I have apartment in area N if you need any help
عرض للطباعة
I have apartment in area N if you need any help
على فكرة كلام صح 100% إنك فى بلدنا لا تشترى إلا الشقة الجاهزة للاستلام ولا تدفع مليم قبل مفتاح الشقة حتى بدون تشطيب المهم تستلم وتقفل الباب وترفع دعوى صحة توقيع لحين تسجيل الشقة واحتمال كبير ما تعرفش تسجل هناك أصلاً أو تسجل بصعوبة .وطبعاً لا يفوتك أن تطلب من البائع دليل ملكيته للعمارة والأرض وهذا حقك ولو هيمضى معاك العقد ويكتب فيه زى ما بيعملوا ( بصفته وكيل عن فلان وعلان ) إطلب منه أصل التوكيل قبل دفع أى مليم . ولا تكتب فى العقد مبلغ أقل من اللى انت دافعه فى الحقيقة لأن هذا يتمخض عنه مشاكل قانونية جمه فى حالة اختلافك معه وفسخ العقد .
كلام حضرتك مظبوط 100% بس دي الاجرائات الطبيعية اللي المفروض يعملها اي شخص بيشتري شقة جديدة بس انا لية ملحوظة علي موضوع الشقة الجاهزة دي لان غالبا الشقق اللي بتكون تقسيط وبالذات في المدد الطويلة بتكون العمارة لسة مطلعتش و مش كل الناس عندها امكانية انها تشتري كاش علي طول فا موضوع اني اشتريها و هي لسة مطلعتش مش مرعب اوي للدرجة دي مش عايزين نهوله زيادة و اكيد والواحد بيشتري مش بيشتري من اي حد لازم مثلا يكون حد دلني علي المكان ده و سمعته معروفة انا مثلا روحت شوفت العمارات اللي الشركة بنتها قبل كدة و سألت كام مالك في العمالرات دي عنهم و عن تعاملهم و بيغيروا في كلامهم ولا لا و ملتزمين في مواعيدهم و كدة ولا لا فا ان شاء الله لو الواحد تحري عن المكان كويس مش هيكون في مشاكل
انا عن نفسي مانصحكش بالبوابة الاولي بصراحة بعتبرها من عشوائيات المنطقة الا اذا كانت جوة شوية و طبعا لازم تكون بعيد عن خطوط الكهرباء زي ما الاستاذ احمد ابو الفتوح قال ده معروف اوي هناك
بالنسبة للشقة اللي معروضة علي حضرتك فهي في البوابة التانية و بصراحة البوابة التانية لذيذة انضف من الاولي والمكان قريب اوي من البوابة فاعتقد ان موقعها مميز بس ممكن تلاقي سعر اقل من كدة لو دورت شوية ماتخودش اول حاجة تشوفها او تتعرض عليك لا دور شوية بص انصحك انك ماتتاخرش في الشراء اوي لان فعلا اسعارها في زيادة مستمرة
انا لسة صديق لية واخد في البوابة الثانية شقة قدام النادي بالظبط سعر المتر 1400 و موقعها هايل فعلا والشارع واسع عرضه 20 متر تقريبا فاانت دور شوية وان شاء الله ربنا يوفقك
شكرا لكل من شارك بالنصيحه
ان شاء الله هاخد المدام و انزل اتفرج و ربنا يسهل
طيب حضرتك مفكرتش في شقق ظباط الرماية
المنطقة هناك جميلة وهادية والشقق ارخص من حدائق الاهرام وتقدر تستلم فوري
طيب انا عندى سؤال عن البوابه التانيه فى حدايق الاهرام النطقه ل رقم 89 علشان احتمال ان شاء الله اخد شقه هناك
هما بيقولو جمب فندق اطلس
هى المنطقه دى ظروفها ايه؟
منطقة الرماية معروفه بالهرم لو سألت اي حد هايدلك
اخر الهرم تدخل طريق الصعيد الصحرواي
المنطقة هناك متقسمة حلوومساحات واسعه وتحت كل عمارة جنينة صغيرة
ونقلوا فيها تمثال رمسيس وهاينقلوا المتحف المصري
انا مش عارفة الاسعار بالظبط بس اعرف انها ارخص من الهرم ومن حدائق الاهرام بكتير
الحق اسأل دلوقت لان عندنا شقق هناك اسعارها ارتفعت بعد نقل التمثال وبيقولو هاترتفع تاني بعد نقل المتحف