الشهيد (حسين طه ) من شهداء ثوره يوم الغضب

**misoalex** · 06-02-2011 03:38 AM

الشهيد حسين طه من شهداء يوم الغضب

طالب بكليه حقوق جامعه الاسكندريه
تاريخ ميلاده 08 أبريل، 1992

زميل لأختى فى كليه الحقوق وعلمنا بوفاته اليوم بالرغم من ان سمعنا عن الكثير من الشهداء فى الاسكندريه ولكن لن نتوقف لحظه لنفكر هل الشهيد ده اخ او زميل او قريب او صديق ولا نعرف

كل ذنبه انه صلى الجمعه يوم ومشى فى مظاهره سلميه يطالب حريته وكرامته ومستقبل نظيف وبدون اى تخريب او عنف وقبل كل التخريب الى حصل كانت رصاصه من رصاص الخونه من نصيبه

الرصاص الى انا وانت وكل واحد فى مصر بيدفع تمنه للحكومه ايوه الرصاص ده من فلوسنا

عملو مقاطعه عشان اسرائيل متشتريش رصاص تحارب بيه فلسطينين ولكن ماذا فعلنا يا مصرين عشان ميكونش نصيبى او نصيب ابنى او اخى او ابى او امى رصاصه من الرصاص الذى نشتريه لهم ونهديهم لهم لكى يرشقونه فى صدورنا

ماذا فعلنا حتى ندافع عن انفسنا وابنائنا من غدر الخونه

تخيل ان ده اخوك او ابنك او قريبك او صاحبك ماذا كنت ستفعل هل سيكون موقفك كما هو سلبى عشان لقمه العيش ومرتب اول الشهر ؟؟؟؟
عشان ايه لقمه العيش والمرتب ؟؟؟
عشان تاكل وتأكل اسرتك طيب ما فى لحظه ممكن رصاص الغدر ياخدهم منك يبقى متربيهمش ولا تأكلهم احسن
عشان تجيب عربيه او شقه ؟؟؟
طيب معربيات كتير ولعت ولعت واتسرقت الايام الى فاتت وعربيات كتير اتقلبت بسبب حفره فى الطريق او ما شبهه والى جواها ماتو

جوايا كلام كتيييييير مش عارف ولا عاوز اقوله بس كلمه واحده تكفى

حسبى الله ونعم الوكيل

ارجو منكم الدعاء له ولأهله بالصبر

ودى صور اخواته الشهداء مثله فى الايام الى فاتت

ماذا فعلت او ستفعل لهم غير الدعاء ؟

**misoalex** · 06-02-2011 03:41 AM

ده جروب اتعمل للشهيد من اصدقائه وفيه فديو لأمه تتحدث فيه يوم الجنازه

http://www.facebook.com/pages/rhmt-allh-ly-hsyn-th/195858097092762?v=wall

لو معرفناش نحمى ولادنا او اهلنا من رصاص الخونه يبقى منستحقش نعيش

**Samah AbdAllah** · 06-02-2011 03:47 AM

كل قطرة من دماءهم لن تذهب سدى
وهم اطهر من ان يساء اليهم
النصر من عند الله من اجل هؤلاء فقط وليس من اجل شعب انكرهم ودعى عليهم

**dr.amr** · 06-02-2011 03:57 AM

الواحد قلبه بينفطر علي هؤلاء الشباب

والله مش عارف اقول ايه

ربنا يرحمهم

اكيد هم حالهم احسن مننا دلوقتي ان شاء الله

تخيل حالة كل بيت منهم

وحالة كل ام او زوجه

تخيل كم الدعاء يا ريس

ربنا يجعله من نصيبك ياريس

**magyver** · 06-02-2011 04:07 AM

لا اله الا اله
والله حااجة توجع القبل
شباااااااب زي الورد
ربنا ينتقم من كل ظاالم

**misoalex** · 06-02-2011 04:08 AM

المشاركة الأصلية كتبت بواسطة medo2o1o

يا ريت اللى بيقول مبارك يقعد يبص للصور دى و يتخيلها اخوه او ابنه او اخته او مراته او بنته
و يقوللى هل ساعتها محتاج القصاص ولا لأ

يا ناس هما الشهداء دول كلاب و راحت

بينا و بين حسنى افندى دلوقتى دم

الصراحة حسنى لا هو ابويا ولا هو رئيسى و يا ريت يرحل امبارح

لا ياريت الى بيقول مبارك يقعد ويمشى بمزاجه وبكل كرامه وفخر ويصرف ويتمتع بكل مليم اخده من جيبى وجيبك وموت قصاده اهلنا واصدقائنا

يبص دلوقتى لابنه واسرته ويتخيل صورتهم وسط الشباب دى
ويتخيل انهم مش موجودين معاه

حسبى الله ونعم الوكيل فى كل ظالم فاسد ويعرف الحق ويضلل بيه

المشاركة الأصلية كتبت بواسطة baskota

كل قطرة من دماءهم لن تذهب سدى
وهم اطهر من ان يساء اليهم
النصر من عند الله من اجل هؤلاء فقط وليس من اجل شعب انكرهم ودعى عليهم

فعلا حسبى الله ونعم الوكيل فى الى يضيع حق الناس دى وينكرهم

المشاركة الأصلية كتبت بواسطة dr.amr

الواحد قلبه بينفطر علي هؤلاء الشباب

والله مش عارف اقول ايه

ربنا يرحمهم

اكيد هم حالهم احسن مننا دلوقتي ان شاء الله

تخيل حالة كل بيت منهم

وحالة كل ام او زوجه

تخيل كم الدعاء يا ريس

ربنا يجعله من نصيبك ياريس

اللهم اجعله من نصيبه ونصيب كل حاكم ظالم هو واعوانه

الناس بعد حادثه حفيده كانت زعلانه كأنه واحد من اهلها ولكن هو لم ولن يتعظ واستمر وزاد فى الظلم