الحملة القومية لانتخابي رئيسا للجمهورية - عايز اجمع 50 توقيع يا جدعان - 57357

**Atrees** · 06-02-2011 01:25 PM

صباحكم فل يا رجالة

بما ان العملية زي ما انتم شايفين سبهلله - قررت اتطوع وارشح نفسي في انتخابات الرئاسة الجاية - ودة طبعا عشان يبقي للسيراتاوية حزب حاكم بما اننا اغلبية دلوقتي

وعشان اكون رئيس جدع - عايز من كل واحد يؤيدني يقول طلب ومطلب نفسة فية ونشوف طلبات الناس اية :))))

علي فكرة الموضوع عشان فعلا نشوف احتياجات المواطن اية - نعمل حصر يعني :))))

**ramyragimaher** · 06-02-2011 05:11 PM

ana m3ak ya rayeees

**mido_soliman** · 06-02-2011 06:02 PM

حد ادنى للاجور 1200 جنية مع بقاء الاسعار ثابتة
اى ظابط شرطة حيوان يعامل الناس بادمية ورقى واحترام ويحاول على قد فكرة المحدود جدا وغباؤة الفطرى انة يفرق بين البنى ادم المحترم والمجرم
الحد من الروتين الزى لا يقهر والاوراق الكتابية والاختام التى لا تنتهى دة بما اننا فى 2011 يعنى
تخفيض سعر البنزين
مصادرة اموال كل من احمد عز وحبيب العادلى وصفوت الشريف والمغربى وكل فاسد وتاميم اموالهم وردها لخزانة الدولة
محاكم احمد عز وحبيب العادلى تحديدا واعدامهم فى ميدان عام وليكن ميدان التحرير
محاكمة الريس ومصادرة اموالة وتجميد ارصدة ابناءة وزوجتة ورد المال للشعب
نفى الريس خارج البلاد
انا بروتونى ولو نفت طلباتى حرشحك وحشترى سيراتو كمان

**Atrees** · 06-02-2011 06:05 PM

المشاركة الأصلية كتبت بواسطة ramyragimaher

ana m3ak ya rayeees

مش عايز كمان نحاكم توكيل فيات علي اللي بيعملة ؟؟؟؟؟

وجميع توكيلات السيارات - منهم لله

**Atrees** · 06-02-2011 06:07 PM

المشاركة الأصلية كتبت بواسطة mido_soliman

حد ادنى للاجور 1200 جنية مع بقاء الاسعار ثابتة
اى ظابط شرطة حيوان يعامل الناس بادمية ورقى واحترام ويحاول على قد فكرة المحدود جدا وغباؤة الفطرى انة يفرق بين البنى ادم المحترم والمجرم
الحد من الروتين الزى لا يقهر والاوراق الكتابية والاختام التى لا تنتهى دة بما اننا فى 2011 يعنى
تخفيض سعر البنزين
مصادرة اموال كل من احمد عز وحبيب العادلى وصفوت الشريف والمغربى وكل فاسد وتاميم اموالهم وردها لخزانة الدولة
محاكم احمد عز وحبيب العادلى تحديدا واعدامهم فى ميدان عام وليكن ميدان التحرير
محاكمة الريس ومصادرة اموالة وتجميد ارصدة ابناءة وزوجتة ورد المال للشعب
نفى الريس خارج البلاد
انا بروتونى ولو نفت طلباتى حرشحك وحشترى سيراتو كمان

والله انت راجل محترم - وعشان خاطر حبايبنا البروتوناوية - غلق طريق السخنة وعملة تست درايف للبروتوناوية فقط :)

**ahmedverna** · 06-02-2011 07:29 PM

انا عايز نمنع المحسوبيه و الواسطه وكل واحد ياخد حقه بما يرضى ربنا / وضع حد ادنى للاجور يكون مناسب مع الغلاء / فرص عمل للشباب / ميكونش فى اى حد بيشتغل اكتر من وظيفه او منصب فى نفس الوقت لاتاحه الفرصه للجميع فى المشاركه .. ده جزء من المشاكل حاول تنفذه وانا هرشحك اكيد

**shod90** · 07-02-2011 01:19 AM

1) حد ادنى للاجور
2)فرص عمل للشباب تليق بمستوى الشهادة بتاعت الشاب
3)منع الواسطة نهائى
4)معاملة نضيفة من ظباط الشرطة
5)السماح بالفامية هههههههههه

**zago** · 07-02-2011 01:42 AM

انا حرشحك وعايز سيراتو
بس كوبيه
لو مش كوبيه ولا اعرفك
وحرشح نفسي ضدك وحركب الناس تمبرا
واصلا طريق العين السخنه معمول تست درايف لبتوع الجيبات
من اولها بتبقشش من جيب غيرك ؟ههههههههه

**waleedelpiloot** · 07-02-2011 01:59 AM

يا سلالالالالالالالالالالالا لالالالالالالالام لو يشيلوا الجمارك من علىالعربيات عشان كل يوم الصبح اصحى اجيب عربية شكل وانا مع شادى 500 % فى موضوع الفامية
دة واحد صاحبى رايح يجب من كويت دودج شارجر بتمن شيفرولية افيو عندنا بقى دة كلام ولاانتوا مش معايا :dd

**Atrees** · 07-02-2011 03:40 AM

مكاسب الثورة المصرية:

1. اقالة الحكومة الأردنية
2. رفع قانون الطوارئ في الجزائر
3. اعلان الرئيس اليمني عدم ترشيح نفسه للرئاسة
4. تعديل الدستور الصيني
5. قمع الشعب السوري قبل ما يفكر يثور
6.تعهد الرئيس العراقى انه لن يترشح لفترة رئاسة قادمة

الموضوع: الحملة القومية لانتخابي رئيسا للجمهورية - عايز اجمع 50 توقيع يا جدعان - 57357

LinkBack

أدوات الموضوع

عرض

الحملة القومية لانتخابي رئيسا للجمهورية - عايز اجمع 50 توقيع يا جدعان - 57357 - انشر الموضوع فى :

-

-

-

-

-

المواضيع المتشابهه

انا قررت ارشحه رئيسا للجمهورية

الحملة القومية لترشيح أدهم صبري لرئاسة الجمهورية ...!!!!!

الحملة الجريئة لترشيح علاء مبارك رئيسا لجمهورية مصر العربية

الحملة القومية للصيانة في رمضان (تحديد موعد جماعي)

الكلمات الدلالية لهذا الموضوع

المفضلات

المفضلات

ضوابط المشاركة