ماتخافش مادام عرفت السكة...الحكومة هاتتلم و تمشي البلد عدل عشان ماتتبهدلش في الميدان
بعد اللي حصل...بغض النظر من هايحكم...هايعمل اعتبار للشعب ده بعد ماكانوا فاكرينه مات من زمان
عرض للطباعة
رأيي و رأيك مايهمش
المهم رأيهم
ممكن بشكل ما الإستطلاع ده ٩٠ % من الناس تقول إنها ضد المظاهرات
و نبص بكرة و لا بعده نلاقي مظاهرة مليونية طالعة
إستطلاعات النت مالهاش أي قيمة حاليا خصوصا في الوقت الحالي اللي فيه هجمات من طرف و هجمات مرتدة من طرف...
مش لازم يا احمد...في مواضيع كتير مليانه جدال و نقاش و في الاخر كل واحد متمسك برأيه..انا بس عايز أعرف لو غالبية الناس عايزة المظاهرات تقف...الناس اللي في ميدان التحرير هايحترموا قرار الاغلبية و دي أبسط قواعد الديموقراطية ولا هايعتبروا اننا مش عارفين مصلحة نفسنا زي ما كان احمد نظيف بيقول علينا (شعب غير ناضج)
رأينا مايهمش؟ ليه هو احنا من سكان المريخ مش من سكان البلد دي مثلا
منطق غريب جدا!
يعني ده هو الواد ده اللي بيعبر عن رأي و انا مافتحش بقي واخرس!!!
http://a2.sphotos.ak.fbcdn.net/hphot..._6628661_n.jpg
لا يا wael رأيك مهم طبعا
بس في الشارع ماحدش هايشوف لا رأيي و لا رأيك فبالنسبالهم و لا كأنه موجود أصلا
ممكن زي ما قولت لك ٩٠ % في الإستطلاع يقولوا المظاهرات وحشة .. و نلاقي بعدها مظاهرات أضخم من اللي قبلها طالعة
نتايج الإستطلاعات دلوقتي مالهاش قيمة .. المهم الناس في الشارع رأيها إيه
الاختيار الاول لعدة اسباب
1- الاصرار علي رحيل الرئيس بدون طرح البديل و الاجماع عليه من قبل
المتظاهرين شئ يدعو للخوف فلو انهم اجتمعو علي قيادة
واحده سيكون لنا وقتها متسع من الوقت اما لتأييدها او لرفضها
ولكن بعد ان تحدث الفوضي بعد رحيل رأس النظام سيتم التضارب
بينهم ووقتها سوف يجدون انفسهم منقسمين وكل منهم يرمي
بالمسئولية علي الاخر
2- امثلة الانقسام الموجوده حولنا لا تبشر بالخير مثل دول الجوار
(( لبنان - الصومال - السودان - فلسطين - العراق - تونس ))
3- روح الشباب مازالت قائمة ولن تخمد روح الثورة في خلال كام شهر
اي انه يستطيع كل الافراد ان يجتمعو مرة ثانية حينما لا تفي
الحكومة الجديدة بالمطالب ووقتها سيكون الشعب كله علي كلمة
4- اقسم بالله ان في رقبتي عدد 25 فرد لا اجد لهم مرتباتهم عن
الشهر المنقضي ولا اعلم هل سيكون هناك عمل لي ولهم الفترة
القادمة اذا استمرت حالة الجمود التي تعاني منها البلاد
م.حاتم السباعي
باشا أنت بتتكلم في إيه أصلا
المظاهرات حق دستوري مضمون بقوة الدستور
مافيش حاجة إسمها مظاهرات تطلع لوقف المظاهرات ده تهريج
ممكن ال 10 مليون اللي بتقول عليهم دول ينزلوا لتأييد مبارك مثلا كده تبقى مبلوعة و لو إني أستبعد ده يحصل
و حتى لو نزل مؤيدين لمبارك و تظاهروا و إعتصموا و باتو في الشارع عشان يقعد فهما أحرار و لا يملك أحد زحزحتهم من مكانهم
و أتمنى أشوف الناس اللي بتهتف للريس عندهم نفس حماس معارضيه و يباتو في الشارع زي معارضيه ..