الموضوع: انا بقيت حاسس انى فى موقع تابع للحزب الوطنى

المشاركة الأصلية كتبت بواسطة korkor

انا مش كنت عاوز ارد على الموضوع ده خاصه انك وفى معظم مواضيعك او ردودك مابتشوفش حد رايه صح غيرك ولو زى مانت بتقول حصل غسيل مخ لكل الناس اللى فى المنتدى وانه كله خايف على مصر ليه مش قادر تصدق ان فى ناس فعلا مش طايقه حسنى مبارك ولا الحزب الوطنى ولكن همها مصلحه الوطن مش ال 6 شهور اللى فاضلين له هيعمل فينا اكتر من اللى عمله فى 30 سنه ربنا يرحمنا برجمته ويرفع عنا جميعا البلاء ونبطل نتهم بعض على الفاضى والمليان لمجرد الاختلاف فى الرأى .

ببساطه لو كان يريد اصلاح كان اصلح خلال 30 سنه
كل الناس ناديت باللى بيعمله دلوقتى بس خلاص ماعدش ينفع

الموضوع ليس لمناقشه ليه يمشى ولا لأ

بس هرد

لازم يمشى عشان اى حد يعرف انه مش اله وانه خادم للناس بيعمل اللى فيه مصلحه عامه
اللى هييجى بعده يبقى عارف ان الحكم للشعب لازم هو اللى يقول يقعد ولا يمشى

لازم يرحل عشان تعرف تحاكمه ماينفعش يبقى رئيس سابق

لو مصلحته على البلد كان ينفع يمشى بسهوله وهو سايب البلد وهو عارف انه ممكن يموت فى اى وقت ومش حاطط اى خطه ولا سايب احطياط


انا ثابت على رايى
المشكله فى اللى بيخاف و فاكر مصر عيله تايهه لازم حد يمسكها من ايدها

المشكله فى اللى بيغير رايه و بيصدق ناس بتكذب علينا بقالها 30 سنه

المشكله فى اللى مش عنده ثقه ان ولاد مصر قادرين انهم يحموها

بتتكلم على الامن- الراجل بتاع حماس سافر فى 6 ساعات وبيهشتك ابنه فى غزه
ده لو ايام عاديه ماتقدرش تروح الغردقه فى 6 ساعات
الراجل هرب ساعدوه ووصل غزه واتصلوا بالتليفزيون و هشتك ابنه!!و مافيش موبايل ولا نت!!!!!! يا راجل يا طيب
ده احنا مش مخترقن بقى ده استهبال و مافيش امن غير امنه هو

لازم يرحل لميت الف سبب

و انا اعترض بشده على اى حد يقول ان البلد هيحصل فوضى

احنا اصلا فى فوضى بقالنا 30 سنه حان الوقت ان احنا نكسر الفوضى

المشاركة الأصلية كتبت بواسطة ashouhdy

معاااااااااااااااااااك انا ايدى وقفت من الكتابة وانت متابعنى وشايف مش ملاحق على الرد

والله مش ملاحق انا كمان لدرجه انى هفقد اعصابى قريب


احمد فارما
لسه قايل اللى انت قايله

الناس فى التحرير ليه المطار مافهوش عسكرى
الناس فى التحرير ليه مافيش عسكرى مرور حتى

الناس فى التحرير ليه مافيش شغل ولا امن؟؟

اقولك ليه
عشان المصالح الكبيره فى مصر مرتبطه بمصالح الناس الكبيره فى مصر و دول مش عارفين هيعودوا ولا يمشوا يصفوا ولا يعملوا ايه

البنوك مش عارفه ومافيش تأمين

طيب ده بسبب الناس اللى فى التحرير ولا اللى ماسكين الدوله اللى بنقول يمشوا؟؟؟