ما أضرار الهوا في دائرة التبريد

بسم الله الرحمن الرحيم

السلام عليكم ورحمة الله وبركاته

معلش يا جماعة عندي سؤال غريب شوية ،، كنت النهارده بمسح العربية بعد مشوار كده كان طويل و كانت سخنة ،، قلت بالمرة أتأكد من مستوى الماء في أربة الماء الي بتغذي الردياتير .. كنت مدور العربية ،، لأني الي أعرفه طالما حزود مياه و الموتور سخن يبقى أكون مدور العربية ... المهم في نزلة جاري .. قالي أيه ده أنت معري قربة المياه و العربية سخنه ..قلتله آه .. قالي كده غلط .. كده تاخد هوا .. قعدت أضحك ... قالي بتكلم بجد .. كده تاخد هوا في دورة التبريد

و تلاقيها مش مظبوطه معاك و حتضايقك المهم شكرته على نصيحته ، و مشى ..

ممكن حد يفهمني بقى هو كان بيقول أيه .. بس بلغة عربية مفهومة :)) :36_3_10[1]:

بص ياسمسم باشا
العربيه مش هتاخد هوا لو انت فاتح القربه طالما الميه فى القربه اعلى من اول (فتحه فى ماسورة القربه) فحتى لو مياه القربه ناقصه شويتين مش هتاخد هوا
الهوا ده بيجى نتيجه انك تفضى مياه الردياتير خالص وترجع تملاه من جديد فى الحاله دى بيبقى فى هواء فى الدوره

أها فهمت حضرتك .. ربنا يجازيك خير على الرد ... طيب لما أودي العربية للبنزينة أنظف دورة التبريد و أضيف مياه خضراء ... كده ممكن هوا يدخل في دورة التبريد ؟؟؟ و ألف ألف شكر لردك و أهتمامك !!!

كمان هو فيه أضرار ليها ؟!!

و ألف شكر :)

اه فى الحاله دى ممكن يدخلها هوا والحل انك تفتح غطاء الردياتير بعد ما تملاه بالمياه الخضرا الجديده وتمسك خرطوم الكوع (اللى موصل من فوق فى شمال الردياتير ومتوصل بالموتور وتقعد تدوس عليه وتسيب كذا مره هتلاقى الردياتير بيعمل فقاقيع هوا واعمل كده كذا مره وبكده الهوا بيطلع من دوره التبريد
واضراره انه بيخلى العربيه تسخن طبعا لانك تعتبر ماشى والمياه ناقصه فبالتالى الفراغ اللى مفيهوش ميه بيخلى العربيه تسخن

أوووووه ،، الموضوع كبيييييير ،، باشا بجد تسلم أيدك على الرد .. و شكراً

بص حضرتك سيب العربية تبرد شوية احسن
انا مرة شفت واحد بعربية تويوتا كرسيدا كانت العربية سخنة و فتح القربة المية طبعا بتغلي (الواضح ان العربية كانت سخنة جدا) المية نطرت في وشه و حرقته و اعد يصوت و العربية تطلعت صوت فرقعة عاااااالي جدا جدا جدا و غالبا جابت وش سلندر
انا شفت المنظر دا بعيني عشان كده بقول لحضرتك سبها تبرد شوية لو سخنة اووووي لتفادي اي شي من ذاك القبيل

أعوذُ بالله ... ربنا يعينه ... و ربنا يكرمك على النصيحة يا رب ...هي حصلت قدامي مع الراجل بتاع الريدياتير ... !!!!!!!

و حط جنبها علاامات تعجب كتيييييير ،، كان عندنا خرطوم الريدياتير فيه خرم .. و كنا جايين من مشوار ،، طبعاً العربية كانت بتسخن جامد ،، رحناله انا و الحاج والدي .. و هو بيشتغل ،، و عارف ان العربية سخنه ،، المهم فتح الردياتير و عينك متشوف إلا النور ،، لقيت نافورة مياه ... و كلها على ايده يا عيني ،، تقريباً أيديه اتسلقت !!!!!!! :(( و هو قعد يجري في الشارع زي المجنون ،، ماسك أيده و عمال يجري !! و يصرخ زي العيال ،، و انا مستغرب ،، بحسبه عيب في العربية ،، والدي قالي،، اي عربية سخنة بتعمل كده لما تفتح الريدياتير .. هو الي أستعبط ...!! بس لغاية دلوقتي مش عارف راجل بيشتغل الشغلانه دي بقاله زمان ،، أزاي غلط الغلطة دي !! :)))

ربنا يستر يارب خلى بالك

إن شاء الله !! :)

بص يا ريس انتا معاك شاهين علي حد علمي لما تيجي تنظف دورة التبريد و بعد ما تركب كل حاجو وتضيف المية هتلاقي في الخراطيم اللي فوق الموتور خرطوم في صمام او حاجة زي مسمار بلاستيك كدا هتحط المية وتشغل العربية بس لازم متكونش سخنة وتفتح الصمام ده وتخلي حد يضبف مية باستمرار هيطلع كل الهواي الي جوا الموتور والي في الدورة كلها وبعدين تقفل الصمام

اقتباس:

---

المشاركة الأصلية كتبت بواسطة nice_bird

بص يا ريس انتا معاك شاهين علي حد علمي لما تيجي تنظف دورة التبريد و بعد ما تركب كل حاجو وتضيف المية هتلاقي في الخراطيم اللي فوق الموتور خرطوم في صمام او حاجة زي مسمار بلاستيك كدا هتحط المية وتشغل العربية بس لازم متكونش سخنة وتفتح الصمام ده وتخلي حد يضبف مية باستمرار هيطلع كل الهواي الي جوا الموتور والي في الدورة كلها وبعدين تقفل الصمام

---

تلسم أيدك .. و حدور انا على الخرطوم ده أن شاء الله :)

اقتباس:

---

المشاركة الأصلية كتبت بواسطة nice_bird

بص يا ريس انتا معاك شاهين علي حد علمي لما تيجي تنظف دورة التبريد و بعد ما تركب كل حاجو وتضيف المية هتلاقي في الخراطيم اللي فوق الموتور خرطوم في صمام او حاجة زي مسمار بلاستيك كدا هتحط المية وتشغل العربية بس لازم متكونش سخنة وتفتح الصمام ده وتخلي حد يضبف مية باستمرار هيطلع كل الهواي الي جوا الموتور والي في الدورة كلها وبعدين تقفل الصمام

---

انا معايا شاهين بس معنديش الصمام ده !!!!!!!

هوا نازل في ال 1400 الموتور الانشيا موديل 2000 تقريب ومتهيالي في باقي الموديلات هو صمام بلاستيك اسود في خرطوم فوق الموتور وفي مسمار بلاستيك في نصة بتفكو وتستني الهوا كلو يطلع لغايه ما تكون ميه بس وتقفلو كويس وانا هحاول ارفع صورة ليه

ياريت ياباشا ترفع صورته فعلا لانه ممكن يكون موجود عندى وانا مش واخد بالى

متابع .......

ImageShack® - Online Photo and Video Hosting
ImageShack® - Online Photo and Video Hosting
ImageShack® - Online Photo and Video Hosting

دي صورة الصمام وانا اسف ع التاخير لان النت كان فاصل عندي

اه فعلا عندى ومكنتش اعرف ده بتاع ايه
الف الف شكر ياباشا

كويسة أوى المعلومة ديه .
طب دلوقتى الريدياتير المية بتاعته بتخلص بسرعة ممكن حد يقلى أعمل إيه ؟؟

ياا راجل تسلم أيدك ،، أنا مكنتش أعرف خااااااااالص ده بتاع أيه :)))

اقتباس:

---

المشاركة الأصلية كتبت بواسطة modyverna

كويسة أوى المعلومة ديه .
طب دلوقتى الريدياتير المية بتاعته بتخلص بسرعة ممكن حد يقلى أعمل إيه ؟؟

---

اول حاجة اتاكد ان مفيش تسريب ومفيش حاجة بتنقط عندك الاكواع والخراطيم وكلو

تاني حاجة اتاكد انا الغطا بتاع الردياتير سليم و بتاع القربة كذلك (مهم جدا جدا انا كان عندي الغطا بايظ كنت كل يوم ازود مية في الصيف لحد ما غيرتو )

تالت حاجة راجع ظبط الموتور ممكن يكون بيسخن زيادة عن الازم