الطريق اتقفل مؤقتا من شوية عشان فى مظاهرة عند العاشر وده نقلا عن صديق كان جاى من القاهرة من شوية
عرض للطباعة
الطريق اتقفل مؤقتا من شوية عشان فى مظاهرة عند العاشر وده نقلا عن صديق كان جاى من القاهرة من شوية
دى كانت مظاهرة عند مدينة السلام .. وسببها جهل واحد مسئول حاول بحركة عنترية هبلة إنه يخدم الحكومة فجه يكحلها عمااااااااااااااااها .. وبعدين خلع عينيها حطهم فى قفاها.
تحياتى
هو ايه سبب المظاهرات دى ؟ انا شغلى فى العاشر من رمضان و سمعت عنها بس معرفش ايه سببها
هي مش مظاهرة انا شوفتها امبارح هم ناس من السلام قاطعين الطريق بمنتهى قلة الزوق يا ريتهم مفترشين الطريق وقاعدين وخلاص لا شتايم ورايح فين وماسكين شوم وكانوا هيخبطوا العربية عشان عايزين شقق
كويس انك قلت عشان أرجع زراعى.
دول حجزيين شقق من محافظه القاهره تقريبا فى النهضه ومعترضين على تاخير التسليم
حسب كلام محافظ القاهره
أنا كنت هناك الساعه 4 و جيت الزقازيق و كان فى واحد صاحبى هناك و من الساعه 4 و هو لسه فى مدينة السلام الطريق واقف.
دة مش مظاهرة ولا حاجة دول ناس من السلام و النهاضة بيقولو انهم حجزين شقق و واخدين الطريق و فى ناسمعاهم الئ و طبنجه و بلاوى واى حد يعدى من الحتة دى بيتبهدل بمعنى الكلمة يعنى تكسير عربيات و لو عرفة يخدواا العربية بيكسروها و يحرقوها وللاسف الشرطة و الجيش بيتفرج
وبعد كدة وزيرة الدخلية يطلع يقول تم تغيرالشعارالى الشرطة فى خدمة الشعب
انا كنت رايح الهايكستب إمبارح و أتعكيت في الحوار ده...إضطرينا نمشي عكسي في الطريق و دخلنا في غياهب السلام و منطقة العبور الصناعية...بس الحمد لله المصلحة إتقضيت و مفيش خسائر...و إحنا راجعين....الجيش حولوا الطريق للشروق و منها لطريق السويس..
سبب المظاهرة فعلاً علشان الشقق...و بيقولوا بعد كده راحوا هجموا على المشروع و أخدوا الشقق وضع يد!!
يعني يا جماعه خطر الي يعدي من هناك و لا ايه ؟؟؟
ياريت بس تفهموني و هل الناس واقفه ليل و نهار و لا ايه ؟؟؟
تحياتي
طب حد يبلغ اللجان الشعبية
يمكن يعرفوا يلموهم
اه يا بلد
ياباشا الشرطة و الجيش واقف بيتفرج يبقى الناس هتعمل اية للاسف الناس اللى هناك دى معاه اسلحة كتير ومنها الئ
بس فى ناس من الاهالى واقفة هناك وسدة الطريقة و بتحذر الناس انها تعدى بس للاسف فى ناس مش مصدقة فابتعدى واللى يعدى ويقع تحدت ايدهم مش بيرحمه حد
ياريت الشرطة او الجيش يتصرف بسرعة
انا مسافر بكرة القاهره ان شاء الله وهادخل من الطريق دة يا ريت حد يقولنا ايه الاخبار النهاردة
يفضل تأجل مشوارك لبكرة ولو تقدر تروح الصبح بدري وترجع بدري يكون أفضل طبعاً (يعني قبل الساعة 10 الصبح مثلاً) أنا بروح الشغل الصبح عادي الساعة 8 وبتعسف وانا راجع وربنا يستر علينا كلنا.
المشكلة إن أي طريق تاني بتمشي منة عشان تتلافي إنك تعدي من هناك بيكون زحمة جداًسواء السلام أو طريق السويس.
يا جماعة لو حد عرف هما قافلين الطريق النهاردة ياريت يبلغنا.