الناس الله مركزة معانا اهى
ربنا يكرمك
والا اكتب +1
والا +11
لا انت تستاهل وحايد من هنا ولمدة 30 سنه
مع كامل احترامى وتقديرى للجميع
عرض للطباعة
هو ليه الناس الأفاضل اللي من رأيهم إن المعتصمين بميدان التحرير لازم يرجعوا بيوتهم مصممين على إقناع بقية الأعضاء برأيهم هذا
اللي معتصم هناك سواء بقى كان من شباب 25 يناير أو من اللي انضموا ليهم بعد كده أو من المنتفعين المزعومين أو من الأخوان أو من إيران أو من إسرائيل حتى هو اللي تعبان وقاعد في البرد والمطر
حضرتك رجعت البيت وقاعد متدفي وبدأت تروح شغلك، إيه مشكلتك مع الناس اللي قاعدة في الميدان
لا تصد الناس عنهم ولا تدعو الناس تعمل زيهم، لإن بمنتهى البساطة اللي قاعد على النت بيقرأ تحليلات حضرتك أصلا مش معتصم في التحرير
لو عاوز دعوتك تؤتي ثمارها يبقى تتفضل على الميدان وتكلم الناس اللي قاعدة هناك وتقنعهم يرجعوا بيوتهم
إنما كل موضوع تفضل تحاور وتجادل وأدلة من هنا وأدلة من هناك، ده مش هيؤدي لو نجح إلا لحاجة واحدة: الإساءة للناس اللي معتصمة هناك بدون أن يعود عليك من ذلك أي نفع
الرسالة وصلت، وشكرا جزيلا لحضراتكم على توضيح آراءكم
اتفق معاك بس فى حاله واحده ...
ان الناس الى فى ميدان التحرير دى فى مصر ..واحنا الى مش قاعدين هناك فى الصين
هى لما تخرب مش هتخرب على الكل ؟؟
ولا هتخرب على بتوع التحرير بس ؟
لحد هنا انتهى الكلام الموجه لحضرتك ..والجزء الجاى موجه بشكل عام ..
مصر بتاعنا كلنا ...
ولو انى شايف ان بدأ ينتشر فى المنتدى ان المصريين فقط هما الى فى التحرير و مؤيدين ليه !!
طيب هى الناس الى مؤيده لاستمرار المظاهرات فى التحرير قاعده هنا ليه ؟؟
ما تروح تقعد معاهم !! و خلى الى "مش مصريين" قاعدين على النت و متدفيين
وبالنسبه بردو للناس الى بتقول كملوش شغلكو و مشو حياتكو ..احب اقول اننا مش عارفين نشتغل ولا عارفين نعمل حاجه ...اه البلد بدأت تتحرك عن الاول ..بس مش بالقدر الطبيعى بتاعها ...
وبعدين زى ما المؤيدين للمظاهرات بيقولو اننا بنحاول نقنعهم بانتهاءها ..ما انتو كمان بتعملو نفس الموضوع و مصممين اننا "مضحوك" علينا
والرئيس "ثبتنا"
ولبسنا العمه
وحاجات كتير اوى
انا عاوز اقول ان مش معنى ان فى اختلاف الرأى مش معناه ان الطرف التانى جاهل ...
كلنا خايفين على البلد
وكل واحد خايف بطريقته و بتفكيره و تصرفه و كلامه ناتج عن كده ..
يا ريت بقى نحسن اسلوبنا ..
معلش طلب كمان لان فى حاجه مضايقانى جداااااااااااااااااا
من شهر واحد فقط و يمكن اقل
مكنش حد يقدر يقول كلمه وحشه "علنا" فى حق الرئيس والى كان شجاع اوى ...مكنش بيقول الكلام صريح ..وكان بيلف الكلام
دلوقتى
بقى فرعون ..وخاين و عميل و باع البلد و ظالم و شتايم كتير
كنت فين يا راجل من شهر ؟؟ عيب اوى احنا عاملين زى فى المدرسه لما كان المدرس يقف فى الفصل سواء كويس او وحش ظالم او عادل فاهم او مش فاهم كله لسانه جوا بؤه و ساكت ..اول ما يطلع التهريج و اللعب و المسخره و الهيصه و الشتيمه تشتغل
ا علام الاخ انس مركز انهاردة على الخطاب الدينى
البابا اولا
ثم شيخ الازهر ثانيا
و المضمون واحد
تفتكرو ليه
الاخبار كتير اوى انهاردة
لأن إعلامنا حالياَ بيستخدم كل الكروت مهما كانت كاذبة أو ساذجة أو قذرة -كما قال أحمد خالد توفيق- وهو يعلم جيداَ أن الدين أفيون الشعوب .. بس برضه مش علي الثوار المصريين .. يا جماعة شعبنا بيثبت والله والله والله في ميدان التحرير إنه أحد أرقي شعوب الأرض .. واللي مراحش هناك فاتوا كتير
شكرا يا موتو على التوضيح
على فكرة فى كتاب للدكتور مصطفى محمود اسمه
الدين أفيون الشعوب