لو انت مكان مبارك ؟؟؟

**dr.amr** · 06-02-2011 04:08 AM

لو انت مكان مبارك دلوقتي

بداية من انهارده يوم 6 فبراير

تعمل ايه

ايه القرارات اللي تاخدها

كل واحد يكتب دماغه

عايزين نشوف ايه القرارات اللي ممكن تتاخد في الظروف ده

**medo2o1o** · 06-02-2011 04:11 AM

اطلع على جدة اسمع ان الجو دفا دلوقتى حتى اقعد مع حبيبى بن على حتى ممكن اعمل عمرة

**A7MED_PHARMA** · 06-02-2011 04:19 AM

ماهو ده متوقف على ..أنا شايف نفسي إزاي ؟؟
لو أنا شايف نفسي بطل وخدمت بإخلاص وصدق لمدة 30 سنة
ولقيت شعبي كرهني أوي كده .. وكراجل عسكري
هضرب نفسي بالنار

.
.
ولو أنا شايف نفسي سرقت الشعب لمدة 30 سنة
وإتسببت لشعبي في المرض .. والفقر ..والجهل ..والسحل ..والقتل ..والعار ..والقهر .. والذل
ولو هربت هتحاسب ... وكده كده مش هقدر أقعد تاني
وكراجل عسكري ....برضو هضرب نفسي بالنار

**mahamedaraby** · 06-02-2011 04:35 AM

اول حاجه هخلى مجلسى المزور يعدل مواد الدستور 76 و 77 و 88
فى خلال ايام زى ماعملت قبل كده مش جديده عليا

هخلى فتره الحكم مدتين بس كل مده 5 سنوات

هخلى اشراف قضائى كامل للانتخابات

هخلى الترشيح مفتوح فى انتخابات الرئاسه لا حد بشرط مثلا تجميع 500 الف توقيع

هستقيل من الحزب الوطنى وهسلم البلد بعدها للانتخابات تكون حره

و والله انا لو مكانه وشفت اد ايه شعبى كان بيكرهنى اد ايه اللى انا عملته فى الناس مش عارف هبص لنفسى ازاى تانى طول عمرى

**abo_anas** · 06-02-2011 04:44 AM

أنزل ميدان التحرير

وبأمر الله كله هيتحل

**cheetos_892005** · 06-02-2011 04:44 AM

هبص لصور الشهداء دول
و مش بعيد خالص انتحر او اتجنن ....
ده لو عندي احساس
بتكلم بجد

**youssefmustang** · 06-02-2011 04:49 AM

اولا : هجيب كل الوزراء القدامى واولهم الحرامى الكبير يوسف بطرس غالى واحمد عز والشلة كلها (والاعدام فى ميدان التحرير ) بالدهس بالدبابات ماعدا يوسف بطرس غالى واحمد عز الحرق بالنار
ثانيا : الاعدام الجماعى لجماعة الاخوان المسلمين اللى هما اصلا مش مسلمين ولا يعرفو حاجة عن الدين الاسلامى
ثالثا: ضرب الرصاص الحى على كل المتظاهرين الخارجين عن القانون والاجانب المندسين وسطهم
رابعا خفض الاسعار الى 3/4 وتوفير السلع الاساسية والخبز والمواد البترولية
خامسا : بعد ما تخلص مدتى فى الحكم هخلى الجيش يمسك بدلا منى ويعين هو والشعب الرئيس اللى يعجبهم
ومع نفسك يا مصر

**Ahmed Anwer** · 06-02-2011 05:09 AM

المشاركة الأصلية كتبت بواسطة youssefmustang

اولا : هجيب كل الوزراء القدامى واولهم الحرامى الكبير يوسف بطرس غالى واحمد عز والشلة كلها (والاعدام فى ميدان التحرير ) بالدهس بالدبابات ماعدا يوسف بطرس غالى واحمد عز الحرق بالنار
ثانيا : الاعدام الجماعى لجماعة الاخوان المسلمين اللى هما اصلا مش مسلمين ولا يعرفو حاجة عن الدين الاسلامى
ثالثا: ضرب الرصاص الحى على كل المتظاهرين الخارجين عن القانون والاجانب المندسين وسطهم
رابعا خفض الاسعار الى 3/4 وتوفير السلع الاساسية والخبز والمواد البترولية
خامسا : بعد ما تخلص مدتى فى الحكم هخلى الجيش يمسك بدلا منى ويعين هو والشعب الرئيس اللى يعجبهم
ومع نفسك يا مصر

لا يا عم ده إحنا نخلي مبارك أجدع !!!

**pro_samir** · 06-02-2011 05:10 AM

لو تنحيت مش هتعرفو تعدلو الدستور ولا تحلو المجلس
ومش هينفع اعدل الدستور علشان المجلس مزور
ومش هينفع احل المجلس لأنهم لازم يصوتو علي تعديله

أعملكم ايه طيب

لو في حسن النيه:
-تفويض نائب الرئيس بمباشرة مهام الحكم
-تشكيل لجنه لتعديل الدستور بكل بلاويه في أسرع وقت و أظن ده من الصلاحيات
-ثم حل المجلسين واعاده الانتخابات تحت اشراف قضائي
الغاء قانون الطوارئ
-الافراج عن المعتقلين السياسيين الغير صادر في حقهم أحكام
-تعديل اجراءات تشكيل الأحزاب متبقاش تعجيزيه
-تجميد أرصدة كل الحراميه ثم محاكمتهم ومصادرتها (ما عدا انا .. ممكن اسيبلكم معظمها ماشي والباقي مكافئة نهاية سرقه)
-لو في وقت هفور المجالس المحليه بكل الفساد اللي فيها ومحاربة الفساد في جميع الهيئات الحكوميه ومفيش خيار وفقوس في كل أجهزة الدوله

-إجراء انتخابات رئاسيه مبكره

إيه تاني

المشكله بقي كل الناس اللي دمهم استحل والناس اللي اتظلمت واتقهرت واتاكل حقهم طول 30 سنه .. هراضيهم ازاي

يا ويله من الحساب

-

الموضوع: لو انت مكان مبارك ؟؟؟

LinkBack

أدوات الموضوع

عرض

لو انت مكان مبارك ؟؟؟ - انشر الموضوع فى :

-

-

-

-

المواضيع المتشابهه

أول حوار للرئيس مبارك وجمال مبارك بعد الثورة

رساله من محمد علاء مبارك الى أمه و جده.. حسنى مبارك

رساله من محمد علاء مبارك الى أمه و جده حسنى مبارك

الهداف الجزائريه تصف علاء مبارك بالصعلوك وتتهكم على سوزان مبارك والسادات خلف بنات

الكلمات الدلالية لهذا الموضوع

المفضلات

المفضلات

ضوابط المشاركة