بعد الثورة ..كيف نبنى دولة مصر من جديد

**SHNORY** · 05-02-2011 05:59 PM

المشاركة الأصلية كتبت بواسطة ralliart

-أهم حاجه نزرع اكلنا ودي اخطر حاجه في مصر لان لو حد من بلد ارياف هيشوف الناس كلها بتبور الاراضي الزراعيه وتبني عليها ودي ثروه حقيقيه بتضيع ومخلينا نستورد قمح من كل دول العالم

- لا يمكن من النهارده ادي لحد رشوه ولو غلطت وخدت مخالفه ادفعها حتى لو ممكن ادفع رشوه او اجيب واسطه لان دي من اخطر الحاجات اللي كانت بتواجه الناس

- زي ما قال شنوري باشا اللي يغلي حاجه نقاطعها لحد ما يتربى واولها العربيات

- من اهم الحاجات اللي هتحدد مستقبل البلد هي الانتخابات الجايه ودي لازم متتزورش من حرامية الحزب اللي خاربينها والمفروض تتعمل لجان شعبيه زي اللي معموله حالياً بس اكتر تنظيماً ومش بأسلحه لاننا مش بلطجيه ونقف قدام اي لجنه انتخابيه لمنع البلطجيه والمزورين والصناديق المزوره ومرافقتها لحد الفرز

- ولسه في افكار كتير هتتولد من الشباب اللي تسبب في التغيير ده

العربيات برضه يا اقطاعي ههههههههههههههههههه
هي فعلا من الحاجات اللي لازم تتقاطع
بس انا رايي ان المقاطعه تبدا من حاجات الاستغلال فيها بيكون علي كافه افراد الشعب
زي اللحوم والدواجن والخضروات اللي بتوصل لاسعار جنونيه
وكافه اوجه الاستغلال عموما
ويكون فيه حملات توعيه لحد ما نوصل اننا ننمي تفكير الشعب نفسه
والا حنبقي زي اللي بطل يزرع برسيم وبيزرع تفاح وفي النهايه اللي بياكل مش بيستطعم
علي فكره انا متشرفتش بمعرفه اسمك ؟؟؟

**Ralliart** · 05-02-2011 06:10 PM

المشاركة الأصلية كتبت بواسطة shnory

العربيات برضه يا اقطاعي ههههههههههههههههههه
هي فعلا من الحاجات اللي لازم تتقاطع
بس انا رايي ان المقاطعه تبدا من حاجات الاستغلال فيها بيكون علي كافه افراد الشعب
زي اللحوم والدواجن والخضروات اللي بتوصل لاسعار جنونيه
وكافه اوجه الاستغلال عموما
ويكون فيه حملات توعيه لحد ما نوصل اننا ننمي تفكير الشعب نفسه
والا حنبقي زي اللي بطل يزرع برسيم وبيزرع تفاح وفي النهايه اللي بياكل مش بيستطعم
علي فكره انا متشرفتش بمعرفه اسمك ؟؟؟

اهي من السلع المستغله واللي بنتعب في فلوسها وكل سنه ييجي واحد كان بجلبيه واتحول لرجل اعمال يغليها 10 الاف بمزاج اهله كأن الفلوس دي لقيناها جنب الحيط
وطبعاً الفيس بوك موجود لأي ظالم يغلي أي سلعه وان شاء الله هنشوف افكار لتثقيف الشعب
أنا اسمي مصطفى يا باشا

**SHNORY** · 05-02-2011 06:57 PM

المشاركة الأصلية كتبت بواسطة ralliart

اهي من السلع المستغله واللي بنتعب في فلوسها وكل سنه ييجي واحد كان بجلبيه واتحول لرجل اعمال يغليها 10 الاف بمزاج اهله كأن الفلوس دي لقيناها جنب الحيط
وطبعاً الفيس بوك موجود لأي ظالم يغلي أي سلعه وان شاء الله هنشوف افكار لتثقيف الشعب
أنا اسمي مصطفى يا باشا

ماهو المفروض ان لو مستوي البلد ارتفع الجمارك تقل ساعتها
واتشرفت بمعرفه اسمك يا مصطفي باشا

**SHNORY** · 05-02-2011 07:08 PM

المشاركة الأصلية كتبت بواسطة mohamed_mohsen

-المواصلات تكون نظيفه و حضاريه و نعمل bus lane مخصوص عشان الاوتوبيسات تمشي فيها
-نرجع نظام التسعيره الجبريه للخضروات و الفاكهه و الاسعار تبقي معروفه كل يوم علي الاذاعه و التلفزيون و موقع الحكومه علي الانترنت و اللي يغلي يتبلغ عنه و يتقبض عليه
-تجريم البناء علي الاراضي الزراعيه و الاهتمام بزراعة السلع الاساسيه مثل القمح عشان محدش يتحكم فينا
-الاهتمام بالتعليم اللي بينمي مواهبك و يتبني قدراتك و مايعتمدش علي الحفظ فقط
-نبتدي من حيث انتهي الآخرون مش نجيب حاجات اي كلام و قديمه من بره و نقول احنا بنطور
-التعليم و الصحه تبقي من اولويات الحكومه
-الحكومه تعمل موقع علي الانترنت الناس تسيب فيه اقتراحاتها في التطوير و يتم النظر فيها و مدي جدواها
-عمل خط ساخن و موقع أيضاً للتبليغ عن الفساد و المحسوبيه و الكوسه
-الاهتمام بنظافة الشوارع و عمل قانون يطبق علي جميع المواطنين بدون كوسه و غرامات باهظه للمخالفين بعدم رمي القمامه في الشوارع
و عندي افكار تانيه كتير بس ده اللي قدرت افكر فيه دلوقتي

نسيت كل واحد فينا يمشي في حارته وميرميش علي التاني
ومحدش ياخد غرز ولا يعدي السرعات المقرره

**wael17** · 05-02-2011 07:14 PM

- سيادة القانون و تطبيقه علي الجميع
- احترام الناس لبعضها في الشارع...المرور...الطوابير
- كل واحد يعرف ان اجتهاده في شغله هايعلي مصر ...قبل كده كل واحد كان بيقول وانا مالي لاننا كنا حاسيين ان البلد مش بتاعتنا او مسروقة مننا...دلوقتي مصر رجعتلنا و احنا و شطارتنا
-لازم اصلاح حقيقي للتعليم و رفع مستوي الناس اللي في العشوائيات لان هم دول السبب في كل البلاوي اللي بنشوفها...هم دول اللي بيتحرشوا بالبنات في الشارع...هم دول البلطجية..و هيفضلوا كده لو الدولة ماخدتش بالها منهم و خرجتهم من الظروف المنيلة اللي هما فيها و لازم يحسوا ان البلد بتاعتهم برده
- الاعلام لازم ما يكونش اداه لتلميع النظام و لازم يتم استخدام امكانيته في شحن الشباب و تقوية انتمائهم للبلد

**Ralliart** · 05-02-2011 07:19 PM

أول خطوه هاخدها
كنت موصي واحد يكوسلي التربيه العسكرية في الكليه
والله لاحضرها ان شاء الله

**mohamed_mohsen** · 05-02-2011 07:34 PM

المشاركة الأصلية كتبت بواسطة SHNORY

نسيت كل واحد فينا يمشي في حارته وميرميش علي التاني
ومحدش ياخد غرز ولا يعدي السرعات المقرره

طبعاً,,,ده غير إنه يتم إعادة النظر في قانون المرور الحالي و إعادة النظر في رخص القياده لكافة الافراد في الدوله و يكون اختبار القياده صارم و شامل زي بتاع إنجلترا كده
مع برضه الاهتمام برصف الطرق و مساواة البلاعات بالطريق و مانسدهاش بالاسفلت او بتوع الزباله يرموا فيها تراب زي ما بيعملوا
و نشيل المطبات العاليه و اللي مالهاش لازمه و يتم دراسة مدي جدوي إنشاء المطبات في كل منطقه اخذاً بالاعتبار عوامل كثيره مثل سرعة الطريق مثلاً
-مفيش عربه تخش مصر إلا تكون عدت اختبار Euroncap ب4 نجوم علي الاقل و يكون طبعاً في كل عربيه 2 ايرباج علي الأقل و Abs