الموضوع: الحكم إنتقل والبلد تغيرت وتسير في إتجاه التغيير الشامل والمظاهرات الآن تقود لكارثة

اعتقد اننا هنسيب الاكله (( الثورة )) في الفرن لحد ما تتحرق اللي بيزيد عن حدة بيتقلب لضدة

ربنا يستر و دم الشهدا ميروحشي هدر الحكومه بدات تسيير اعمالها عادي جداااااا و حاجة حاجة الدنيا هتمشي و هنروح و نيجي من التحرير و ربنا يستر من اللي جاي

الراجل ماشي ماشي و الناس مصممه انه يمشي و هو اساسا ماشي سايبه كل حاجة و ماسكه في انه يمشي

مش لازم نهدم علشان نبني من جديد ممكن نرمم و نغير حاجة حاجة

الحكومه بتعمل للشعب اللي هو عاوزة لو عاوز لبن العصفور هيجيبوه لو عايزين نحاكم كل اللي سرقونا و نهبونا هيتحاكموا نسيب الراجل و نعمل لسته بكل الناس اللي سرقونا و نلحق حقوقنا و فلوسنا لو مشي هننشغل في اللي جاي و ننسي اللي فات

مبارك بينقذ رقبته و عارف ان اول حاجة هتتعمل لو تنحي هو طلب محاكمته و هو مش هيدي الفرصة لكدة

و ايه الكارثة يا استاذ احمد في ان الجيش يمسك و تطبق الاحكام العسكرية
ما احنا عشنا كتير تحت حكم عسكري و بوليسي

* لو تقصد انهم حيطردوا الناس بالقوة من التحرير قبل اكمال المطالب فاعتقد العقل بيقول ان اخلاء التحرير افضل و معتقدش برضوا ان الجيش المصري حيكون دموي قد يكون فقط حازم

* لو تقصد الغاء الاحزاب و الدستور و مجلس الشعب فمن الصعب علي دولة بحجم مصر و عيون الاعلام الدولي عليها انها تُحكم بهذا الشكل و سيفرض عليها المجتمع الدولي ان تكون ديموقراطية نيابية

فانا مش شايف ان تولي الجيش فيه مشكلة كارثية للدرجة
و لو في نقطة فايتة عني ارجو انك توضحها لي

عمر سليمان لمح ان البديل هو الحكم العسكري والناس اللى في التحرير مش مستوعبين او مش فارقة معاهم وتخرب البلد ويتحرق الناس مش مهم

او سمحت متتهمش حد انه بيخرب البلد علشان حضرتك مش عارف مين اللى بيخرب البلد

انا بس عايز اسال سؤال
لو الناس كانت روحت يوم 25 و منزلتش تانى كان فى حاجاة هتتغير اساسا ؟؟
لو الناس كانت روحت قبل يوم الجمعة كان فى حاجة هتتغير؟؟
لو الناس كانت روحت بعد يوم الجمعة كان عين عمر سليمان نائب رئيس؟
لو الناس كانت روحت قبل يوم الثلثاء كان اعلن انه هيتنحى؟؟
لو الناس كانت روحت قبل يوم الجمعة كان اعلن عن تجميد ارصدة و منع من السفر شوية (قليلين) ناس؟
لو الناس كانت روحت امبارح كان كل دول استقالوا؟؟؟؟؟؟؟؟

استحلفك بالله ترد بالحق