[img3]http://www.youtube.com/watch?v=xq3tTCjMZ60[/img3]
[img3]http://www.youtube.com/watch?v=xq3tTCjMZ60[/img3]
أتاريها حاجة بسيطة الثورة يا اخوانا مين اللي شافها كده ؟ من أول اللي بدأ ؟ مش دول شبابنا اللي قالوا خير ف أوطانهم ولبسنا توب الحداد وبعدنا قوي عنهم هم اللي قاموا النهارده يشعلوا الثورة ويصنفوا الخلق مين عانهم ومين خانهم يا دي المدان اللي حضر الفكره وسهّرها يا دي الميدان اللي فتن الخلق وسحرها يا دي الميدان اللي غاب اسمه كتير عنه وصبرها ما بين عباد عاشقة وعباد جارحة شباب كإن الميدان أهله وعنوانه ولا في الميدان نسكافبه ولا كابتشينو خدوده عرفوا جمال النوم ع الأسفلت والموت عارفهم قوي وهم عارفينه
أيادي مصرية سمرا ليها في التمييز ممدودة وسط الزئير بتكسر البراويز سطوع لصوت الجموع شوف مصر تحت الشمس آن الأوان ترحلي يال دولة العواجز عواجيز شدادا مسعورين أكلوا بلادنا أكل ويشبهوا بعضهم نهم وخسة وشكل طلع الشباب البديع قلبوا خريفها ربيع وحققوا المعجزة صحّوا القتيل م القتل اقتلني قتلي ما هيعيد دولتك تاني بكتب بدمي حياه تانية لأوطاني دمي ده ولا الربيع لاتنين بلون أخضر وببتسم من سعادتي ولاّ أحزاني