الاستقرار والامن و الامان يعني مبارك - انجازات ملهاش حد

**Abo_Lina** · 06-02-2011 04:15 PM

اليوم السابع | سمير رجب: إيقاف الصحفية التى فبركت قصة تجنيدها فى 48 ساعة

يا ترى الناس اللي صدقت موضوع الأجندة و التدريب في الخارج بيبصوا لنفسهم إزاي بعد ما يقروا الكلام ده و يعرفوا إن النظام عرف يخدعهم للمرة المليون ..

**eslam_wega** · 06-02-2011 04:21 PM

ارحل يا ظالم ارحل يا ظالم حسبى الله ونعم الوكيل فيك وفى كل حد يدافع عنك

**ecybrarian** · 06-02-2011 04:28 PM

السيارة الديبلوماسية التي دهست المتظاهرين في شارع القصر العيني دي مسروقة من جراج السفارة..والحقيقة أنه تم سرقة عدد من السيارات من نفس الجراج الذي كان يحميه البوليس المصري الذي انسحب مرة واحدة تاركا الجراج مفتوحا على البحري

**نور القمر** · 13-02-2011 01:35 AM

المشاركة الأصلية كتبت بواسطة tyler_durden

اليوم السابع | سمير رجب: إيقاف الصحفية التى فبركت قصة تجنيدها فى 48 ساعة

يا ترى الناس اللي صدقت موضوع الأجندة و التدريب في الخارج بيبصوا لنفسهم إزاي بعد ما يقروا الكلام ده و يعرفوا إن النظام عرف يخدعهم للمرة المليون ..

انا منهم
محدش بيتعلم ببلاش
وفعلا اكتر حاجة كنت خايفة منها ان امريكا ولا اي دولة تحتلنا

**hobiko** · 13-02-2011 01:49 AM

المشاركة الأصلية كتبت بواسطة ahmed_nubira

المشكله فى الاخر وبعد كل دة...تلاقى مواضيع فى المنتدى

بنحبك ياريس
اخلوووو ميدان التحرير
الراجل عمل اللى عليه
الريس عشره عمر
خطااااااب الرئيس اثر فينا كمصريين

بالاضافه ان للاسف الاقى موضوع من الاداره يقلك احنا نفضل ان حسنى يفضل ال6 شهور دووووول وخلاص

والله ورب الكعبه الراجل دة لو فضل ال 6 شهور هيرشح نفسه تانى وناس هتوافق عليه تانى وهيأجر ناس ويدخل ابنه وما خفى كان اعظم..الراجل دة طاغيه...امال فين الكلام بتاع الديمقراطيه والكلام دة...كله كدب فى كدب

للاسف الشعب المصرى بيضحك عليه بسهوله جدااااا

دي ناس غريبة

عمر سليمان يطلع يتكلم مع abc news و يبان على حقيقته و يقول الثورة دي بدأها الاخوان و الناس إلي في التحرير ليهم اجندات خارجية و كمان الشعب المصري مش مستعد للديمقراطية

بردو مفيش فايدة

جابر عصفور يستقيل من الحكومة و يقول الحكومة الجديدة مكنش عندها نية صدقة للتغيير و انها حكومة حزب وطني مش حكومة إنقاذ وطني

بردو مفيش فايدة

كل البلاوي إلي عمالين نسمعها عن حبيب العادلي و الوزراء

بردو مفيش فايدة

و برضه كانو لسه بيقولو نديله فرصة

حد شاف حسب الله الكفراوي إنهردة في الحياه

و بردو بيقولو نستنى 6 شهور

ناس غريبة فعلاً