بخصوص المساجين الهاربين

**nevozaky** · 07-02-2011 01:38 AM

على فكرة من شوية فى برنامج العاشرة مساء انا كنت باتفرج عليه .لقيت مصطفى بكرى بيقول لمنى الشاذلى ان فى قضية دلوقتى( لحبيب العادلى ) اودام النيابة العسكرية .علشان الانفلات الامنى اللى حصل ده يتبع الامن القومى للبلاد .ولما منى الشاذلى ساْلته طيب ليه لم يتم الاعلان عن ذلك حتى يهداْ الناس قال لها اكيد هيتم الاعلان فى الوقت المناسب اللى يشوفوه.

**nevozaky** · 07-02-2011 02:04 AM

كلام حضرتك صح .انا شفت البرنامج وسمعت المكالمة .واحد سجين تبع خلية حزب الله اسمه (حسن المناخلى ). شفت حضرتك منى الشاذلى والكلام اللى قالوا لها مصطفى بكرى بخصوص قضية (حبيب العادلى )

**nevozaky** · 07-02-2011 02:47 AM

ممكن يكون تحليل حضرتك صح يا استاذ غازى .بس انا متفائلة خير ان شاء الله.وعمر سليمان فعلا رجل ذكى جدا الل ى يخليه يعرف يتعامل كويس وبمنتهى الذكاء مع المخابرات الاسرائيلية مش هيتعامل مع المصريين .بس سبب تفائلى ان الكلام اللى (حسنى مبارك) قاله على مراْ ومسمع من العالم وكل الناس شافت وسمعت مش فى مصر بس .علشان كده هوه مضطر للتنفيذ . تانى حاجة اعتقد انه اتكسر اوى بعد يوم 25 مش فى مصر بس لكن اودام العالم كله والدول العربية.والله اعلم

**sara2001** · 07-02-2011 03:08 AM

المشاركة الأصلية كتبت بواسطة _ahmed_casper_

كل حاجه ان شاء الله هتبان قريب و كل واحد هياخد حقه بس ليا طلب ارجوكم محدش يظلم ضابط شرطه و رجعولهم ثقتهم تانى علشان وجودهم مهم جدا و مينفعش نستغنى عنهم و اكيد مش هنقضيها لجان شعبيه . الايام دى فعلا حسينا بفرق بين اللى كان زمان بيرجع بيته فى اى وقت و يخرج براحته و يمشى فى عز الفجر و بين اللى شايفينه الايام دى و قد ايه الناس بتخاف تخرج و كمان الشباب بقالهم كتير مش بيعاكسو بنات علشان مش بيخرجو

احنا مش بنظلم ضباط الشرطه اكيد مش كلهم فاسدين
بدليل اللي ما يعرفوش اللي حصل واللي اتقتلوا منهم بسبب الخيانه دي
بس عايزه اقول حاجه هي للأسف حقيقه
سبب الشعور بعدم الأمان هو خروج المساجين مع امدادهم بالأسلحه
مش عدم وجود الأمن .... الأمن عمره ما كان موجود في الشارع
وده اللي المفروض يتعمل دلوقتي
الأمن كان كله موجه لتأمين شخص واحد فقط وأعوانه

المشاركة الأصلية كتبت بواسطة heshamzaky

بصى لا يمكن ألقاء التهم جزافا الا بوجود دليل قاطع للأدانة و الا يبقى الحكم بالظواهر بدون ادلة مادية ملموسة حكم مغلط . بس توقعاتى الشخصية هى حدوث حالة من الانقسامات داخل أروقة وزارة الداخلية لآن المساجين خارجين من الباب و جزء بينط من على السور بس معنى أنة يخرج من الباب يعنى تم فتح تلك الابواب و الى اعطى أوامر شخص خائن لبلدة و دة سيحال لا محالة الى المحاكمة بس بتكون محاكمة فى القضاء العسكرى مش المحاكم المدنية . و الى يقدر يعطى أوامر بفتح سجون لمأمور سجن لابد ان تكون جهة سيادة فى وزارة الداخلية و الله اعلم . بجد لازم ننتظر نتيجة التحقيقات قبل القاء التهم جزافا لآن بعض الظباط الشرفاء رفضو ترك مواقعهم و البعض فلسع و جرى و قال يا فكيك

في الغالب ده اللي حصل فعلاً
حضرتك كنت بتقول ان في شخص تستبعد انه يعمل كده

المشاركة الأصلية كتبت بواسطة nevozaky

على فكرة الفيديوهات دى اتذاعت فى التليفزيون.فى برنامج مباشر مع عمرو اديب .او فى قناة العربية .وموجودة على اليوتيوب يعنى اكيد هياخدوا بيها فى المحاكمة .

اكيد
والحمدلله انها موثقه وفي الشهود من المساجين كمان

**sara2001** · 07-02-2011 03:20 AM

المشاركة الأصلية كتبت بواسطة nevozaky

على فكرة من شوية فى برنامج العاشرة مساء انا كنت باتفرج عليه .لقيت مصطفى بكرى بيقول لمنى الشاذلى ان فى قضية دلوقتى( لحبيب العادلى ) اودام النيابة العسكرية .علشان الانفلات الامنى اللى حصل ده يتبع الامن القومى للبلاد .ولما منى الشاذلى ساْلته طيب ليه لم يتم الاعلان عن ذلك حتى يهداْ الناس قال لها اكيد هيتم الاعلان فى الوقت المناسب اللى يشوفوه.

اتمنى يكون ده حقيقي
في اشاعه منتشره دلوقتي ان هو وأحمد عز غير موجودين في مصر
والله اعلم طبعاً

المشاركة الأصلية كتبت بواسطة ghazy12

الكلام ده سليم للاسف, و الاجمل بقى ان عمرو اديب في برنامج مباشر
جاب بعض الهاربين على التليفون و دول معروفين لان توجهتلهم تهمة
التخابر مع جهات اجنبيه ( حزب الله ) و الخيانه كمان تقريباً...

الراجل ده قال كلام خطير جدااا جدااا... انه تم اقناعهم في السجن من
مأمور السجن و بعض الظباط قبل التظاهرات الحاشده بتاعة يوم الجمعه
انه لو اتقطع عنهم المياه و النور لمدة يومين او ثلاثه لازم يتم اطلاق سراحهم
من السجن فوراً ( قانوناً )..!!! ده اللي اقنعهم بيه المأمور و بالقانون كمان..!!

و تاني يوم تم بالفعل قطع المياه و الكهرباء عن السجن كله, و تاني يوم
تم فتح الابواب للمساجين للخروج بكل سلاسه و يسر من الباب الرئيسي,
و في فيديو على اليوتيوب بيثبت كلام الراجل, و بالصوت...

الاخطر بقى ( لان الراجل ده مقبوض عليه من اول ما مبارك مسك الحكم )
ان تم القبض عليهم و توجيه التهم دي تحديداً ليهم لتمرير قانون الطوارئ
و العمل بيه او تفعيله...!!!! و دي كارثه كبيره جدااا لان الموضوع تم تدبيره...

يعني احنا بقالنا 30 سنه في قانون الطوارئ بتدبير مسبق من النظام,
و كل ده علشان مايحصلش في مبارك اللي حصل في السادات و يقدر
يلم اللي هو عايزه في المعتقل في اي وقت و من اي مكان و خصوصاً
الاخوان, و رسم لنا طول الوقت صوره مرعبه عن الاخوان و انهم
اخطر من اي قوه عظمى في العالم, و انهم بيهددوا امن و استقرار
البلد و المصريين الشرفاء, و بالتالي بيتم القبض عليهم, و نسب
اي مصيبه تحصل في البلد للاخوان, و هي دي الشماعه بتاعته
طول الـ30 سنه اللي فاتوا, و احنا صدقنا التهويل للاسف..!!!

زي ما صدقنا التهويل عن خسائر الاقتصاد المصري و غيره من الاكاذيب

يعني مبارك من اول يوم مسك فيه البلد دي و هو ناويها, و بيضحك علينا

مش عارف ليه حاسس اني هفقد اعصابي و محاولتي للتعقل و النظر
للامور بموضوعيه و اقول ان الراجل ده لازم يتنحى و فوراً و يتحاكم...

السجون فتحت ابوابها عمداً في المحافظات حتى اللي ماحصلش فيها مظاهرات
بخصوص القبض عليهم علشان تمديد قانون الطواريء
ده من اول ما حكم؟
ولا حضرتك تقصد وقت مد قانون الطواريء
[

**heshamzaky** · 07-02-2011 03:23 AM

المشاركة الأصلية كتبت بواسطة sara2001

في الغالب ده اللي حصل فعلاً
حضرتك كنت بتقول ان في شخص تستبعد انه يعمل كده

يا أستاذة هههههههه لو قولت ما فى ذهنى حا تقوم الدنيا و تقعد و تسمعى ردود حا تخلى الناس تشد جامد مع بعضها بس بكرة تعرفى أن الشخص الى فى دماغى أنا مستبعدة حا يطلع مش هوة و ساعتها حا أبقى أقولك هو مين و افكرك أنى كنت مستبعدة تماما . و أنا لست بشخص عاطفى على الاطلاق و لا أحكم بمشاعرى ابدا

**nevozaky** · 07-02-2011 03:27 AM

المشاركة الأصلية كتبت بواسطة ghazy12

كعادة المصريين بنتكلم بكل طيبه و صفاء نفس, و انتي اكبر مثال على كده... طبعاً ده شئ رائع
لكن الراجل ده مش طيب قوي كده, و مش بيفكر دلوقتي غير في مصلحته الشخصيه فقط لا غير,
و لو شايف ان التنحي فيه مصلحه ليه, كان اتنحى قبل ما المظاهرات و الثوره تقوم اصلاً...

عمر الخطاب اللي قاله في التليفزيون ما هيكون الزام ليه, لانك لو ركزتي في الخطاب و سمعتيه كويس
هتلاقي الكلام متنقي بحرفيه شديده, و لا يوجد اي حرف يلزمه بأي شئ, و لو افترضنا حسن النيه
زي ما بتقولي, طيب ليه مش عايز يكتب تعهد بتنفيذ المطالب المشروعه دي لما هو هينفذ..؟؟

مش عايز ابوظ احساسك بالتفاؤل لانه شئ جميل كلنا في امس الحاجه ليه, لكن الواقع مر للاسف

انا مش طيبة اوى زى ما حضرتك متخيل .بس لو كان الخطاب فيه اى نقطة تلزمه او تعهد بالطريقة اللى حضرتك بتقول عليه من وجهة نظره ده منتهى الذل ومنتهى الاهانة ان فى الوقت اللى الشعب يطلب انه يرحل فيرحل .يعنى كده الشعب بيخلعه من الحكم وطبعا هوه مش عايز يهين كرامته وكبرياؤه فى اواخر حكمه.وكمان هيحس ان الشعب انتصر عليه وبصفته راجل عسكرى مش هتبقى سهلة عليه

-

-

-

الموضوع: بخصوص المساجين الهاربين

LinkBack

أدوات الموضوع

عرض

-

-

-

-

-

-

المواضيع المتشابهه

رائعه الحجار الجديده (ضحكه المساجين)

اللي حصل في شبرا+هروب المساجين

هروب المساجين من قسم مدينة نصر ثان

الشرطة تحمي تهريب المساجين في مصر

الكلمات الدلالية لهذا الموضوع

المفضلات

المفضلات

ضوابط المشاركة