هل من اراء و افكار اخرى ؟؟
عرض للطباعة
هل من اراء و افكار اخرى ؟؟
ربنا يحمى مصر و يحمى ابنائها و يقينا شر الفتن و انا حاسس اننا داخليين على عصر حب و ود كبير و ربنا هيكرمنا ان شاء الله و نستحمله الشهور الباقيه من عمر حكمه و يبخت من قدر و عفى و ربنا يجعله قى ميزان حسنات الشعب المصرى كله و ده درس لكل رئيس سواء فى العمل أو أى مكان انه لازم يتقى ربه فى المرؤوسين علشان ربنا يكرمه مش يهينه
يعني ايه كوكا كولا زيرو
يعنى تبقى واقف فى اللجنه الشعبيه بتحشش و يجى البوكس تقوم موقفه تفتشه
يعني مصر تعمل مظاهرات والجزائر تلغي قانون الطوارى
يعنى العساكر والظباط تأخد أجازة نص السنة والناس توقف خدمة طول الليل
...يعني احنا نعمل ثورة والمساجين هما إللي يتحررو
عاجل:الامطار تسقط علي سماء القاهره وهذا استطلاع للاراء من ميدان التحرير
الاخوان: لاحوار مع نظام مبارك قبل توقف الامطار
البرادعي: النظام مسؤل مسؤليه تامه عن هطول الامطار فوق الميدان
حركه 6 ابريل: مبارك وعدنا بالسلامه وهاهي الامطار تغرقنا
...قناة الجزيره: وقد افادتنا الاخبار ان المسؤل عن هطول الامطار هم بلطجية الحزب الحاكم
...واخيرا قناة المصرية: لاصحه مما تبثه القنوات العميله انه هناك سقوط للامطار فوق المتظاهرين
http://profile.ak.fbcdn.net/hprofile..._2624897_n.jpg
انا وفى زى ناس كتير لا يثقون فى كلام مبارك المعسول
انا شايف ان اللى طول عمرة بيكدب علينا ويسرقنا ويبهدلنا عمر ما حالة هينصلح فى 6 او 9 شهور
وبعدين ازاى واحد يقتل اخوك او اختك وحاليا بيستخدم اسلوب التجويع مع الشعب اثق فية
اللى انا شايفة دلوقتى انة عاوز فرصة هو ومنتفعية انهم يخربوها مش يصلحوها ودة عن طريق كمية الاموال اللى هتتهرب فى الفترة دى برة البلد وفى الانتقام من كل من ساهم فى قيام هذة الثورة الشريفة اللى بيحاولوا يتهموها بالاجندات
يا ترى حضرتك شايف ان هل يستطيع من دمر البلد وشوة دستورها انة يصلحهم تانى
يا اخى الفاضل مبارك هو من لم يحترم الدستور من قبل وقام بتشويهة حتى يحكمنا مدى الحياة يبقى ازاى بيطالبونا دلوقتى اننا نحترمة ؟؟؟؟ ارجوك جاوبنى
يا اخى الفاضل ارجو احترام الناس اللى انت بتتريق عليها دى لانهم والله خيرة شعب مصر
فعلاً حقيقي
تعرف إن مديري النهاردة لما قابلته في الشغل الصبح
كان بيبصلي وبيكلمني بطريقة مختلفة أوي
كأنه خايف مني ... لإننا عاملين مشاكل مع بعض جامدة قبل الثورة طبعاً
فالظاهر الراجل خايف مني ... لحسن أطلع أتظاهر في ميدان التحرير ضده ... وأكون سبب في خروجه معاش مبكر ... خصوصاً إنه لسه بدري عليه
النائب عمر سليمان مش ضعيف عشان ميعرفش يسيطر على الوضع
و بعدين إفرضوا مبارك مات بكره هو عنده 82 سنة إفرضوا ... البلد هتموت يعني
و السيد عمر سليمان من الواضح إنه ماسك جزء كبير من مهام الرئاسة
حضرتك لازم تفرق بين فريقين
من بدأ الثورة يوم 25 يناير حتى قرر أن يرجع لبيته منتصراً ليبدأ في كتابة مستقبل جديد لهذا البلد
ومن قرر ألا يسمع إلا صوت الميكروفونات التي صاحت بالرفض حتى قبل أن ينتهي الخطاب الأخير يوم الثلاثاء 1 فبراير فقرر أن يبقى حتى من دون أن يدري ماذا قال البني أدم إلي كان بيتكلم
انا كنت من الناس اللى بتدعوا الى التهدئة بعد ما شوفت خطاب الرئيس و اثر فيا انا شخصيا
بس دلوقتى كل الوعود فى صورة كلام
و بعدين اللى حصل يوم الاربع اللى فات من جمال و حصنة و طوب و ضرب نار على المتظاهرين اكدلى حاجة من اتنين
1- ان الناس اللى حوالين الرئيس مبارك مضللينه و بكده هو اكيد فى الفترة اللى جاية لن يستطيع انه يعمل حاجة حقيقية فى سبيل تحقيق المطالب اللى كلنا متفقين عليها.
2- او الكلام ده بيتم بعلمه و ده هيؤدى لنفس النتيجة.
رئيس الوزراء بيتكلم انه ميعرفش مين السبب فى ضرب المتظاهريين و الضرب كان لسه شغال
نائب الرئيس (رئيس المخابرات) برضة ميعرفش مين اللى سمح بكده و الضرب برضة لسه شغال
بصراحة لا اثق فى اى حد حاليا
الناس اللى حواليا بتقول ان عندى شيزوفرنيا لانى بقولهم لازم نساعد الناس اللى فى التحرير و نبعتلهم اكل و دواء بعد ما كنت بقول هما قاعدين ليه ما المطالب فى سبيلها للتحقيق اه
امن الدولة شغال اعتقالات اليومين دول
الناس لسه بتموت
مش عارف اقول ايه غير ربنا يحميكى يا مصر
ممكن حضرتك توضح لى النقطة دى
يعنى بيستخدم اسلوب تجويع الشعب ؟
طيب حضرتك برضه ما جاوبتنيش ما هى ضماناتك التى تريد من اجل ان تثق من انه سيقوم بالتعديلات ؟؟
انا ما بقولش اننا نحترمه انا بقول يقعد يصلح العك اللى عمله و بعد كده يمشى
يا سيدى الراجل كده كده ماشى
ايه اللى حيضره انه يصلح ؟؟؟
هو حضرتك معرفتش ان قيادات الحزب الوطنى اقالتهم او قدموا استقالتهم ( احمد عز - جمال مبارك - على الدين هلال - صفوت الشريف - مفيد شهاب )
يعنى اللى حواليه فعلا بيتغيروا
لا اظن انه تم بعلمه لإنه كان اكثر المتضررين من هذا العمل
حضرتك موافق على عمر سليمان فيه غير كتير غير متفقين عليه !!
ردى بالنسبة للوفاه فى مشاركتى السابقة و هى
مين قال لحضرتك كدهاقتباس:
هل مصر تقف علشان المظاهرات اللى فى ميدان التحرير ؟؟ طبعا لاء
طب لية الحكومة موقفة البلد حاليا من كل حاجة دة حتى الان الشرطة لم تنزل فى الاقسام ؟؟؟ وفى ناس خايفة تفتح محالتها بسبب عدم وجود الامن
النهاردة معظم الشركات فتحت و البنوك و الناس نزلت خلاص شغلها
و حتى الأقسام بدا العمل فى بعضها
طب مين غيره اللى ترشحه و ازاى ممكن نعمل الكلام دا بخطة واضحة ؟اقتباس:
للاسف لا ضمان فى احد الان بس على الاقل اى واحد غيرة هيبقى عندة فرصة اصدقة لانة ماكدبش عليا قبل كدة