حقارة قناة الحقيرة مع المصريين

**M.Elgergawy** · 05-02-2011 02:12 PM

يا جماعة أنا واحد من الناس مش عايز النظام ده بس بردو مينفعش اللي احنا فيه دلوقتي وبردوا قناة الجزيرة مزوداها زيادة عن اللزوم اشمعنا قناة العربية جايبة الرأي والرأي الآخر وقناة الجزيرة جايبة كل الناس اللي عايزة تسقط النظام كلنا مش عايزين النظام والراجل طلع وقال آخره شهر 9 خلاص بقا نهدى ونشوف مصالحنا ولو ممشيش نبقا نروح التحرير نعد هناك ونجيب كانزات ومياه معدنية وكمان شمسيات عشان الجو هيبقى حر دي حاجة بقت تقرف

**maka** · 05-02-2011 02:18 PM

للاسف نظرية الموامرة اللى عودونا عليها لسه مسيطرة على دماغنا

يكفى ان الجزيرة كانت بتنقل الاحداث مباشرة عكس تعتيم التليفزيون المصرى

**ahmad--ezzat** · 05-02-2011 02:23 PM

المشاركة الأصلية كتبت بواسطة maka

للاسف نظرية الموامرة اللى عودونا عليها لسه مسيطرة على دماغنا

يكفى ان الجزيرة كانت بتنقل الاحداث مباشرة عكس تعتيم التليفزيون المصرى

بالظبط....وبالنسبه للناس اللى بيقولوا انهم مؤيدين مبارك

دوول ليس الا بلطجيه متأجرين ومش عايزين نشوفهم اصلا

والل عايز يشوفهم يفتح القناه الاولى

**نور القمر** · 05-02-2011 03:04 PM

بغض النظر عن قناة الجزيرة نعاها ولا ضدها
انتم لسه مش مقتنعين بنظرية المؤامرة
يعني خطاب الخامنئي امبارح باللغة العربية وحثه للجيش للانقلاب على مبارك مش مؤامرة ؟ تهديده الغير مباشر للشعب بان الجيش ممكن ينقلب على الشعب مش مؤامرة ؟ لما يتفق دول حوض النيل على مصر بتدخل من اسرائيل ودول اسيوية لتقليل حصة مصر من المياه مش مؤامرة؟ انقلاب دول الغرب وامريكا كلهم فجأة على مبارك مش مؤامرة ولا عايزين تفهمونا انهم يهم الشعب ياخد حريته بجد ؟ ولا بثهم لبرامج بتتكلم عن ثورة مبارك وعائلته في التوقيت ده مش مؤامرة؟
المؤامرات على مصر من كل الجهات والحكومة فاسدة وخاينة للشعب من زمان

**M.Elgergawy** · 05-02-2011 03:21 PM

الإخوة إللي عجبهم قناة الجزيرة إن كان حد فيهم بيفهم في الكورة فاكرين ماتش مصر والجزائر في السودان كل الناس كانت بتقول الجزائر جايبين بلطجية ومساجين ومنهم ناس مينفعش يكدبوا زي محمد فؤاد وغيره من الفنانين اللي كدبتهم الجزيرة الرياضية ولما كسبت الجزائر الماتش جابوا فرحة الجزائريين في الجزائر وفرنسا وبلجيكا وهولندا والمجر والنمسا ولفت دول العالم كلها عشان تجيب فرحة الجزائريين لما كسبونا فى الخرطوم ولما مصر كسبت الجزائر في انجولا 4 / صفر مجابوش حتى نفر واحد فرحان من قلبوا كل اللي عملوه جابوا اغنية قديمة لمصر ولما فزنا بالبطولة على غانا في النهائي بردوا مجبوش اي فرحة تذكر للمصريين وطبعا البطولة كانت حصريا على الجزيرة الرياضية وكمان غلوا الاشتراكات على المصريين بس وباقي دول الشرق الاوسط نفس التعريفة بتاعتها.
هي دي قناة الحقيرة اللي بتتفرجوا عليها يا مصريين وأقسملكوا بالله واحد صديقي كان عمل مداخلة عشان يخاطب الناس تروح لبيوتها بعد خطاب الرئيس قطعوا عليه الخط .

**maka** · 05-02-2011 03:29 PM

المشاركة الأصلية كتبت بواسطة نور القمر

بغض النظر عن قناة الجزيرة نعاها ولا ضدها
انتم لسه مش مقتنعين بنظرية المؤامرة
يعني خطاب الخامنئي امبارح باللغة العربية وحثه للجيش للانقلاب على مبارك مش مؤامرة ؟ تهديده الغير مباشر للشعب بان الجيش ممكن ينقلب على الشعب مش مؤامرة ؟ لما يتفق دول حوض النيل على مصر بتدخل من اسرائيل ودول اسيوية لتقليل حصة مصر من المياه مش مؤامرة؟ انقلاب دول الغرب وامريكا كلهم فجأة على مبارك مش مؤامرة ولا عايزين تفهمونا انهم يهم الشعب ياخد حريته بجد ؟ ولا بثهم لبرامج بتتكلم عن ثورة مبارك وعائلته في التوقيت ده مش مؤامرة؟
المؤامرات على مصر من كل الجهات والحكومة فاسدة وخاينة للشعب من زمان

معاكى ان كل ده مؤامرة بس الشعب دلوقتى بين المطرقة و السندان

المطرقة و هى المؤامرت الخارجية و السندان و هو النظام ووعود كتيير و مشوفناش تنفيذ مطلب واحد يبل ريقنا

مش هو قال طفح بيه الكيل من الادارة ميطلع و بيقول انه فوض سليمان فى كل حاجة و يبدئوا يحكموا المسئولين بقالنا 3 ايام بنسمع تصريحات و شوفنا جرة قلم واحدة على اى قرار فعال

**AmAhmed** · 05-02-2011 03:29 PM

ان كانت الجزيرة عندك حقيرة
فما هو وصف التلفزيون
مزوروا ارادة الشعب
شاهدي الزور مرتكبي الكبائر

الرسول صلي الله عليه و سلم لما اخبرنا عن اكبر 3 كبائر اعتدل في جلسته لما ذكر شهادة الزور لفظاعة هذا الاثم
لانه يضر الكثيرين و يظلمهم و يضيع حقوقهم ، من عنده القدرة ليتحمل ذنوب و اثم ملايين سيظلمهم

"100 جنيه و كنتاكي و معاهم سولار يولعوا الفنادق و باسبورتات اجنبية و مفيش حد في التحرير ده كلهم خرجوا "
كل اللي بيشهدوا زور دول حيروحوا من ربنا فين !

تيجي بعد ده كله تقول علي الجزيرة حقيرة
صاحبة البث المباشر التي سمحت لابو العينين بالتحدث للرد علي اتهامه بتمويل البلطجية من جيبه الشخصي و نقيب المحامين اللي قال ان كل اللي في التحرير مش اكتر من 1000 واحد و سابته يقول اللي عايزه
و جابت عضو الحزب الوطني اللي قال اسماعيلية هادئة و الكل في بيته
و هي الادعائات التي نفاها كل المتصلين من الاسماعيلية

اللي في التلفزيون المصري دول لازم يخافوا من ربنا و يستقيلوا زي الشرفاء شهيرة أمين و سها النقاش و محمود سعد اعتراضا علي المهزلة الاعلامية اللي بتحصل دي
و كذلك السفير محمد رفاعة الطهطاوى، المتحدث الرسمى للأزهر الشريف
هؤلاء هم المصريون الشرفاء بحق