مسموح الدخول و ممنوع الردود
السلام عليكم يا مصريين
اللى عايز اقولة . ان الحكاية باخت اوى
و حاسس ان الحكاية دى عاملة زى حكاية ( حجا + ولده + الحمار )
لو جحا ركب الحمار و ابنة مش جنبة يبقى الراجل دة جافى
لو ولد جحا ركب الحمار و حجا مشى جنبة يبقى الولد قليل الادب
لو الاتنين ركبوا على الحمار يبقى الاتنين معندهمش رحمه
لو الحمار ركب عليهم و هما اللى شالوه يبقوا مجانين
لو مشيوا جنب الحمار يبقوا سفهاء
الغريب بصورة واضحة اوى انه فى ناس ميعجبهاش العجب
الجيش واقف يتفرج
الشرطة وحشة
احمد شفيق مقديهة لقاءات
عمر سليمان اصلع و لونة غامق شوية
الجزيرة حلوة او زفتة
الاعلام العربي بعد ما اتصلح بقى وحش برضوا
الريس يرحل فى شهر نوفمبر لا لازم يمشى بالكتير يوم 31 اكتوبر
فعلا الحكاية بقيت تقرف
و فى ناس لا فاهمة فى السياسة و الواحد مستمتع بوقف الحال و اخر علبة كليوباترا و باكو شاى العروسة 50 جرام
طب مين اللى من الناس اللى لسانة زى الفرقلة و عمال يلبع بالكلام و هو عايز وابور زلط يمشى على دماغة رايح جاى اربعتلاف مرة و هز طوله و اتبرع بجنية لاسر الشهداء
نقللها شوية علشان الناس مفلسة
طب مين اللى اتصل بيهم و عزاهم
نقللها شوية
طب مين اللى بيصلى بانتظام و دعا ليهم فى الصلاة بتاعتهم بالمغفرة و المسامحة و العفو من الخالق
و الله حرام اللى بيحصل
كفاية مناكفة و حرق دم
امبارح انا كنت بتفرج على التليفزيون و جابين شباب و هقول الكلمة اللى انا عن نفسى قرفت منها
شباب واعد & نابض & محترم & هادف & نشيط & مدافع & مهاجم & على خط الـ 18 و بعدين الله ما اجعله خير الشباب بيردوا فى غاية من قلة الادب على المذيع
دة حتى لما بيقولوا مبارك و عمر سليمان و احمد شفيق تحس انهم بتكلموا على زمايلهم
و فى النقاش مع المذيع لا يوجد حسن الاصغاء و لا نيلة
و كل واحد فيهم عامل نفسة راس فجلة
اتقوا الله يا جماعة
و اه قبل ما انسى الكلام دة كان فى برنامج على القناة التانية و المذيع اسمة خيرى الساعة 1.30 ص تقريبا
و المهم بقة فى الكلام بتاعهم
الشباب دام الله فضلهم هما اللى فتحوا الشباك بتاع المظاهرات و الف شكر على كدة
سؤال من المذيع : طب حضراتكم عايزين اية ؟
جواب من الشباب : عايزين كذا و كذا و كذا
سؤال من المذيع : طب فى مطالب تانى -- او يمعنى اخر هل هذه مطالب الشباب ؟
جواب من الشباب : لا دى مطالبنا احنا و فى شباب غيرنا عايزين مطالب اخرى
ههههههههههههههههههههههه
يا حلاوتكم و حلاوته مطالبكم
بيفكرونى لما ايام الكلية كنا بنذاكر و نقول لبعض اننا هنجيب عشا . و ناخد ورقة فيها الطلبات
14 طعمية
4 فول
8 شبسى
12 كانز عادى ( 4 بيبسى و 6 سبرايت و 2 دايت كولا )
و علبة كليوباترا و ال ام ازرق
حرام يا جماعة اللى بيحصل دة
الشباب كتر الف خيرهم حضروا العفريت و فتحوا على البلد فتحة و الحكاية مش هتقفل
و الطلبات هتوصل لغاية اللى عايز خط بيزنس و التانى عايز كرت شحن بـ 10 جنية
و ربنا يصلح الحال
بسم الله الرحمن الرحيم
الحمد لله والصلاة والسلام على رسول الله صل الله عليه وسلم
قال صلى الله عليه وسلم حاكيا عن ربه:
(( أنا عند حسن ظن عبدي بي, فليظن بي ما شاء))
يعني ما كان في ظنه فأنا فاعله به, ولا ريب أن حسن الظن إنما يكون مع الإحسان,
فإن المحسن حسن الظن بربه أن يجازيه على إحسانه وأنه لا يخلف وعده, وانه يقبل توبته ,
وأما المسيء المصر على الكبائر والظلم والمخالفات
فإن وحشة المعاصي والظلم والحرام تمنعه من حسن الظن بربه.
قال الحسن البصري( أن المؤمن أحسن الظن بربه فأحسن العمل, وأن الفاجر أساء الظن بربه فأساء العمل).
فكيف يكون الفاجر حسن الظن بربه وهو شارد عنه !!!!!!
ان حسن الظن بالله هو حسن العمل نفسه, فإن العبد إنما يحمله على حسن العمل حسن الظن بربه
أنه يجازيه على أعماله ويثيبه عليها ويتقبلها منه, فالذي حمله على العمل حسن الظن,
فكلما حسن ظنه حسن عمله , و إلا فحسن الظن مع إتباع الهوى عجز.
عن النبي صلى الله عليه وسلم
قال (( الكيـّس من دان نفسه , وعمل لما بعد الموت , والعاجز من اتبع نفسه هواها , وتمنى على الله ))
وبالجملة: فحسن الظن إنما يكون مع انعقاد أسباب النجاة , وأما مع انعقاد أسباب الهلاك فلا يأتي إحسان الظن.
وكثير من الجهال اعتمدوا على رحمة الله وعفوه وكرمه ,
فضيعوا أمره ونهيه ونسوا انه شديد العقاب, وانه لا يرد بأسه عن القوم المجرمين ,
ومن اعتمد على العفو مع الإصرار على الذنب , فهو كالمعاند.
وقال بعض العلماء : من قطع عضوا منك في الدنيا بسرقة ثلاثة دراهم لا تأمن أن تكون عقوبته في الآخرة على نحو هذا.