الحكومة كلت دماغكوا بكلمتين والناس الطيبة صدقت
شباب المظاهرات هما اللى مخلياكوا مش لاقين تاكلوا
وهما اللى خفوا بتوع الداخلية من الشوارع يوم الجمعة
وهما اللى طلعوا المساجين
وهما اللى بيتعاملوا مع اسرائيل و بيبيعولها الغاز
وهما اللى باعوا البلد لاحمد عز وامثالة
وهما اللى زورا الانتخابات
وهما اللى غرقوا العبارة وهربوا صاحبها
اللى بتمارسوا الحكومة معاكوا دلوقتى دة ارهاب عقلى علشان تخافوا من اى حاجة ومن بكرة
الناس دلوقتى بتتكلم عن مبارك كائنة الهة ولو مات مصر هتولع رغم ان هو اللى مولعها دلوقتى بس مين يفهم بقى
وكل شوية يطلعولنا واحد يقول الدستور ولو مشى هتخرب كأن الدستور كتاب نازل من السما
يا اخوانى الافاضل لو عاجبكم انة يفضل انتم احرار بس ماتغلطوش فى الناس اللى نايمة فى الشارع علشان تخليك تحس انك بنى ادام تانى بعد ما كنا بنساق كالانعام
جمال عبد الناصر مات ومصر ما خربتش
السادات مات ومصر ما خربتش بس حسنى هو اللى خر بها من بعدة طبعا
اللى عمال يقول دة بتاع المظاهرات مش عارف بياكلوا اية وياخدوا كام يا ريت ينزل يشوف بنفسة قبل ما يردد كلام وخلاص
باللة عليكم ايدوا الناس دى حقها قبل ما تظلموهم او سيبوهم فى حالهم