المشاركة الأصلية كتبت بواسطة night_phoenix
اهلا بالجميع و اتمني اﻻيام الي جايه تكون بخير و كرم من المولي عز وجل
عملت يوم اﻻتنين الي قبل الي فات صيانه ال 40000 وطبعا كانت مكلفه بس في حدود المعقول و كان كل شي لطيف بدرجه ما.. يعني المركز بيحاول يحسن من نفسه و الحمد لله الخدمه مقبوله
غيرت زيت الموتور و الفلتر وزيت الفيتيس -المهندس اختار توتال- و اعتقد انه اختيار كويس و غير الفلتر طبعا
و غير فلتر البنزين وده موال كبير و غيرت التيل بس مكانش اﻻصلي موجود بس المهندس قالي انه نوع كوري محترم وعلي ضمانته , اتكلت علي المولي و ركبته وان شاء المولي يكون كلام المهندس اكيد و بصراحه انا واثق في رايه ﻻن انا بحس معاهم بالثقه و اﻻمان والصدق اتكلف الكلام كله حوالي 1400 بعد خصم المنتدي علي المصنعيه
المهم روحت وﻻحظت بعدها ان السيارة بتغيب في الدواره يعني مش بتلقط من اول مرة كالعاده ﻻزم من تاني مرة او حتي تالت مرة ركزت في الموضوع لقيت انا ملاحظتي صح وكمان لما العربيه بتكون عامله مشوار واطفي و اشغل الموضوع بيقل او حتي بيختفي. كلمت المركز و قالي تعال اشوف. روحت يوم الجمعه اياه بدري واول ما المهندس شاف قالي ده فلتر البنزين فكه من جديد وقالي او oil seal كان متني جوة و احنا بنركب . زيته و عدله و الحمد لله راحت المشكله انا كنت خايف من البطاريه قالي ﻻ ﻻ لسه بدري اي
وكان عندي صوت عالي بسمعه والعربيه واقفه وانا قافل الزجاج صوت زي "ورررررر" كشف كويس اوي و طلع بليه الكومبريسور وقالي انساها لحد الصيف نفكها ونشوف لو موجوده تعمل بتاع 300 و لو مش موجوده بيقي تغير الكومبريسور كله بحوالي 2500 او اقل و في كل اﻻحوال ملهاش اي تاثير بالمرة. قلت الحمد لله وكبرت دماغي
علي فكرة اليوم الي قبل ما اروح فوجئت بيهم بيكلموني و يطمنو عليا و علي العربيه و رايي في المركز بجد فكرة جميله متابعه العميل كل فترة
بس خلاص.....
عقبال صيانه ال 800000 بخير للجميع
واشوفكم بخير و في حال احسن من ده ربنا معانا كلنا