كلامك سليم طبعاً يا كريم, و فعلا عندك حق في كل كلمه...
للاسف زمان ماكناش نقدر نقول (لأ) لاننا كنا في حالة قمع من النظام الحاكم
دلوقتي اللي بيقول (لأ) بقت الناس هي اللي بتحاول تمارس نفس سياسة
القمع للرأي المعارض و ده لان البعض مصدق اكاذيب التليفزيون المصري
و البعض الاخر متأثر بنظرية المؤامره, و البعض متأثر بالحرب النفسيه
العنيفه اللي شنها النظام على الشعب و الاسباب, اصل ده وقف حال,
اصل الناس الغلابه مش لاقيين ياكلوا, اصل الناس ماقبضتش, اصل
السوق متضرر و مافيهوش منتجات او سلع استهلاكيه كتيييير,
اصل الاقتصاد وقع و بيتدمر, اصل الرئيس حقق 90% من المطالب
يبقى عايزين ايه تاني..!!! ( مش عارف فين الـ90% دول اصلاً )
و غيره و غيره من الحرب النفسيه على كل الناس...
يعني خلصنا من النظام الحاكم و الحاشيه و الفاسدين اللي كانوا بيكمموا
افواهنا, أو انهم يتجاهلوا اللي بيتكلم طالما صوته كده كده غير مؤثر و يقولك
عندنا حرية تعبير اهه..!! شفتوا بقى اننا بلد ديمقراطيه و تدعم الحريات..!!
و طلعلنا الناس اللي كان بيمارس عليهم نفس السياسه دي, و هما اللي بيمارسوها
على الناس اللي زهقت, و اتخنقت, و طهقت, و نفسها تقول (( لأ ))
يا جماعة الخير, في مصايب كتييييييييييييير لا يعلمها احد إلا الله و النظام
الحاكم, و الوقت الحالي زي ما هو في صالحنا بالمنطق, هو في صالح
النظام و الرئيس مبارك نفسه علشان يلحقوا (يحاولوا) يداروا المصايب
اللي ماحدش يعرفها, و يستفوا الورق علشان يشوفوا هيضحوا بمين كل
شويه من الفاسدين اللي في الاساس مبارك نفسه متعاون معاهم و هو اللي كبرهم
يا جماعه يا ريت نحترم تفكير و ذكاء بعض, و نتناقش بموضوعيه...
المفضلات