الموضوع: استفتاء مصراوي 71 % من النتايج فى صالح وقف المظاهرات

كل الناس عارفة موقع مصراوي طبعا ياريت تدخلو تشوفو نتايج الاستطلاع دة اكتر من 55 الف واحد شاركو فى الاستطلاع ومعظمهم مايديين وقف المظاهرات ياريت الناس تاخد راي الاغلبية واللي يقدر يمنع قريبه او صاحبه من الذهاب يبقى جزاه الله خيرا

اما اللي بيشجع على استمرار المظاهرات فانا بافكره بان درء الضرر اولى من جلب المنافع

سبب الموضوع دا ان 38% من الناس بتتفرج على الاعلام الموجه و دا الاستطلاع اللى بعده
قاعدين يسمعوا ايران فى الشارع , اسرائيل فى ميدان التحرير , دبابات اسرائيل نصها لسه فى اسرائيل و النص التانى دخل سيناء و الاخوان بيتظاهروا و بيحدفوا مولوتوف على نفسهم و ان الخونة فى الشوارع و الكلام الاهبل دا

دا غير ان فى ناس معندهاش ضمير علشان خاطر مصالحهم الشخصية و استمرار اعمالهم عايزين الناس تروح و طز فى البلد و الناس اللى ماتت و الناس اللى اتعورت و المئات اللى بيعتقلوا كل يوم و المصيبة السوداء اللى هتحل علينا لما الحزب يسيطر تانى ان شاء الله.و فى ناس بيضحكوا على عمالهم فى شركاتهم و مصانعهم و يقولولهم حالنا واقف و مفيش بنوك و لا فلوس غير لما الناس دى تروح علشان البنوك تفتح و كدا .

و الله لو الموضوع باظ ذنب مصر فى رقبة الناس سواء الجهلة او اصحاب المصالح او السذج اللى بيصدقوا او غيرهم اللى مش فاهمين كويس او اللى عندهم جهل سياسيى و مبيقروش جرايد اساسا او غيرهم اللى بيصدقوا كلام الحكومة و سايبين الدلائل اللى قدام عينهم زى الاعلام الموجه و لااكاذيب و الاعتقالات و البلطجية اللى نزلوا بجمال و احصنة يوم الاربعاء و قتلوا ناس دمهم فى رقبة احمد شفيق اللى حلف بشرفه العسكرى ان محدش هيتعرضلهم و يستحق المصريين ساعتها يعيشوا فى فقر و ذل.