الموضوع: ما وراء إستراتيجيات الجينرال أنس الفقي

المشاركة الأصلية كتبت بواسطة Everlasting

عزيزي المغفل


عزيزي المغفل
, تحية طيبة و بعد
شكرا عزيزى العاقل
يا ترى هل الديمقراطية اللى بتنشدها علمتك انك تكلم مع الطرف الاخر كدة ولا انتم كالحمار يحمل اسفاراً
اذا كانت احد أهدافك لوقف المظاهرات هيه
فرصة تانية .. البلد هتخرب .. الامان .. دول أجنبية
...يبقى يا ريت تقرا لحد الاخر

عزيزي المغفل .. أنا برضه مغفل .. كنت زمان بقول اني
انسان .. مسلم .. مصري .. عربي
اكتشفت اني لو حبيت أمارس شعائر الاسلام و أصلي الفجر و أربي دقني هيعتقلوني
طول عمرى بعمل كدة ومحدش كلمنى

و لو حبيت أعمل فيها مصري و خايف على الوطن و أحارب الفساد برضه هيعتقلوني
و لو العرق العربي نفر و قلت فلسطين أو تونس برضه لازم يعتقلوني
و لو طالبت بأبسط حقوقي الاّدمية : هواء نضيف .. ميه نضيفة .. أكل نضيف .. مسكن و جواز
مش بلاقيها .. و لو اعترضت عشانها برضه هيعتقلوني
عزيزي المغفل .. تسمح تقولي احنا ايه ؟؟؟؟؟؟؟؟
ايه هيه هويتنا ؟ لازمتنا ايه ؟ عايشين ليه ؟

عزيزي المغفل .. ياللي فرحان بخطاب الرئيس و شايف انه كفاية
يعني - بفرض انه هينفذه - مش غرييييييييب شوية يعني اننا لازم نموّت مننا ييجي 500 واحد
عشان البيه يبدأ ينطق و يحس ان فيه - لا سمح الله - شوية فساد
و بتقول نديله فرصة تانية !!!!
اه صحيح .. عندك حق .. ما الراجل - - ماباقالوش غير 30 سنة بس في السلطة
يعني كان هيلحق يعمل ايه ؟؟ ده الواحد على ما يفطر و يشرب الشاي بياخدله 5 سنين

عزيزي المغفل .. ياللي بتقول كده البلد هتخرب .. و السرقة و النهب و عدم الامان
ده أنت مغفل جدا
حادثة واحدة من حوادث الفساد زي حادثة العبارة مات فيها اكتر من 3 أضعاف اللي ماتوا في الاسبوع ده
و السبب في موتهم سافر بره و همه سابوه عشان تبعهم

عزيزي المغفل .. هوه انت فعلا كنت عايش في امان ؟؟
انت كل اللي كنت بتعمله انك بتطبق قاعدة " يحدث للاخرين فقط
يعني انت بس مش متخيل
ان اخوك يموت في عبّارة
او اختك تولع في القطار
او امك و ابوك يتهانوا و يتبهدلوا من أي امين شرطة مايسواش 3 مليم
او جوازتك تتفركش عشان عز بيه محتكر الحديد
او حد قريبك ينتحر لانه لا لاقي شغل ولا عارف يتجوز
او يمكن مش مدرك ان موقفك من القضية الفلسطينية ممكن يتغير عن كوننا ولاد عم اليهود
و اللي ينكسف من بنت عمه مايخدش منها ريال
او يمكن باصص للحظة دي بس يعني مش مفترض انك هيجيلك
سرطان من المبيدات المسرطنة
او فشل كلوي من الميه الملوثة
او على المدى القريب ممكن تنضم لضحايا وباء اسفكاسيا الخنق - افتكاس يا - و ده لو حصل
سوء تفاهم مع المخبرين اياهم
او لو حظك وحش شوية ممكن يضطروا يعزبوك لحد ماتموت

انت ليه مستبعد انك يحصلك اي حاجة من دول ؟
همه اللي حصلهم كده ماكانوش مصريين زيك ؟ ماكانوش بني ادمين زيك
اراهنك كمان انهم كانوا مستبعدين الافكار السوداوية دي زيك تمام
عرفت انت ليه مستبعد الحاجات دي ؟؟ معرفتش ؟ عشان مغفل
مش عارف ليه حاسس انك عايز البلد تبقى حرب اهلية
ممكن تطالب بكل حقوقك
ممكن تعمل ثورة كبيرة من غير ولا شهيد
52 فيها كام شهيد مات
ليه ما يبقاش فيه نظام
ليه ما يبقاش مفيش تخريب
ليه ما نبقاش عارفين احنا عايزين ايه
عزيزي المغفل .. ياللي شايف ان فيه ديموقراطية و حرية رأي
فيه فرق بين حرية الرأي و تسفيه الرأي
اعرفوا انته الاول
الموضوع ببساطة ان رأيك مالوش وزن طالما همه المتحكمين في كل حاجة
خلاص يا حبيبي اتكلم و ألطم و اشتم و عض في الارض
هل ده هيقلل من فلوسهم ؟ هل ده هيقلل من نفوذهم ؟
يبقى هيتعبوا نفسهم و يمنعوك ليه ؟
هيه المشرحة ناقصة قتله ؟

عزيزي المغفل
لما يكون نظام فاسد و متخلف
و تعمّد اثارة الفوضى عشان الناس تقول خلاص رضينا بيه
و يمسكوا امناء شرطة بيحاولوا يسرقوا
و ظباط بيحاولوا يقتلوا و يحرقوا في زي مدني
و بلطجية و هتيفة مأجورين من الحزب الوطني و مجلس الشعب بهدف قتل و ضرب المتظاهرين
والمتظاهرين كانوا ملايكة
مش حرقوا الشرطة وكسروا الممتلكات
مش كان معاهم المولوتوف يوم 28

حتى بعد الخطاب العظيم للرئيس و ده يدل على مصداقيته الشديدة
و بعد كل ده نقول نديله فرصة تانية 6 شهور
و نسيبه يعدل اللي هوه عايزه من الدستور حسب رؤيته العظيمة
يبقى تقدر تقول و بكل فخر : أنا مغفل جدا جدا جدا
يبقى اقول عليك مش عارف اى حاجة وجاهل جدا جدا جدا
ومفيش اكتر من البغبغانات فى البلد وقبل ما تتكلم عن دستور اقراه واعرف ازاى يتعدل
و تكون دي هيه هويتك .. و من حقك تموت في سبيل افكارك

و ختاما
يقول الامام عليّ ابن ابي طالب
الناس من خوف الذل في الذل .. و الناس من خوف الفقر في الفقر


شاب مغفل من الفيس بوك