الموضوع: ايه المطالب اللي اتنفذت فعلا من المطالب دي ؟

استقالات بالجملة فى الحزب الوطنى -------- يرجعوا تاني في نص ساعة
برده المظاهرة ترجع فى ربع ساعة
اسأل المتظاهرين يجاوبوك عليها . اسأل اي واحد نزل يقول لك انها ما تتجمعش في ربع ساعة ولا حاجة ( شوف هايتجننوا و يلموها ازاي)

عدم التوريث وعدم الترشيح ------------- مجرد وعد يتلحس في لحظة
ممكن
بس فيه حاجة اسمها مصداقية لو فقدها يبقى مالوش لازمة برة وجوة
وايه اللى يخليه يدى وعد ومينفذوش
كان استمر فى القمع وخلاص

هو لسه هايفقد المصداقية ؟
هات خطبه في السنين اللي فاتت و شوف انت بقى
انا مش فاهم ازاي بتقول له مصداقية

نائب للرئيس ---------------------- نائب أسوأ من الرئيس
طيب نجيب البرادعى ولا ايمن نور ........ يعنى من يرضيكم
سؤال محسسني اني باتفاوض مع حد من الحكومة
بص , الناس كلها اللي يرضيها ان النظام ده يغور
لو انت مش منهم , يبقى ما نضيعش وقت بعض في الرغي
:)


محاكمة لروؤس الفساد --------------- قطع شطرنج يتجاب غيرها , ده غير ان ماحدش اتحاكم لسه اصلا ولا اعلن عن محاكمة حد
قبل المحمكمة فيه نيابة
وفيه تحقيق
ومفيش قضية اموال عامة بتخلص فى يوم وليلة
لان كلها مستندات وحسابات بالورقة والقلم وده عن تجربة معاهم
واللى هيشوف غيره بيتحاسب هيتلم بعد كدة
ايمن نور اتشالت حصانته في خمس دقايق , لما يعوزوا يعملوا حاجة بيعملوها , كل ده تسويف


اتخاذ خطوات لتعديل الدستور ----------------------------------------- فين ده ؟ مجرد وعد بالنظر فيها , لما عملوا المواد اياها طبخوها في يومين , ممكن في لحظة يقول لك بخ , مش هانغيرها :)))))))
على فكرة
تعديل الدستور مدته علشان يخلص مش اقل من شهرين
واقراه وهتلاقى اللينك بتاعه فى توقيعى
غير كدة يبقى هو اللى بيفصل وبيغلط
شوف نفس المواد دي لما غيرها من كام سنة غيروها في قد ايه
تاني , لما يعوزوا يعملوا حاجة بيعملووووووووها :)

اتخاذ خطوات لفحص صحة عضوية مجلس الشعب ------------- مجرد وعد بمناقشة الطعون , برده في لحظة يقول لك طعون اي كلام ولا يسيب لك كام طعن صح يفوتوا له اغلبية مطلقة في المجلس برده , و شكرا
مفيش حاجة اسمها مجرد وعد دلوقت
لان فيه كلمة قالها يبقى يلتزم بيها
هو مش بتاع بطاطا
فيه عدم التزام = يبقى فيه مظاهرات واشد من الاول
موضوع الطعون لو عايزين يعدوه كانوا خلصوه
ارجع لرد المصداقية السابق , و على فكرة قبل الثورة كانوا قالوا على الطعون دي نفسها انها ما تلزمهمش :)

تاني
الشعب هو مصدر السلطات
الشعوب مصدر الدستور فهو من يصنعه

اي حد شايف ان الاعداد دي ما تمثلش الشعب , يروح يلم قدهم
اي حد مش شايف ان دول اعداد , يبقى ما شافش في حياته غير القناة الأولى


تاني
حوارنا أثبت ان كل اللي اتقدم وعود , و اننا مافيش في ايدنا حاجة ملموسة , الا كلمته , و دي اللي عايز يصدقها يبقى ما كانش عايش في مصر او ما خرجش من بيتهم بحكم اننا بقى لنا سنين عابشين في "أزهى عصور الديمقراطية" على حد قول قاتل ناسه