحكام طول عمرهم بيقولوا(نحو مزيد من الديموقراطية)و(نحو مزيد من الحريات)و(نحو مزيد من التنمية)
ومفيش حاجة بتغيير
بل بالعكس
من سئ لأسوأ
وتعيين نائب..وتغيير بعض عساكر الشطرنج مع وجود نفس اللاعب
لعب
يعني شال قطعة شطرنج..وحط قطعة تانية..تكنيك أساسي في لعبة الشطرنج
ونفس الاعب الي بيحرك القطع لسه موجود

---

ما هو يا دكتور للاسف مفيش ضمانات عليه و مفيش في ايدنا غير كدة
و في النفس الوقت الي في التحرير دل اخواتي و اصدقائي زيك بالظبط لما كنا كلنا هنموت من القلق يوم ما نزلت
و لما اعرف ان الناس دي وقوفها هناك معرضها للخطر ( سواء بقي من النظام - من ناس عادية فاكراهم السبب - من عفريت ازرق ) بس معرضاهم للخطر و للاسف وقفتهم مش هتفيد باي شيء تاني
لان لو قال انه عايز يصلح و انه مش هيرشح نفسة تاني و مليش ضمانات عليه يعني للاسف لازم اصبر و اشوف هو هيعمل ايه لانه حتي لو بيكدب مش هقدر اعملة حاجة لانة علي الاقل هيسبكو ملطوعين هناك دة ان مكنش هيصفيكو بالف طريقة
يبقي من خوفي عليكم اطالبكو بالرجوع و لا لا

ماهو لو ماصدقش ياعم أحمد

يبقا الخسارة كلها علينا إحنا ..هما قاعدين في قصورهم ..وراكبين المرسيدس..ورصيدهم في البنوك والحياة عندهم زبادي بالخلاط
والفاتورة هدفعها أنا وإنت
ودم الــ 500 إلي ماتوا......هيروح على الأرض
والإقتصاد إلي إتدمر..إحنا إلي هنتحمل التبعات
أنا بس عاوز ضمااااااااااان إن الوعود دي تتحقق..وساعتها الناس كلها هتمشي
دلوقتي الناس في التحرير ماسكة السكينة على رقبة النظام..لو شيلنا السكينة قصاد وعود بالإصلاح
ماتضمنش إنه النظام أو مارقبته تطلع من تت السكينة .. مايدبحش أو يقتلك على طريقة الشهيد سليمان الحربي في ميدان التحرير

والضمان الوحيد..الوحيد
هو الدستور..وفورا

اقتباس:

---

المشاركة الأصلية كتبت بواسطة a7med_pharma

بالظبط ياأحمد بيه...ويادكتور أحمد

أنا خايف كل الي حصل ده...يطلع على الفاضي
وياريته حتى هيطلع ع الفاضي
لا
الثورة لو مانجحتش ...يبقا القادم بوليس سياسي ومحاكم تفتيش وتهم الهرطقة هتوزع على الناس في الشوراع

---

أنا مرعوب من فشل الثورة . . . ساعتها هيكون شعار مصر اقلع ‎لوحدك . . محدش هيقلعك . . . . . . . . . . و التهديدات واضحة و صريحة في تصريحات التلا
تة الكبار . . .. . .‎بفكر ‎أخدها من قصيره و أهاجر بكرامتي بره بدال ما أهاجر جوه من غير أي حاجة

اقتباس:

---

المشاركة الأصلية كتبت بواسطة mazagangee

أنا مرعوب من فشل الثورة . . . ساعتها هيكون شعار مصر اقلع ‎لوحدك . . محدش هيقلعك . . . . . . . . . . و التهديدات واضحة و صريحة في تصريحات التلا
تة الكبار . . .. . .‎بفكر ‎أخدها من قصيره و أهاجر بكرامتي بره بدال ما أهاجر جوه من غير أي حاجة

---

هههههههههههههههههههههه
وانا مش عاوز أقول إيه إلي خصل في القسم بصراحة بقا
ههههههههههههههههههه
ربنا يستر والله