الموضوع: مش عارف اقول ايه عالمصريين الى بتفكر كدا

انا حزين جدا جدا على طريقه تفكير مصريين كتير فى الموضوع..
انا عارف ان فى ناس كتير منقسمه ما بين التهدئه دلوقتى وما بين الاستمرار فى الثوره..
بس فى النهايه الاتنين عايزين الخير للبلد وبيعترفوا بفضل الشباب والناس الى استشهدت...
لكن للاسف من كلامى مع ناس اصحابى فوجئت بكلامهم ...والله حزين جدا جدا ان مصريين بيقولوا الكلام دا وبيفكروا كدا وهما مش تبع حزب ولا اى حاجه
دا عينه من كلامهم...
لما قلت لبعضهم عن الشهداء الى ماتوا عشانى وعشانك وعشان المستقبل ردو عليا وقالوا:

واللي اتقتل يستاهل

لان كان واقف وبيشل البلد ويخرب فيها

ولما وريتهم الفيديو بتاع العربيه الى بتدوس المتظاهرين:

واللي يخرج في مظاهره بعد ما مطالبه اتنفذت يستحق يتفرم مش يتدهس بس

ودا رأيهم فى الاعلام الحكومى :

الاعلام واضح وصريح وبيجيب كل حاجه وبيجيب كل الاراء ومن اول امبارح بيناشد كلب من ا للي في الميدان يتصل بيهم ويعرض وجهة نظره ومحدش معبر ولا عاوز يتكلم

وفى النهايه يقولوا فوقوا بقى انتوا بتخربوا البلد ومش فاهمين وكلام كتييييييييير....
لما يكون الكلام دا منتشر للاسف بين مصريين يبقى مانلومش الحكومه لما تقتل وتركب وتدلدل كمان
لاحول ولا قوه الا بالله