نقلا عن المصري اليوم عدد الجمعه 4/2/2011
يوجد 4 سيناريوهات واحد منها لازم يحصل
1: تنحي الرئيس : وساعتها دستوريا رئيس مجلس الشعب هو اللي هايمسك الحكم لحد ماتتم الانتخابات الرئاسيه خلال 60 يوم وطبعا بدون تغيير في مادتي الدستور 76و77 مما سيؤدي الي انتخابات غير نزيهه
2: حل مجلس الشعب وتنحي الرئيس : وساعتها هايتولي الحمك رئيس المحكمه الدستوريه العليا حتي تتم النتخابات الرئاسيه خلال 60 يوم بدون تغيير في مادتي الدستور 76و77 مما سيؤدي الي انتخابات غير نزيهه
3: تفويض نائب الرئيس : ودا لا يتم الا عند عدم استطاعه الرئيس القيام بمهامه وسيكون التفويض جاريا حتي تتم الانتخابات في معادها في شهر سبتمبر وغير مسموح في فتره التفويض تعديل اي مداه من الدستور وبالتالي سيؤودي الي انتخابات غير نزيهه
4: استمرار الرئيس حتي نهايه مدته كما وعد: وساعتها هايتم تعديل الدستور وحل مجلس الشعب واعادة انتخاباته مما سيفتح الباب لانتخابات رئاسه نزيهه وانتقال سلمي للسطه والحفاظ علي استقرار مصر وكسر ايادي مشعلين الفتنه من الداخل والخارج

وطبعا انا عشان مع نعم لمصر بتفق مع راي السيناريو الاخير لأنه هو دا فعلا اللي قامت عشانه مظاهرة المطالب بتاعة يوم 25يناير وليس مع اي حل اخر اللي مش هايفيد الشعب لكن هايفيد الاحزاب السياسيه اللي اتخذت من مظاهرة الشباب شرارة الانتقام من النظام الحالي ولو اي راي تاني اتنفذ هايبقي نتائج المظاهره انتقال كراسي السلطه والنفوذ من حزب لحزب اخر وليس استجابة مطالب الشعب

ولما نلاقي الاخ بقي يضرب اخوه ويرفع عليه السلاح يبقي في فتنه يامصريين و لازم نفوق ونعرف احنا عايزين ايه وكل واحد يتكلم بلسان انه مصري ويهمه مصر بس لكن مش من بلسان انه من حزب كذا او كذا او انا مع الرئيس او ضده او ان انا مغسول مخي بكلام الحكومه او اني انا واد مفتح والحكومه مش هاتضحك عليا بعد كدا لكن اتكلم باللي فيه صالح مصر وتنفيذ مطالب الشعب سواء ببقاء الرئيس او رحيله

وردا علي فكرة -رحيل الرئيس بغض النظر عن النتائج- ان دي فكره غير مكتمله لأن المفروض يكون في خطط او ترتيبات لأيه اللي المفروض هايتعمل بعد مايمشي ,لكن ليه مفيش حد من المروجين للفكره دي بيقول علي الخطط اللي بعد كدا وكل كلامهم اهم حاجه الرئيس يمشي وخلاص !!! والاكيد ان بعد كدا الخطط دي اكيد هاتظهر و ساعتها هانكون مضطرين ليها ومش ادامنا غيرها وهي دي الاجندات الخاصه اللي الرئيس ونائبه بينوهوا ليها في اي خطاب ليهم

ربنا يزيل عن مصر غمة الفتنه وعدم الاستقرار ويجعلها مناره يهتدي بها باقي الامم ويصلح حال شعبها وحكامها ويدمر كيد الحاقدين والطامعين فيها

اخوكم
محمد منتصر
الجنسيه والدين والاقامه والحاله الاجتماعيه : مصري