احنا عملنا موضوعات كتير بتناقش الوضع في البلد وفي التحرير وطبعا احنا جزء من الشعب المصري وبنمثل معظم فئاته وحصل بيننا الاختلاف بي نمؤيد ومعارض للاستمرار في التظاهر وكل منا معتقد ان رايه الصحيح مثلنا مثل من في التحرير ومن هم خارج ميدان التحرير
دلوقت يا ريت الموضوع يكون من غير اي تعليقات ولا انا كمان هعلق في الموضوع ده تاني
مجرد اننا عايزين نعرف النسبة تقريبا باعتبارنا شريحة من المجتمع المصري ككل
ههههههههههههههههههههههههه ه
الله علي نتيجه التصويت وانا لوحدي
اكتسااااااااااااااااااااا ااااااااااااااااااح
بصراحه انا رأيي ان الشباب دي عملت اللي عليها
والاضواء ابتدت تنحسر من عليهم
والتأييد الشعبي مبقاش معاهم
وبالتالي يكون من الغباء السياسي الاستمرار علي نفس الموقف
لابد من تغيير السياسه
لازم يفضوا التظاهر فورا
ويبتدوا يعيدوا ترتيب اوراقهم
وتنظيم صفوفهم
واهي فرصه لتصفيه ميدان التحرير
من العملاء والخونه واصحاب المصالح الشخصيه من احزاب
ثم الانتظار فتره ولنقل مثلا شهر
لنري ما ستقوم به الحكومه والحزب
لو بدأوا في الاستجابه للمطالب
فخيرا واهلا وسهلا
اما لو بدأوا الالتفاف حول جهات التظاهر ومحاوله تصفيتهم عن طريق وزاره الداخليه في مده ال7 اشهر
فهنا سينادينا ميدان التحرير مره اخري
ولتخرج المظاهرات مره اخري
الفرق في الدعم الشعبي
اما يكون الناس الي في بيوتها قاعده بقلوبها معاهم
زي ما حصل يوم 25 و26 و27 و28
كنا كلنا علي قلب رجل واحد
عشان كده المطالب استجيبت وحصل حراك سياسي
انما دلوقتي التيار مش معاهم اطلاقا
وناس كتير ابتدت تنتقد الوضع
لما له من خراب سياسي وامتي واجتماعي واقتصادي
بدأت الاموال في النفاذ ولابد من تغيير سياسه التظاهر حتي لا تنكسر امام تيار لقمه العيش
الله يخرب عقلك يا ميكي
يا عم بقول صوت بس من غير تعليق تقوم تعملي تعليق صفحة ومتصوتش
اصوت انا ؟؟؟؟؟
عليا الطلائع صوتت اول واحد
وقلت اشرح وجهه نظري
عشان مطلعش ولا خاين ولا عميل
هههههههههههههاقتباس:
المشاركة الأصلية كتبت بواسطة funnymickey
يا عم اسكت الله يهديك
ما انت في النهاية ايا كان الصوت بتاعك هاتبقي في كل الاحوال يا اما خائن يا اما عميل يا اما بتاخد وجبة من كنتاكي يا اما واخد 50 جنيه محدش بيفلت من الاتهامات اليومين دول
للرفع
صياغة الأستفتاء لوحدها تكشف ما تريده من الأستفتاء
يعني ايه :
موافق على استمرار التظاهر حتي تنفيذ المطالب ايا كانت وايا كانت المدة التي ستستغرقها
طيب ممكن تقول استمرار المظاهرات للأنتهاء من النظام الفاسد او لحين تحقيق الديمقراطية اللي ولادنا هيعيشوا فيها السنين القادمة او لحين تغيير التاريخ المصري او لحين استرجاع كرامة المواطن المصري او ... او ... او ... او ....
يعني حاجات كتير
انتم عاوزين التغيير ببلاش
ايه المهزلة دي
أقل من اسبوعين ومش عارفين تستحملوا
تونس اللي هيا مع كامل احترامي لها كدولة اقل مننا في حاجات كتير من حيث الحجم وتعداد السكان وكل حاجه واقعدت شهر
انتم بقه مستحملتوش اسبوعين
طيب تخيل لو التونسيين كانو عملوا كده
كان الوضع هيبقى ايه
يا جدعان بجد حرام اللي بتعملوه
والله ثم والله هتكتب في التاريخ وهتنكسف من نفسك لأنك كنت بتحاول تجهض هذه الثورة
اللهم اهدنا لما تحبه وترضاه
اللهم ارنا الحق حقا وارزقنا اتباعه وارنا الباطل باطل وارزقنا اجتنابه
انا رأي الشخصي ان التظاهرات تستمر لفتره محدده و لتنفيذ مطالب محدده
بعيداً عن المطالب الاساسيه و ده ليه سبب مهم و من وجهة نظري سبب وجيه,
و هو ان النظام المتمثل في شخص الرئيس مبارك و الحكومه الجديده بتعهد
بعدم التعرض لاي من (الشباب) المتظاهرين في ميدان التحرير مع الالتزام
من خلال هذه الوثيقه بتنفيذ جميع المطالب التي لا خلاف عليها من قبل
اي انسان مصري طبيعي في جمهورية مصر العربيه....
الشباب خايفه يا دكتور و خوفهم متركز في حاجتين, و دي بجد مخاوفهم...
1- إما الناس دي هيتم اعتقالها بمجرد الخروج او فض التظاهرات
2- أو هيتم تصفيتهم بطريقة من قبل بعض البلطجيه بنفس سيناريو 2 فبراير
حقهم يخافوا على نفسهم, و مجهودهم, و مطالبهم, و الاهم (( شهدائهم ))
و دمهم اللي نزفوه على ارض ميدان التحرير, و للتذكره فقط...
اكثر من 300 شهيد, و آلاااف الجرحى... ماظنش ان ده رقم يستهان بيه
سيبك بقى من الاجندات, و كنتاكي, و الدولارات و اليورو, و الاجانب
و العملاء, و الناس اللي اتدربت في اسرائيل و امريكا و الكلام الفارغ
اللي بيضحكوا بيه على الناس ده, و للاسف ده اسفاف و استخفاف بعقول
ملااااايين المصريين اللي للاسف صدقوا كلام الاعلام المصري الغير مسؤل
اللي بقوله ده مش عن سمع على فكره, لكن انا ماشوفتش بعيني الكلام ده
في ميدان التحرير خالص, و عيب قوي لما نقول كده على شباب غيرت
مصر بجد, و تغيير مافيش شخص كان يحلم بيه و لا في اجمل احلامه...
انا مش مع انهم يفضلوا في التحرير بعد تحقيق مطالبهم (اللي لسه هتتحقق)
لان لسه لم يتم تنفيذ فعلي للمطالب المشروعه دي إلا بنسبة 25% تقريباً
لكن بعد التعهد ده يبقى كده مافيش اي داعي للتظاهر او المكوث في ميدان
التحرير اكثر من كده و نبدأ نشتغل و نركز في مرحله جديده محترمه
و نظيفه في تاريخ مصر, و اخذ خطوات للاصلاح من انفسنا كمان
مع الاصلاحات السياسيه الكتير دي, لاننا فعلاً محتاجين نصلح من نفسنا
كتيييييييير علشان نقدر نقوم البلد دي تاني, و نخليها من اقوى الدول
في الشرق الاوسط اقتصاديا و سياسياً و علمياً و عسكرياً و من كل النواحي
ده رأي الشخصي المتواضع بشكل عام, و ربنا معانا الفتره اللي جايه...
تقبل خــالص تحياتي يا دكتور...
حاسس ان ممكن كمان يضاف
التظاهر فى اماكن محددة و معروفة ( او فقط جنينة التحرير مش الشوارع نفسها ) مع السماح بمرور السيارات و استئناف الحياة و يتظاهروا زى ما هما عاوزين
المعركة اصبحت معركة قوة تحمل
وان كنت اعتقد ان صاحبنا هيسلم ان شاء الله على يوم الجمعة الجاى (كنوع من العند مش اكثر لانه عارف ان الموضوع شبه منتهى
و الموضوع بدأت بشايره النهاردة بتغيير الطقم القديم تحت شعار (انسف حمامك القديم) كرد فعل غلى جمعة الرحيل
(حد يصدق ان جوجو يمشى)
واهو بكره الاحد (أحد الشهداء)
توقع رد فعل على الاثنين غالبا واحدة من 2
-الغاء حالة الطوارى
-حل مجلسى الشعب والشورى
الثلاثاء
رد فعل يوم الاربعاء (حاجة من الخيارات اللى فاضلة فوق
الجمعة
سبت الوداع
- الكبيرة بقى ( الاستقالة من الحزب الوطنى و تفويض مهام للنائب)
و بشر الصابرين.......... يعنى صبرنا 30 سنة على الذل مش قادرين نصبر شوية لما الشباب اللى ورنا النور يضمنوا سلامتهم او حتى اقل تقدير يطلع اعتذار رسمى عن الشهداء
و محدش ينسى اننا اخدنا وعود فقط بدون ادنى مستوى لتنفيذ الطلبات
معاك حق 100%
موضوع الصبر ودم اشهداء
ده اول حاجة
حتى صياغتك لاختيار بنود الاستطلاع
لم تخلو من رايك
موافق على استمرار التظاهر حتي تنفيذ المطالب ايا كانت وايا كانت المدة التي ستستغرقها
اسلوب فيه ترهيب وتخويف ان ما فيهش هدف ولا معنى للتظاهر
واكتفيت من ناحية تانية
بكلمة انهاء التظاهر فورا
وكان ممكن تقول برضة بدل كدة
انتهاء التظاهر فورا بدون الوصول لنتائج المطلوبة وربنا يعوض اهالي الشهداء وتتعوض المرة الجاية
يا ريت يا جماعة الككل يصوت في الاستطلاع
لا كدة بقة دخلنا في خانة الغلط لما تتكلم معايا تتكلم بطريقة احسن من دي ولما انا اللى خرجت في كل المظاهرات بدون دافع الا مصلحة البلد هاتكسف من نفسي الناس اللى مخرجتش خالص هاتعمل ايه والناس اللى خرجت بعد انتهاء المظاهرات وراحت تعكسر في التحرير علشان تحقق مطالب جماعتها بحجة انها مطالب الشعب هاتعمل ايهاقتباس:
المشاركة الأصلية كتبت بواسطة أبو عبدالله
مالكش دعوة بغيرك ولما تتكلم عن غيرك تتكلم عنه باحترام ما دمت متعرفهوش
ممكن بس معرفتش اضيفها للاختيارات دلوقتاقتباس:
المشاركة الأصلية كتبت بواسطة lion_heart
الاستطلاع فيه 4 اختيارات اولها الاستمرار الدائم ايا كانت المطالب لان المطالب غير محددة بشكل نهائي للان واتحدي اي واحد يقول انه عارف سقف المطالب والاختيار التاني انهائه بعد فترة محددة وبعد تحقيق مطالب محددة والتاني انهاء التظاهر فورا يعني بغض النظر عن تحقيق اي مطلب والرابع ان التظاهر لا يهمه في شئ ولو حضرتك عملت استبيانات قبل كدة هتلاقي ان الاستبيان صحيح وفيه كل الاحتمالات الممكنة لكن المفروض كان يضاف خانة اخري لكن للاسف لا مكن اضافتها لان المفروض يبقي فيه مكان لاضافة الراي وهو غير متاح هنااقتباس:
المشاركة الأصلية كتبت بواسطة mahmoudysf
ليه مشفتش الاختيار التاني ولا هو اتحذف وانا مش واخد بالي
بشمهندس غازي ازي حضرتكاقتباس:
المشاركة الأصلية كتبت بواسطة ghazy12
ومتفق معاك يابشمهندس غازي هو ده اللي ابتدا يحصل وفعلا حاسس بالغدر من ناحيتهم
انا مابقتش قادر اوصل لقرار الكلام بتاعهم حلو وجميل بس اللي بدأ يظهر منهم يخوف فعلا وخصوصا مع شخصيه شديده الصرامه والدهاء زي عمر سليمان فعلا انا مش مطمن ربنا يستر
لو سمحت يادكتور محمد ممكن تقولى لو الناس دى روحت وكل الناس
بقت بتفكر زيك وسمعنا كلام الحكومة اللى طول عمرها غير صادقة بالمرة
وطلع فى الأخر كل ده كذب وخداع للشعب ومماطلة على الفاضى والشعب اتنفخ بعد كده ومطولناش لاحق ولا باطل
وحق الناس اللى ماتت دى راح هدر
ممكن تقولى ممكن نعمل ايه مع حضرتك؟ بما إنك بتدافع بإستماتة على تصديق كلام الحكومة؟ أو مع الناس اللى بتأيد رأي حضرتك؟
مش ممكن تلاقى مثلا واحد إنت أقنعته برأيك وكان ابنه او اخوه او اى حد ليه مات فى المظاهرات دى جاى يقتلك مثلا؟؟؟؟!!!!!
وشكرا ليك
اسمحلى اقول لحضرتك الحكومة دى عمرها كام يوم بس و ماتقوليش ان دى نفس الحكومة اللى فاتت خالص عشان لو قلنا كده نبقى غلطانييناقتباس:
المشاركة الأصلية كتبت بواسطة m7amd_7amdy
و معلش الايام دى يالذات التاريخ هوه اللى بيكتب مش انا او حضرتك و ده اكيد مش غايب عن اتنين زى النائب عمر سليمان او الفريق احمد شفيق و اكيد العبرة امامهم و مش هيغامروا ان يتقال عنهم كذا او كذا
فياريت نساعدهم مش نشتتهم او نرفض مجرد الاعتراف بهم كأشخاص و الصاق تهمة انهم من النظام القديم و خلاص
و فى يقينى ان شخصيات زى دى هى اللى دقت آخر مسمار فى نعش امانة الوطنى و لجنة السياسات لأن عمرهم ما كانوا هيسمحوا بتدخل اراجوزات النظام الراحل فى المرحلة دى
و تانى بكرر ان الاتنين دول بالذات اتحملوا الموقف ده و مهربوش منه او اتعللوا بأى حاجة و هربوا من المسؤلية لكن مجرد وجودهم و تحملهم المسؤلية عمره ما هيكون مغامرة بتاريخهم و شرفهم امام التاريخ و شعب مصر
قياريت نساعد نفسنا قبل ما نساعدهم و نديهم امل فينا و احنا كمان نحط امل فيهم
و كل واحد فينا بقى عارف ان قبل 25 يناير مش زى اللى بعده و بقى سهل جدا تكرار ما يحدث من تظاهرات و ساعتها هتلاقى كل الناس مش بعضها
فياريت شوية امل .... شوية بس
56 نعم
42 لأ
مبارك مستمر فى رئاسة الحزب و الشريف لسة فى الشورى وزغردى يأنشراح ومحصلش حاجة من وعود الرئيس وبقالنا كام يوم
أدى الوعود و الحكومة الجميلة
في الاستطلاع اختيارين لبقاء التظاهر واختيار واحد لفضه
دا يستلزم جمع حصيلة الاختيارين 1 و 2 ليكون الاستطلاع: موافق على استمرار التظاهر أم لا توافق
عموما أنا مصوتش لإن فيه اختيار لم يضف للاستطلاع وهو استمرار التظاهر لتحقيق مطالب محددة (وليس أيا كانت كما فى الاستطلاع) والتظاهر يطول زى ما يطول.
دا استطلاع تانى أكثر تحديدا:
http://www.nilemotors.net/Nile/199956-a.html
اقتباس:
المشاركة الأصلية كتبت بواسطة Dr Ahmed
موافق جدا
http://img143.imageshack.us/img143/3...7759116312.jpg
بصصوا كويس على الصورة وشوفوا بجد قد اية بيشبهوا كل واحد فينا
والله بكيت لما شفتها
اقتباس:
المشاركة الأصلية كتبت بواسطة ashouhdy
الشهيد المهندس / محمد محروس... صديق لينا و اعرفه
شوف في كام بيت يعرف واحد من الشهداء دول و غيرهم كتيييير و قلبهم اتحرق عليهم...
حاجه تانيه و دي شهاده مهمه جدااا لاني عمال بسمع كلام عجيب عن البرادعي, الموضوع
ببساطه و بعيداً عن ترشح البرادعي للرئاسه من عدمه, لكن البرادعي (( مش خــاين ))
كتيير من الناس اتضحك عليها بكذبة ان البرادعي كتب تقرير عن وجود اسلحه داخل العراق
و بالتابعيه ساعد في دخول امريكا للعراق, بل انه هو اللسبب..!!!! ده كلام (( كذب ))
انا قريبتي دكتوره في الطاقه الذريه و عايشه في فيننا و كانت مساعدة البرادعي لما كان في
الطاقه الذريه... و تقرير الراجل ده كان بوضوح ( نفي تااام ) لوجود اسلحه نوويه او بيولوجيه في العراق
و ده اللي امريكا ماسمعتوش لانها كانت عايزه تدخل العراق بغض النظر عن التقرير...
الراجل ده مش عميل, و لا هو اللي خرب العراق, و لا هو اللي خان العرب و العراق و هيكمل علينا..!!
انا واحد من الناس لو البرادعي رشح نفسه للرئاسه, مش هنتخبه لاني مش شايف انه يصلح
لمنصب رئيس الجمهوريه, و شايف انه ممكن يمسك مناصب اخرى بعيداً عن الرئاسه...
ربنا يرحمنا من الشائعات و الاكاذيب و يهدينا للطريق السليم...
البقاء لله يابشمهندس
والكارئة ان مفيش حد من رئاسة الجمهورية بحكومتها جاب سيرتهم ولا حتى قال كلمة رثاء ليهم
حسبى الله ونعم الوكيل
تصدق وتأمن باللهاقتباس:
المشاركة الأصلية كتبت بواسطة dr-mohamed
انا بشفق عليك فعلا
لا حول ولا قوة الا بالله
على فكره انا مش هرد عليك لأن حضرتك مش قادر تتحاور مع من يخالفك الرأي
لأن بتحول الكلام عن مساره
يا أخي انا اتكسف اني اهاجم الثورة دي وبعدين اكتشف انها كانت صح ونجحت
ايه المشكلة سبحان الله
فعلا يا بشمهندس غازياقتباس:
المشاركة الأصلية كتبت بواسطة ghazy12
انا افتكر ايامها لما كان البرادعي بيطلع على الفضائيات ويأكد ان العراق ليس فيها سلاح نووي
والكلام ده انا فكره جدا
وفعلا انا برضه مش مؤيده رئيس
وتفتكر لما كنت بهاجم النظام وهو في عز جبروته وخرجت ضده في كل التظاهرات من 1991 كنت بخاف ؟؟؟؟؟؟؟؟اقتباس:
المشاركة الأصلية كتبت بواسطة m7amd_7amdy
لا حيلة في الرزق ولا شفاعة في الموت تؤمن بها ترتاح جدا
والحكومة الجديدة طبعا مش مصدقها ببحكم الميراث السابق لكل الحكومات التي عايشتها
لكن ما هي الضمانة التي استطيع ان اطلبها من اي شخص يتولي الحكومة ايا كانت انه سيحكم بالعدل
اما كل الشهداء في الثورة فرحمهم الله جميعا وادخلهم فسيح جناته وغفر الله للاحياء والاموات
وشكرا ليك
والله يا صديقي ما نضمن اي شئ من اي حد في هذه الفترة لكن تقدر تقول ان شفيق بالذات وضع راسه على كفه حين قبل هذه الحكومة في كل الاحوالاقتباس:
المشاركة الأصلية كتبت بواسطة lion_heart
والله يا دكتور احمد فيه اختيارات كتيرة فضلت اضيفها لكن للاسف بعد ما الموضوع اتعمل ومعرفتش اعدل فيهاقتباس:
المشاركة الأصلية كتبت بواسطة dr ahmed
وحاولت اشارك في استطلاعك لكن للاسف وجدته مغلق يا صديقي العزيز
واضح جدا مين بيحول مسار الحوار وبيهاجم شخص الاخراقتباس:
المشاركة الأصلية كتبت بواسطة أبو عبدالله
ولو سمحت مفيش اي تعقيب على اي كلمة ليا بعد كدة وانا لا يمكن اعلق على كلام مثل كلامك
والثورة اللى انت بتمجد فيها دلوقت محدش سمع صوتك وقت ما كنا بندعي لها هنا في المنتدي ولا لما كنا بنشارك فيها فيا ريت بلاش متاجرة دلوقت
وانتهي الكلام
د محمداقتباس:
المشاركة الأصلية كتبت بواسطة dr-mohamed
أخونا أبوعبد الله أبعد ما يكون عن المتاجرة فى أى وقت وحضرتك آذيته بهذا القول
أنا متابع مواقف كل منكما ولا يمكن أن أوافق على اتهام أيكما بأى شئ يسوء
طب لما حضرتك مش مصدقها إزاى مقتنع بكلامهم وبتأيده؟ وبتناشد الناس بيه؟اقتباس:
المشاركة الأصلية كتبت بواسطة dr-mohamed
الاستطلاع غير حيادي بالمرة