الموضوع: فيديو تورط حبيب العادلى

المشاركة الأصلية كتبت بواسطة dr-mohamed

منتشرة من ايام كتيرة وناس كتير جدا عملت تحليلات ليها وثبت انها مش حقيقية مش اول مرة
واللى حضرتك بتقول عليه مظهرش غير بعد ما حصل المكتوب لو حقيقي مظهرش قبلها ليه ؟
زي البهوات اللى كانوا بيخدموا في النظام زي مدير مكتب الرئيس السابق لمدة 18 سنة ومصطفي الفقي اللى كان سكرتير الرئيسومن ابرز اعضاء الحزب الوطني ونجح عندنا في دمنهور بالتزوير وجايين دلوقت يهاجموا النظام الحاكم طيب ما انتم كنتم من اعمدته
وحط معاهم عمر عفيفي اللى كان عقيد في امن الدولة وهرب لامريكا وبيهاجم النظام دلوقت
طيب ازاي وصل عقيد في امن الدولة مش بتعذيب وقتل المصريين ؟
للاسف الكل دلوقت بيستغل مشاعر المتظاهرين المتبقين في التحرير والكل بينفخ فيهم ومنتهي النفاق والرياء نفس ما كان يتم مع النظام السابق بس الاول كنا بنهاجمهم لان مش على مزاجنا دلوقت بنثقف لهم ونقول ابطال لان نفاقهم على هوانا

برضه هتقولى ثبت ثبت ازاى يعنى ما تعرفنا؟
وازاى ياحبيبى هتظهر والنت كانت مفصولة 5 ايام؟
وعمر عفيفى عمره ما اشتغل فى امن الدولة ده كان فى الامن العام ونقلوه الدفاع المدنى واستقال وهرب على امريكا عشان كان مهدد بالقتل بعد لما نشر كتاب عشان ما تضربش على قفاك
والراجل اللى كان مدير مكتب الرئيس ده كمان ماله موش عاجبك ليه ده راجل كان بيؤدى مهام عمله بما يرضى الله فى اعداد التقارير المطلوبة منه لرئيس الجمهورية وهو اللى استقال بنفسه
ومصطفى الفقى نجح بالتزوير ده اكيد لان المنظومة وقتها كان انه كل اعضاء الحزب لازم ينجحوا هو او غيره
انا رايي انك تهدى اعصابك شوية
وليس يصح في الأذهان شئ ..إذا إحتاج النهار إلى دليل

الفيديو طار ملحقتش اشوف للاسف :(

المشاركة الأصلية كتبت بواسطة a7med_pharma

معلش يامحمود
ومش بكدبك والله ...
عربيتك عطلت وكانت بتتسحب وقت هروب المساجين قدام السجن ..هو إنت شوفت إيه إلي حصل جوه
وبص
هقولك حاجة
تخيل نفسك ظابط قائم بالاعمال في سجن
تمام؟؟؟
تمام
لقيت ناس جاية عاوزة تقتحم السجن .
لو هما ضربوا نار وهما بيقتحموا السجن ...يبقا المفروض الظباط في السجن كانوا هيضربوا نار مباشر على صدور المقتحمين
ومكنش حد هيقدر يدخل السجن
ولوإفترضنا إن الظباط إنسحبوا (زي كل الشرطة مانسحبت..حتى شرطة المطار انسحبت مش عارف ليه)..
فدي خيانة ..أقل ملتوصف به إنها خيانة عظمى
يعني إيه ظابط يهرب .. هوا كان داخل الداخلية علشان يفيم ويركب سارينة ؟؟
ولا علشان يموت في سبيل اداء الواجب زي ظباط الشرطة الي إتعمل العيد علشانهم
كانوا ظباط وعساكر ....ومكنش المهاجمين ناس معاهم أسلحة خفيفة أو حتى نارية
لااا
كانوا ظباط شرطة ... رفضوا تسليم القسم لجيش إحتلال
وماتوا تحت أنقاضه..وماسلموش
ربنا يرحمك يارجولة

لا لا يا دكتور حضرتك فهمتنى غلط ...انا معترض على الفيديو فقط لانه غير الواقع اللى شفته اما اى حاجة غيره فانا معاكوا طالما ضد النظام + مصدر ثقة (نفسى الاقى مصدر ثقة فى الوقت ده)
و بالنسبة للشرطة فكلمة خيانة قليلة على الفيديوهات اللى العالم كله شافها وعلى الانسحاب المنظم بعد كلمة سايبنها للجيش
حتى بعد عودة مديريات الامن زوجة واحد اعرفه اتصلت بيهم للنجدة...رد عليها واحد قالها خللى الجيش ينفعك
والله وبصدق خسارة فيهم الشتيمة
اما بقى حكاية السجن فعدد المهاجمين كانوا كتير جدا وكان فيه ييجى 8 جثث فضلوا لغاية تانى يوم الصبح منهم 3 لمساجين
بس اكيد الداخلية مش هاتبعت ناس تقتل حرس السجن
غير كدة المسجون اللى شفتته قال ان ملثم وليس ظابط هو اللى قاله لو مطلعتش بره هانقتلك
وفى مساجين فعلا سلمت نفسها تانى يوم