الله ينور
عرض للطباعة
يا أخي الكريم
بيقولك من جرب على الكذب اتهم في الصدق
ده شئ طبيعي في الحياة
طيب من جرب عليه طول الكذب 30 سنه عاوزني اصدقه انه هيترك لك ميدان التحرير
في مليون مسلسل ممكن يتعمل ومحدش هيقدر يفتح بقه بعدها ان ميدان التحرير ممنوع حد يقف فيه نهائي
على راي بعض الاخوة قالوا
ممكن يجيبلك واحد مجنون يقتله اتنين تلاته اربعه ويقولك ممنوع حد يقف في ميدان التحرير
ممكن يقولك الخساير ومش عارف ايه ومينفعش حد يقف فيه تاني لأنه بيعمل خسائر فادحة اكتر من سرقة ثروات البلد منهم طول السنين اللي فاتت
وكله بالورقة والقلم
زي ما اقنع وغسل مخ الشعب في يومين في الاعلام ان فيه يهود وامريكان وجواسيس وعملاء في ميدان التحرير وان اغلب او كل اللي في ميدان التحرير خونة وعملاء
صدقني عنده القدرة خلال 6 اشهر القادمة انه يخلي الشعب نفسه ينزل يموت اي حد يقف في ميدان التحرير
يارب اهدنا لما تحيه وترضاه
أنا مش مع نظرية الأيدي الخارجية بس ماعنديش أثبات..........حضرتك عندك أثبات بالنفي
لو خلي الشعب يتوه تاني يبقى فعلا شعبنا لا يستحق الحرية ويستاهل ألي يجرى له
بس ليه نسبق البلا قبل وقوعه مش الأولى نكون أيجابيين ونتعاون مع الحكومة الجديدة بصمام أمانها الممثل في الفريق أحمد شفيق والسيد عم سليمان
"لم اكن انوي الترشح لفترة رئاسية جديدة"...في خطابه
"I am fed up after 62 yeras in public service" في حديثه لشبكة اي بي سي
يعني من الاخر عاوز يقول للشعب والعالم..انا ما حدش يجبرني على حاجة...انااصلا زهقت وما كنتش ناوي اكمل..
يعني ما جبتوش جديد...بيحسسني انه ببطلعلنا لسانه...
ليه الريس مش عاوز يشعر الناس اللي اتظاهرت وماتت واتبهدلت انه فعلا نزل على رغبة الشعب
غرووووووور..وكبرررر لاخر رمق...وده بالذات اللي مخليني مش متقبل اي حاجة غير التنحي الفوري
عودة الى الموضوع...اللي اتغير من يوم 25 يناير انه وزير الطيران المدني بقه رئيس الوزراء
وعود فقط و سوف يتراجع عنها
و استطيع ان اتوقع استراتيجية التراجع
تفجيرات في اماكن سياحية - فضائح جنسية لبعض المشاهير و اي شئ يلهي الراي العام حتي يتم التراجع عن كل الوعود و تكون صفحات الشكر تملئ الجرائد شكرا لحكمة الزعيم الذي قاد الازمة بكل "حكمة"- حكمة البلطجية و المولوتوف.
مبارك هو الباب ان كسر بتنحيه سقطت قلعة الفساد و حصل الشعب علي حقوقه المسلوبة
عندي سيناريو جامد بقى ليكم
كمان شهرين تلاتة كده
تحصل مناوشات على الحدود الشرقية
بمبة من هنا على طلقة من هناك
و طيارتين اسرائيلي يخترقوا المجال الجوي و يحلقوا فوق السويس مثلا
حرب حرب
و مش وقت دستور و لا قرف احنا بنحارب ياولاد الـتيييت يا فرافير
و كمان بالمرة تطلع الثورة هي السبب في تجرؤ العدو علينا
و ابقى قاااابلني
طيب ما انا ممكن اقولك ان الكثير من المحللين من قبل الثورة كان بيقول ان الموضوع ده شغل من الدولة لتلهي به الناس عن اجنداتهم السياسية
اولا الشباب بتوع الحركة طلعوا قبل الفجر على الفضائية المصرية كذبوا الكلام ده وكذبوا ان فيه حد منهم مشى من هناك والكلام اللي التلفزيون المصري بقاله كام يوم عمال يهلل عليه
ثانيا الاخوان قالو مش هيرشحوا نفسهم للرئاسة
هما بقه لحد الآن عمالين يهللو في الفضائيات المصرية ان الأخوان مش هيمسكونا
طيب هما قالو هيمسكوا وحتى لو عاوزين يمسكوا هيمسكوا ازاي يعني
حد يقولي سيناريو للعملاء والأخوان والمدنسين وفرق النينجا وغرندايز وسوبر ماريو هيمسكوا البلد ازاي بس علشان انا مش فاهم دي بصراحه خصوصا ان فيه جيش في كل حته وان الكثير من الشعب مش موافق عليهم خصوصا سوبر ماريو ده لأنه مجرم وبيجري بسرعه
الله يفتح عليك
الناس بس بتنسى او بتتناسى
المشكلة ان الأفلام والمسلسلات للحكومة بتاعتنا او النظام بمعنى اصح ماشاء الله عندهم مكتبة جامده جدا جدا
زي خروج السجناء من السجون لعمل فوضى علشان تختار بين الامن المبارك او الفوضى اللامباركة
اكن مفيش خيارات اخرى لأن هو خلاها كده
اتفرج كده
[youtube]http://www.youtube.com/watch?v=yhVSfd6qrzA&feature=player_embedded[/youtube]
وعلى فكره فيه فيديو تاني ولكن اتشال من على اليوتيوب قولي بقه مين له مصلحه يتشال بالله عليكم
و الله أنا شايف شباب التحرير عنده من الوعي و الذكاء إنه يفكر في الأمور و يخرجوا بالقرار الصائب و لا نملك أنا أو غيري أو ٥٠٠٠ واحد ع النت حتى من إجبارهم على شيئ أو تغيير فكرتهم عن شيئ أو شخص ..
لو قعدنا نقول من هنا لبكرة إن كده فل أوي و ياللا روحوا بقى فده و لا هيأثر فيهم .. من الواضح إنهم هزموا عصيان و مسدسات الأمن و هزموا الحمير و الجمال و مش شايف إن كلام النت هي اللي هاتفرقهم من الميدان
هم من الواضح غير راضيين عن ما قدمه النظام من تنازلات و حاسين إنهم قادرين على إجباره على المزيد .. و النظام شايف إنه كده فل و بوسو إيديكو وش و ضهر يا شعب .. مين هايفرض رأيه الله أعلم
و الله ده لو وصلوا للتفكير ده و طبقوه بحرفية و إتقان .. ده يبقى حقهم يقودوا العالم مش يقودونا
و لا حاجة من دى اتنفذت
و على الاقل تلتنهم مش هيتنفذوا