هــاشتــرى صنى إن شاء الله و عايــز أعــرف هــل ليــها موقــع على الإنتــرنت

**hano_elmorsy** · 01-04-2008 11:45 PM

مساء الخير يا جماعه
انا إن شاء الله عايز اشترى صنى جديدة
بس اللى مضايقنى انى مش لاقى موقع عالنت ليها وكل مادور الاقى الكورى
هيه مالهاش موقع ولا ايه ؟؟
وبعدين لو عايز اروح مكان اشوف فيه كل الوانها اروح فين ؟؟
على فكرة انا من المنصورة بس باروح القاهرة واسكندرية احيانا بس من بره يعنى كله من عالدايرى
وبعدين فيه موضوع تانى
أنا امانياتى لا تسمح الا بالـ Ex وعايز اجيب مسند الكنبه اللى ورا والأبنوس بتاع السوبر صالون فهل ياترى ممكن اطلبهم ييجو فى العربية من الأول تخفيضا للتكاليف بدلا مابقى اغير بعد الإستلام؟
وبعدين انا سمعت ان فيه سبويلر تحفه بييجى من التوكيل حد عنده صورته؟؟
وبعدين انا أقل سعر وصلتله 91000 حد سمع أقل؟
ولو جبت اللون اسود وبفرش اسود يبقى ضلمه اوى؟؟؟؟؟؟
ارجو الإفادة

..............................
تم تعديـــل كلمة إن شاء الله
الإدارة - 3

**yahyanaabil** · 02-04-2008 12:14 AM

مبروك مقدما انا ححاول اجاوب على أسألتك على قد ما أقدر
مبدئيا مينفعش تطلب مسند الكنبه اللى روا قبل الاستلام بس سمعت انهم بيركيو طقم الابنوس بس ده بعد ما تستلم
بالنسبه للمعارض فأنا من اسكندريه وال3 معارض بتوعها جوه البلد فيه اتنين منهم فى سيدى جابر
اما السعر فمسمعتش عن سعر اقل من كدهاما اللون فلو حضرتك مصمم على تايلوه اسود يبقى بلاش اسود وجيب اللون الموف(بيقولو عليه سماوى) او سيلفر ( اللون ده رأى الشخصى كان نفسى فى الموف بس الوالد صمم على النبيتى)

**معاذ الشرباصى** · 02-04-2008 12:17 AM

حضرتك عندك فى المنصورة السبع موزع معتمد و ناس مشهود لهم بالاحترام

مبروك مقدما

**hano_elmorsy** · 02-04-2008 12:23 AM

اشكر السيد معاذ والسيد يحيى على الرد السريع
اولا مشكلة السبع اللى فى المنصورة انه بيبقى عنده لون اولونين بس وانا عايز اشوف الألوان جنب بعضها اما بالنسبة للأبنوس فياريت لو حد عارف سعره وبيحتاج تغيير الفرش؟ ولا بيتلزق فوقه؟ ولون الفرش لنل بفضل اللون الأسود عشان انا مقيم فى ارياف وفيه تراب كتير بس هيه دى الفكرة

**معاذ الشرباصى** · 02-04-2008 12:24 AM

مفيش معرض عنده معظم الالوان جنب بعض

لكن حضرتك ممكن تنزل القاهرة, و تشوف كذا معرض مع بعض ساعتها ممكن تشوف معظم الالوان

الابنوس معرفش الصراحة عنه حاجة