وطبعا هما كدبوا الخبر على الموقع بحجة ان قراصنة قاموا باختراق السايت ودا الفيديو
عرض للطباعة
وطبعا هما كدبوا الخبر على الموقع بحجة ان قراصنة قاموا باختراق السايت ودا الفيديو
يا سيدي الفاضل قناة الجزيرة ليست بالغباء والهبل والهطل والعبط عشان تحط اعلان زي دا في موقعها ... دا حتى مش معمول باحترافية ... عاش أنس الفقي جوبلز القرن الـ 21
يا ناس افهموا الشعب المصرى اصبح لا تخدعه الاعيبكم
والجزيرة على مستوى عالى من الاحتراف ومش ممكن تقع فى امر كهذا
كفاية كذب على الناس
يا جماعة اللى مش عاجبه الجزيرة مايتفرجش عليها يتفرج على التلفزيون الرسمي !
الجزيرة بتجيب اللى بيحصل على ارض الواقع بحيادية شديدة بس الواقع مؤلم لناس كتير
YouTube - ‫ط¹ظ…ط§ط± ط§ظ„ط´ط±ظٹط¹ظٹ ظˆ ط§ظ„طھظ„ظپط²ظٹظˆظ† ط§ظ„ظ…طµط±ظٹ‬‎
اقتباس:
المشاركة الأصلية كتبت بواسطة ahmedabdfat
السلام عليكم و رحمة الله و بركاته
بالظبط كده, ناس كتير عمالة تهاجم قناة الجزيرة, زى مايكون هى اللى حرقت و كسرت و سرقت و نهبت .
يعنى ناس واصله للعالم كله و كمان تعد منافس قوى لاى قناة اخباريه عالميه و على حرفيه شديده
تخيل انهم عبط و هبل عشان يجطوا اعلان كده
ده اعلان روتاتور و اللى ضرب ضرب الخدمه نفسخا عشان تطلع هناك
وحتى محتوى اللينك مافهوش حاجه ليها علاقه باسقاط مصر وهما صلحوها واعتذروا
يا راجل عيب لما دوله عمرها اكتر من 4000 سنه يبقى عدوتها قناة الجزيره
عيييب
وفر على نفسك الكلاماقتباس:
المشاركة الأصلية كتبت بواسطة puyol
و بلاش تحرق دمك زى حلاتى
انا مش فاهم الناس اللى بتشتم فى الجزيره دى قابضه ولا ايه...
مالها الجزيره؟؟؟؟؟؟؟؟؟؟؟؟؟؟؟؟
عملت ايه الجزيره؟؟؟؟؟؟؟؟؟؟؟؟
بتفبرك صور؟؟؟؟؟؟؟
ولا جايبه ميدان تحرير ديكور وجايبه شويه ناس تمثل
اقسم بالله الجزيره جايبه كل حاجه مظبوط وكلامها كله صح عشان كده الخكومه قفلتها
الناس اللى بتشتم فى الجزيره......خليها مع القناه الاولى اللى بتتكلم على لسان الحكومه
بيقلك الجزيرة قبضت من اسرائيل علشان تزعزع الاستقرار فى مصر . شفت النكتة , قطر اللى اعطت عبارات لمصر وقت ازمة شهداء العبارة اللى قتلهم فساد النظام الحاكم وقطر اللى عايشة على ابار البترول بقت تاخد فلوس ومن منين من اسرائيل اللى عايشه على دعم امريكا
وكمان مش بس كدا دول حطوا الاعلان انهم خونه وعملاء وصهاينة فوق علشان يقولوا للجميع احنا جواسيس وبنحاول نسقط مصر , ايه الحلاوة دى , وبعد شويه اتكسفوا يا حرام راحوا شايلين الاعلان لما الناس خدت بالها من الاعلان اللى هما اساسا حطينه علشان الناس تشوفه وقالوا فى عيال وحشين هما اللى اخترقوا الموقع وعملوا كدا
يا مثبت العقل والدين يارب
بالمناسبة هى فين الاجندات اللى بوزعها التلفزيون المصرى اصل سمعت ناس كتير بتقول ان اللى بيحصل فى مصر دا اجندات داخلية وخارجية
ياريت يا جماعة اللى بيعرف فين الناس اللى بتوزع الاجندات دى يجبلى واحده بس ياريت تكون بتاعه 2012 ومن تكون من الشمرلى
الكذب حصري علي التلفزيون المصري
الجزيرة قدمت الموقف كله بحياديه شديده ولكن النظام المصري يريد ان يعمي الجماهير الشعبيه عن الحقيقه وانه لاتوجد اي مظاهرات
يا جماعة أنا واحد من الناس مش عايز النظام ده بس بردو مينفعش اللي احنا فيه دلوقتي وبردوا قناة الجزيرة مزوداها زيادة عن اللزوم اشمعنا قناة العربية جايبة الرأي والرأي الآخر وقناة الجزيرة جايبة كل الناس اللي عايزة تسقط النظام كلنا مش عايزين النظام والراجل طلع وقال آخره شهر 9 خلاص بقا نهدى ونشوف مصالحنا ولو ممشيش نبقا نروح التحرير نعد هناك ونجيب كانزات ومياه معدنية وكمان شمسيات عشان الجو هيبقى حر دي حاجة بقت تقرف
للاسف نظرية الموامرة اللى عودونا عليها لسه مسيطرة على دماغنا
يكفى ان الجزيرة كانت بتنقل الاحداث مباشرة عكس تعتيم التليفزيون المصرى
بالظبط....وبالنسبه للناس اللى بيقولوا انهم مؤيدين مباركاقتباس:
المشاركة الأصلية كتبت بواسطة maka
دوول ليس الا بلطجيه متأجرين ومش عايزين نشوفهم اصلا
والل عايز يشوفهم يفتح القناه الاولى
بغض النظر عن قناة الجزيرة نعاها ولا ضدها
انتم لسه مش مقتنعين بنظرية المؤامرة
يعني خطاب الخامنئي امبارح باللغة العربية وحثه للجيش للانقلاب على مبارك مش مؤامرة ؟ تهديده الغير مباشر للشعب بان الجيش ممكن ينقلب على الشعب مش مؤامرة ؟ لما يتفق دول حوض النيل على مصر بتدخل من اسرائيل ودول اسيوية لتقليل حصة مصر من المياه مش مؤامرة؟ انقلاب دول الغرب وامريكا كلهم فجأة على مبارك مش مؤامرة ولا عايزين تفهمونا انهم يهم الشعب ياخد حريته بجد ؟ ولا بثهم لبرامج بتتكلم عن ثورة مبارك وعائلته في التوقيت ده مش مؤامرة؟
المؤامرات على مصر من كل الجهات والحكومة فاسدة وخاينة للشعب من زمان
الإخوة إللي عجبهم قناة الجزيرة إن كان حد فيهم بيفهم في الكورة فاكرين ماتش مصر والجزائر في السودان كل الناس كانت بتقول الجزائر جايبين بلطجية ومساجين ومنهم ناس مينفعش يكدبوا زي محمد فؤاد وغيره من الفنانين اللي كدبتهم الجزيرة الرياضية ولما كسبت الجزائر الماتش جابوا فرحة الجزائريين في الجزائر وفرنسا وبلجيكا وهولندا والمجر والنمسا ولفت دول العالم كلها عشان تجيب فرحة الجزائريين لما كسبونا فى الخرطوم ولما مصر كسبت الجزائر في انجولا 4 / صفر مجابوش حتى نفر واحد فرحان من قلبوا كل اللي عملوه جابوا اغنية قديمة لمصر ولما فزنا بالبطولة على غانا في النهائي بردوا مجبوش اي فرحة تذكر للمصريين وطبعا البطولة كانت حصريا على الجزيرة الرياضية وكمان غلوا الاشتراكات على المصريين بس وباقي دول الشرق الاوسط نفس التعريفة بتاعتها.
هي دي قناة الحقيرة اللي بتتفرجوا عليها يا مصريين وأقسملكوا بالله واحد صديقي كان عمل مداخلة عشان يخاطب الناس تروح لبيوتها بعد خطاب الرئيس قطعوا عليه الخط .
معاكى ان كل ده مؤامرة بس الشعب دلوقتى بين المطرقة و السنداناقتباس:
المشاركة الأصلية كتبت بواسطة نور القمر
المطرقة و هى المؤامرت الخارجية و السندان و هو النظام ووعود كتيير و مشوفناش تنفيذ مطلب واحد يبل ريقنا
مش هو قال طفح بيه الكيل من الادارة ميطلع و بيقول انه فوض سليمان فى كل حاجة و يبدئوا يحكموا المسئولين بقالنا 3 ايام بنسمع تصريحات و شوفنا جرة قلم واحدة على اى قرار فعال
ان كانت الجزيرة عندك حقيرة
فما هو وصف التلفزيون
مزوروا ارادة الشعب
شاهدي الزور مرتكبي الكبائر
الرسول صلي الله عليه و سلم لما اخبرنا عن اكبر 3 كبائر اعتدل في جلسته لما ذكر شهادة الزور لفظاعة هذا الاثم
لانه يضر الكثيرين و يظلمهم و يضيع حقوقهم ، من عنده القدرة ليتحمل ذنوب و اثم ملايين سيظلمهم
"100 جنيه و كنتاكي و معاهم سولار يولعوا الفنادق و باسبورتات اجنبية و مفيش حد في التحرير ده كلهم خرجوا "
كل اللي بيشهدوا زور دول حيروحوا من ربنا فين !
تيجي بعد ده كله تقول علي الجزيرة حقيرة
صاحبة البث المباشر التي سمحت لابو العينين بالتحدث للرد علي اتهامه بتمويل البلطجية من جيبه الشخصي و نقيب المحامين اللي قال ان كل اللي في التحرير مش اكتر من 1000 واحد و سابته يقول اللي عايزه
و جابت عضو الحزب الوطني اللي قال اسماعيلية هادئة و الكل في بيته
و هي الادعائات التي نفاها كل المتصلين من الاسماعيلية
اللي في التلفزيون المصري دول لازم يخافوا من ربنا و يستقيلوا زي الشرفاء شهيرة أمين و سها النقاش و محمود سعد اعتراضا علي المهزلة الاعلامية اللي بتحصل دي
و كذلك السفير محمد رفاعة الطهطاوى، المتحدث الرسمى للأزهر الشريف
هؤلاء هم المصريون الشرفاء بحق
من الأخر الجزيرة بتهول والمصريه بتستعبط
بعد كلام الناس ... انت متخيل ان قناه الجزيره بالغباء دا عشان تطلع لوجو مكتوب عليه نعم لاسقاط مصر !!!
والقناه مش حقيره الى حقير وتافه ومستخف بالعقول هو التلفزيون الحكومى الى خلى الافكار دى توصلك انت وناس كتير....
ارهاب انس الفقى خلاص وصل للدرجه دى
وادى بقيه كلام الحكومه الارهابيه :
وجبات كنتاكي .. الاجندات الخارجية .. العناصر المندسة .. الاخوان .. التخطيط الخارجي .. الفتنة .. البرادعي .. الحرب الاهلية .. ضياع الامن والاستقرار .. عراق جديد .. احتلال امريكا واسرائيل لمصر ..
هذه هي وسائل النظام الاخيرة لاستعباط الشعب
---------
ومن شويه تفجير انبوب الغاز قالوا اسرائيل وبعدين قالوا دا خط الاردن... الحكومه قالت عناصر اجنبيه...ومحافظ شمال سيناء قال تسرب عادى مفيش اشتباه فى اى ارهاب
يعنى نكت نكت نكت..وسلملى على القناه الثانيه
كان مفروض الجزيرة تجيب ميدان التحرير بتاع قناة النيل عشان تبقى قناة عربية أصيلة
محمد فؤاد ....والله ضحكتنى...محمد فؤاد بتاع عيد ميلاد منه فضالى لما كانت قاعده على حجره...مفيش داعى نتكلم بس عموما احنا بنتكلم عن نقطه محدده وهيا ان الجزيره بتجيب حقاااائق فى ميدان التحرير والمناظر بتبقى مباشره...واحنا كمصيريين عارفين انها صح وبتحصل وبندارى ليه انا مش فاهم....انا مليش فى الكوره ومليش دعوه بالجزاير...زى مابقول لحضرتك انا بتكلم فى نقطه معينه ...كفايا بقا نفااااااق من القنوات المحليه...لحد امتى هيضحكوا على الناس...اقتباس:
المشاركة الأصلية كتبت بواسطة puyol
+1000000000اقتباس:
المشاركة الأصلية كتبت بواسطة naderfahmy
ههههههههه
هم يبكي و هم يضحك
انا نفسي الناس قبل ما تتكلم تدور الكلام في عقولها و تشوفه هل منطقي و لا كلام فارغ و دعاية رخيصة للحرامية بتوعنا
انا مش بدافع عن حد او ضد حد انا بيهمني في المقام الأول و الأخير مصلحة مصرنا الحبيبة و اللي تعتبر فوق كل الناس مهما كانوا هما مين
و بسمع لكل الأطراف و بحاول اقارن بين وجهات النظر دي و اشوف انا مرتاح لمين فيهم اكتر بالعقل و المنطق
لو وجود الريس مبارك في الحكم فيه مصلحة للبلد انا معاه قلبا و قالبا بشرط البدء فعليا في الإصلاحات المزعومة و محاسبة المخربين من جميع الأطراف حكومة او احزاب او حتي مواطنين
نيجي بقا لموضوعنا اللي احنا فيه و بخصوص قناة الجزيرة
احنا بنطبق المثل البلدي اللي بيقول " لما ماقدرش علي الحمار راح يتشطر عالبردعة "
اهو احنا كدا بالظبط سيبنا الموضوع ومسكنا في كلام مش مهم
انا شايف ان الجزيرة بتنقل الحدث من ارض الواقع مباشرة بدون اي منتجة او اضافات و طبعا مع ادخال بعض التحليلات و الإتصاللات الهاتفية
اي نعم هي مهتمة بالموضوع زيادة عن اللزوم و محبشه عليه شويه بهارات للإثارة الإعلامية و كنوع من الحصريه في الأعلان لتتميز عن باقي منافسينها لكن دون تغيير في المحتوي او تزييف في الحقائق او جوهر الموضوع
و طبعا كلنا عارفين ان الجزيرة فيه تار بايت بينها و بين الحزب الوطني و دائما القناة متهمة من قبل الحزب بانها عميله و لها اجنده خاصة تتبع للحكومة القطريه اللي بستغل الجزيرة في تصفية حسابات و كمان لوضع قطر علي الخريطة السياسية في المنطقة بشكل بيمثل بروباجندا اعلاميه زي امريكا بالظبط
انا بس بوجه سؤالي للناس الي بتقول ان الجزيرة قابضة من اسرائيل عشان زعزعة الإستقرار في المنطقة
بالزمة دا كلام ناس واعيين و عيشين معانا في البلد
طيب اسرائيل هتلاقي فين نظام حكم لمصر زي النظام الحالي و لمدة 30 سنة تعالوا نحسبها بالورقة و القلم
1-اتفاقية السلام و متطبقة بحزافيرها مع تجاوزات من الانب الإسرائيلي كل شوية يضرببوا عسكري علي الحدود و احنا ناس محترمين اكبر من اننا نرد علي العيال دي ماهو العسكري دا ابن كلب و يستاهل يموت لأنه اكيد عاكس واحدة من المجنادت الإسرائيليات ولا مثلا راح اغتصبها و لا اتجوزها عرفي و خلف منها و مرضاش يعترف بأنه ابو العيالي اللي جم من الزواج دا !!!!!!!!!!
2-اتفاقية الكويز الإقتصادية و انا عن نفسي مش عارف مصر ايه بتكسب منها يا ريت لو حد يعرق يقولي
3-سيناء رجعت لينا و 99 % من الشعب المصري ما يقدرش يهوب ناحيتها لدواعي امنيه و عشان مقلقش راحة اليهود الإسرائيليين اللي بيستمتعوا بهواء طابا و شرم الشيخ و جمال الشعب المرجانية اللي بتعتبر من اجمل مناطق العالم من حيث المناظر الطبيعية و المحميات الطبيعية
حد فيكم جرب يروح شرم يشوف اد ايه الأمن بيحاول يمنع اي حد انه يروح هناك الا ما رحم ربي
4-اتفاقية الغاز الطبيعي اللي بيروح لإسرائيل بدعم كامل من الحكومة المصرية و لمدة 20 سنة
5-الحمدلله الجيش المصري بدا يتحول من مؤسسة عسكرية حربية بتطور وفي تكنولوجيا حربية و عسكرية تعزز من قوتها و سيطرتها علي المنطقة الي مؤسسة انتاجية بحته بتحقق الإكتفاء الذاتي نت مزارع عجول و فراخ و بيض و سمك و وووو الخ و اللي مش مصدق يروح يشوف مصانع الإنتاج الحربي اللي اتحولت الي مصانع حلل المنيوم و شوك و ملاعق للأكل و ادوات منزلية و غيره من سلع مددنيه و تحيا مصر و سمعني سلااااااام خلي السلاح صاحي :36_1_31::36_1_31::36_1_31::36_1_31:
احان لينا مين عدو تاني في المنطقة عشان نخاف منه او عشان نقول ان النظام الحالي جنبنا اي حروب خلال ال 30 سنة الأخيرة انا نفسي اعرف احنا كنا هحارب مين و ربنا نجانا من ويلات الحروب
يمكن خايفين من السودان اللي بقت احسن مننا اقتصاديا دلوقتي و لا ليبيا و لا السعودية اللي نصف شبابنا موجود بيهم من قلة الأرزاق في مصر و لا الأردن اللي بنصدر لها كهربا و غاز و لا فلسطين اللي محاصرة بسبب تخاذلنا و جبننا و تأمرنا مع اسرائيل عليها
يا جماعة يا ريت نشغل عقلنا و مخنا قبل ما نحكم علي اي شئ و لازم الواحد يمنطق المور اللي بيشوفها و يعقلها
بلاش الحكم بالعواطف و المشاعر في كل حياتنا
العلاقة بين الاكم و المحكوم لابد ان تكون قائمة علي الود و الإحترام و الأمانة و التقدير مش بالمؤامرات و المكائد و التعتيم و التكتيم
الحاكم بيعامل المحكومين علي انهم خونة و بيتأمروا علي اسقاطة من علي العرش
و المحكومين بيتعاملوا مع الحاكم علي انه طاغية و مستبد
و فراااااااااااااغ كبير موجوود ما بينهم و قلة ثقة و حاجة قرف و النتيجة البلد في انهيار متواصل في كل مناحي الحياة
انا شايف ان الريس مبارك اخطأ في حق الشعب المصري كله و انه اتأخر كتير في انه يعلن موقفة في الترشح لرئاسة الجمهورية في المرحلة القادمة
اشمعنا دلوقتي الي افتكر انه لازم يعين نائب و اشمعني دلوقتي اللي صرح بانه مش ناوي يترشح تاني طيب كنت مستني ايه يا سيادة الريس دا خلاص كلها شهور علي نهاية و لايتك كنت هتعمل ايه تيجي قبلها بيوم و تقول انا ماشي اللي عاوز يركب الكرسي و يحكم البلد يستعد !!!!!!!!!!!!!
بالذمة دا اسمه كلام
ليه عملت ودن من طين و التنية من عجين و انت سامع و شايف ان الشعب كاره لكل اللي حواليك من سرورك و لشريفك لعادلك لعزك لعزمك لنظيفك لكل الحاشية دي و معذل انت اصريت انك تتجاهل الناس و تنفض لهم
ليه ما قلتش لأ لما سمعت ان ابنك عاوز يرشح نفسه للرئاسة من بعدك و الحزب اللي انت رئيسةة بيروج لكدا و انت عايش و فضلت ساكت بالرغم من انك الشعب غير متقبل للفكرة دي مع احرامنا لإبنك جمال اللي كان منساق من الحاشية اللي حواليك لأن مصالحهم في ان جمال هو الل يمسك حفاظا علي مصالحهم الشخصية و ثرواتهم المنهوبة من دم الشعب
الريس مبارك لو بيحب مصر مقدار زرة يبدأ علي الفور في اتخاذ خطوات فعلية و جادة للإصلاح السياسي حتي يغير ما ترسب في قلوب المصريين من ذكريات اليمة خاصة بفترة حكمة الطويلة جدا
ايه فاضل تاني دي كلها 9 شهور و تنتهي المدة بتاعتك
بالرغم من انيمعترض دائم علي كل ما حدث في فتره حكم الرئيس مبارك غلا اني حزين جدا للوضع الحالي و كنت اتمني انه يسيب الحكم سواء بارادته او بالتنحي الجبري بصورة افضل من كدا فيه نوع من التكريم و التقدير لكن هو من تسبب في كل دا و حمل البلد اكتر مما تتحمل و تسبب في خراب بيوت ناس كتير غلبانة ملهاش اي دخل لا بالسياسة و لا بالحكم و لا باي شئ تاني غير رغيف العيش و طبق الفول و الطعمية اللي للأسف اصبح اكتر وجبات الشعب المصري سواء بالذوق او بالعافية في عهد الريس مبارك
ربنا يسامحك يا سيادة الريس مبارك علي اللي الفات و يقدرك و يعينك ان يحاول يقفل الجرح الي اتفتح دا و يعالجه بحكمه و يسيب لنا ذكري طيبة نفكتره بيها بعد ما يرحل عن الحكم و يعتزل السياسة زي ما وعدن امام العالم كله
و ربنا بنصر مصر و يحميها و يقيها شر الفتنة