عرض للطباعة
معلش انا اسف هتقل عليكو
انا دورت في المواضيع
بس انا قدامي جين 2
و بفكر اجيبها
و عايو اعرف الاسعار لي 2006 و 2007
انا معايا كريستاله 1600 توين كام
و عندي كذا بيعه
بس عايز اعرف الفروق
و اسعار قطع الغيار لو رفرف مثلا و اكصادات و سيور و كلام ده
و بنزين اخبارها ايه
عفشه
و ايه العيوب غير التقفيل ؟
اسمع ان التكيف مش جامد
فيدوني معلش
بص انا مش من ملاك الجين 2 ولكن انا ركبتها وعارفها بالنسبة للمحرك اظن محرك كامبرو لا يعلى عليه في فئة الـ 1600 واعتقد حضرتك ممكن تاخد جولة في المنتدى تعرف اجمالية المحرك .. وبالنسبة للتكيف انا مش عارف ولكن انا كساجا و1300 بحس انه ممتاز فأكيد انه على نفس المحرك و 1600 ها يبقى كفاءة كويسة .. بالنسبة لقطع الغيار مش ها ندحك على بعض يعني مش ها تبقى متوافرة بتواجد الكريستالة ولكن برضوا مش ها تتعسف فيها يعني ها تلاقيها !! في الحرفيين في اماكن البيع الرسمية بتاعت بروتون او محلات المعروفة ببيع القطع الخاصة بسيارات بروتون ولكن صدقني اختيار ممتاز وعربية ممتازة جدا واوبشنز اعلى بكتير ...وبالنسبة للبنزين بصراحة مش عارف عشان مأفتيش وقطع الغيار بالضبط تكاليفها عاملة ازاي برضوا مش واثق منها اوي ولكن هيا مش ها تبقى غالية قوي بحكم انه السيارة بقى منها استيراد حاليا و قطع غيارها متوافرة ...
انا كنت زيك وبصراحه مقدرش افتي في موضوع قطع الغيار عشان الحمد لله مجبتش حاجه حتي الان بس كا بنزين هي بتحرق كتير او يمكن عادي بالنسبه اني كنت راكب شاهين وطبعا 1400 ومانول فاكيد في فرق كبير يمكن عشان كده انا حاسس انها بتحرق
بس الحق يتقال مش مشكله البنزين بالنسبه للركوبه بتاعتها تخيل نفسك راكب عربيه فارهه وفخمه وهي بتحسسك بده عشان كده مش هتفرق معاك البنزين وربنا يوفقك لما فيه الخير
شكرا جدا للناس بجد
انا مش عارف اشكركم ازاي
و منتظر الاراء الاخري
رأيي تجربها الأول لأن التجربة هتحددلك حاجات كتير
شكرا للاهتمام يا ابو مريم
انا جربت بيرسونا
بس هي بتاع صديق و هو غاوي بهدلع و محكمتش علياه بصراحه
الجينا عربية زلطه ما شاء الله
جي جي يعني اسد ماشي شكل و جمال و قوة موتور و ثبات و صاج قوي و اداء رياضي و شبابي من الاخر عربيه ميه ميه
اطلب تيست درايف من التوكيل و جرب العربية بنفسك عشان تشوف هتعجبك ولا لأ
بالنسبة لقطع الغيار ممكن ونت في التوكيل يفيدوك بيها بس عموما هي برا أرخص بكتير
طيب تمام
انا ان شاء الله هجيبها
موضوع الكاسيت ده لو بيونير عايو اركبه حله ايه
و ايه المشاكل اللي ممكن اوجهها
و ترخيص 3 سنين لي موديل 2006 ؟
انا معايا واحده 2008 الموجوده فى الصوره للبيع وهى مواصفات خاصه جداااا
هانى:0116260666