تحويل الودائع من جنية لدولار صح ام خطا

**tammmer** · 06-02-2011 01:23 PM

سوأل مهم
فية ناس هتحول الودائع بتاعتها من مصري لدولار
عشان الجنية ممكن يوصل ل 8 او 9 جنية
طب الكلام دة صح والا غلط

**gebreel** · 06-02-2011 01:31 PM

مش عارف بالظبط ايه النظام بالنسبة للفائدة و الكلام ده بس اعتقد انو مش صح انك تحول كل مدخراتك دولار لازم يبقى فيه مصري بشكل معقول

**osoliman88** · 06-02-2011 01:40 PM

المشاركة الأصلية كتبت بواسطة tammmer

سوأل مهم
فية ناس هتحول الودائع بتاعتها من مصري لدولار
عشان الجنية ممكن يوصل ل 8 او 9 جنية
طب الكلام دة صح والا غلط

لو بتفكر في مصلحتك الفردية يبقى حول للدولار
لو قلبك على البلد وعاوز تحافظ عليها وعلى عدم زيادة الاسعار يبقى احتفظ بالجنية المصري حتى لو هتخسر جزء من هذه الاموال.

**tammmer** · 06-02-2011 02:06 PM

المشاركة الأصلية كتبت بواسطة ahmed.ali

انا شايف ان المنطقي هو العكس بيع الدولار بالسعر الممتاز بتاع الوضع الحالي و الاقتصاد كدا كدا هيتحسن و الجنيه يرتفع تاني و تبقي انت الكسبان

انا مش فاهمك
اليوم الدولار سعرة 5.95 واكيد هيزيد
وانا عندى وديعة بالمصرى اعمل اية عشان الفلوس قيمتها متقلش

**mohamed_selim** · 06-02-2011 02:14 PM

مش هتعرف تحول من البنك مش بيبيعو و فى بنوك حاطه سقف على سحبك من حسابك الدولارى و بنوك مش حاطه
و بتوع الصرافه شرحه بيلمو بسعر 585 زى ما قفل من 10 ايام و مستنيينو يعلا و مبيبعش
كده مش هتلاقى قدامك غير السوق السودا اللى متوقع تنشط فى الفتره اللى جايه و بالتالى هتشترى غالى ... خليك بالمصرى احسن و خلى فى نيتك انك بتساعد اقتصاد البلد علشان حتى لو خسرت جزء من الفلوس تبقى كسبت حاجه لربنا

**Ahmed.Ali** · 06-02-2011 02:38 PM

المشاركة الأصلية كتبت بواسطة mrwho1982

السلام عليكم اولا

ثانيا انا كنت قاعد مع مراجع قانوني للشركة عندنا والراجل ده فاهم جداااا

قاللي الشركات الاجنبية في مصر قافلة ومستنية تشوف الوضع ايه لو حلو هايرجعو لو سيء الشركات دي هاتقفل ومعني ان هي تقفل يبقي في ناس عاطلة عن العمل

والشركات الاجنبية قدامها سوق ثاني وهو دول الخليج وقطر ودبي

الحل اما ان يرجع استقرار البلد والدنيا تهدا بتعيين رئيس للجمهورية متمثل في عمرو موسي وارجاع حال البلد للاحسن لتشجيع الاستثمار

ثانيا ان يحصل انقلاب عسكري في الحكم وبناء عليه البلد هاتتعدل

انا عن نفسي بحبز الراي الاول

الشركات الاجنبية دي لو قفلت في ناس كثير بيوتها هتتخرب والناس دي متمثلة في الطبقة المتوسطة

الطبقة المتوسطة لو اتلغت يبقي علي الدنيا السلام
انا شغال في شركة توكيلات

كل الشغل اتوقف قاعدين طول النهار عالنت وبنهزر

بجد البلد في حالة مزرية وربنا يعدي الايام دي علي خير

بكلمك من مكتبي في القريه الذكيه و احدي الشركات الاجنبيه و الوضع جمييييل

**som3aa** · 06-02-2011 02:49 PM

الحكومة حتضخ دولارات علشان تسيطر على السعر علشان ميزدش

التحويل لدولار هو اللى هيوقع الجنيه للاسف فمش عارف لو على المصلحة العامة يفضل ﻷ و خصوصا ان لو الوضع اتحسن بعد كدا ان شاء الله الدولار هينزل تانى

**MASERATI** · 06-02-2011 03:00 PM

السلام عليكم و رحمة الله و بركاته

أنا مش متهيألى أن الوضع -ان شاء الله- هيقع بالشكل اللى يتطلب أن الناس تجرى و تشترى بفلوسها دولارات أو يورو أو دهب لأن الأزمة , مهما كان لسه متسيطر عليها و الأسابيع القليلة القادمة ان شاء الله هتخلى الأوضاع أفضل .

و أنا أخشى أن الناس تجرى و تشترى الدولار ب 6 جنيه -عالأقل- و لما الأمور تتظبط, تلاقى أنها متضطرة تبيعه ب 5,6 جنيه و لا حاجة زى كده, يعنى هيبقى موت و خراب ديار, لأن اللى أنا أعرفه أن الأزمات اللى من النوع ده, العملة لما بتقع, بتقع بمعدل سريع, يعنى بتنهار بسرعة و تقف عند حد معين, زى ماحصل فى الدينار الكويتى لما العراق احتلت الكويت, العملة بتاعتهم قعدت كل يوم تنزل أكتر من اليوم اللى قبله و بمعدل سريييييييييييييييييع لحاااااااااااااااااد ما فى الآخر استقرت عند 48 قرش للدينار, بيقولوا أن أبو اللول, عمله قرشين حلوين من الدينار الكويتى لأنه اشترى منه شويه و خزنهم لحد ما العراق طلعت من الكويت و الدينار الكويتى شد حيله تانى و قام بايعهم , هيييييييييييييييه , أرزاق .

عالعموم ده رأيى و أنا ناوى أتصرف فى فلوسى اللى فى البنك بالشكل ده, و أكيد الأخوة الأفاضل المتخصصين, هيقدروا يفيدزنا أكتر .

-

-

الموضوع: تحويل الودائع من جنية لدولار صح ام خطا

LinkBack

أدوات الموضوع

عرض

-

-

-

-

-

المواضيع المتشابهه

مشروب طاقة إيمولا ب7.5 جنية بدلا من 13 جنية من A1offers.com

الفائده البنكيه على الودائع والشهادات بالدولار واليورو

هيا اغلاق البنوك بيؤثر على عوائد الودائع فى البنوك؟؟

أسعار أنواع و سيارات كتيرة جدا من 6 ألاف جنية إلى 30 ألف جنية

خفض راتب رئيس "فورد" لدولار واحد سنوياً

الكلمات الدلالية لهذا الموضوع

المفضلات

المفضلات

ضوابط المشاركة