عرض للطباعة
ازيكم يا اخواتى
انا كان نفسى اعرف مميزات وعيوب بوينتر 2004 وبولو 2000 والاتنين 1000 سى سى فياريت حد يقولى امثلة لاسعار قطع الغيار زى فلتر بنزين او زيت او اى حاجة وملاحظاته عن العربيتين
كمان ال 1000 سى سى هتكون ضعيفة فى التكييف والسحب ولا ادائها عالى برضه
اصل انا معايا هيونداى اكسيل 1500 سى سى بس كنت عايز اغيرها ببوينتر او بولو فقلت لازم اسئل اخواتى عنها طبعا وياترى هما افضل من الاكسيل ولا بلاش اغير
وسؤال مهم برضه..هى بتقبل بنزين 80 ولا ده مستحيل خالص
السلام عليكم
اخي الكريم كيف حالك
بص ياسيدي انت لو معاك كوري وهاتجيب الماني طبعا
اولا هاتفرق في الركوبة ... ركوبة حاجة تانية خالص بصراحة وعربيات طيارة ومحترمة وتكنولوجيا عاليه وكل اللي نفسك فيه قوله
ثانيا بقي ... انسي بقي حاجة اسمها قطع غيار رخيصة وانك تجيب الحاجة بتاعتها من جنب البيت وبرده قطع الغيار مكتوب عليها الماني وبتطلع صيني
انا كان معايا البولو عربية جميلة وجراااااية بشكل رهيب
بس وقعت فيها في كذا حاجة ... كرهتني في الدنيا من قطع غيار و صنايعية وحاجات كتير اوي
انت ممكن ب1000 تشد الاكسيل اللي معاك ديه
هناك بقي 1000 ديه تمن حته في الموتور اسمها شجرة بتوزع المية للموتور والعيب مطلعش منها في الاخر
وكل شويه بقي تنزل الحرفين وتجيب الحاجة استيراد وخلق الله اللي هناك يستنصحوا عليك وياخدوا الحاجة ب3 -4 اضعاف تمنها
لو تقدر تجيب حاجة كوري تاني ولا ياباني ... يبقي توكل علي الله
انا كنت هاجيب بولو 2001 بعد 1995 ..... ومحدش بصراحة نصحني بيها .. وتجار كمان
بس من ناحية تانية ... انت لو لاحظت هتلاقي الناس بتشتريها مبتفكرش تفرط فيها
1000 سيسي وطيارة واستهلاك بنزين عسل .. ماشاء الله
بس الالماني قطع غياره نار
وبالنسبة للاحسن البولو ولا البوينتر
البولو احسن واشد واقوي من البيونتر وقطع غيراها متوفرة بالنسبة للبيونتر
وخلي بالك في بوينتر اسمها جول ... اوعي تشتتريها علشان ديه اصلا ملهاش قطع غيار وغالبا ديه موديلات 2001 الي 2004 (مش متأكد من المعلومة ديه) حد يفيدنا من الاعضاء المحترمين هنا ان شاء الله
وربنا ييسرلك الخير يارب ومتنساش الاستخارة
تقبل مروري
اشكرك استاذى العزيز sonasteel على ردك وذوقك بجد ونصحك ليا وفعلا مش عارف اقول ايه من بعد كلامك
انا بس قلت اوفر بنزين وبرضه عربية المانى وصغيرين عن الاكسيل فى الركن والسواقة
بس انا سمعت ان فلتر بنزين فى البولو سعره حوالى 65 وفى البوينتر 85 (مش عارف ده صح ولا لا) بينما عندى فى الاكسيل 15 جنيه بس واصلى من غبور وكورى
بس معرفتش برضه الاداء عامل ازاى مع التكييف بالنسبة لل 1000 سى سى ونقطة البنزين ال 80 ممكن يتحط ولا مستحيل
علي ايه يا جميل انت تؤمرني
بص بالنسبة للاسعار ..انا دخلت في اعلي من كده بكتير .. ههههه
يعني شجرة ونص عمرة وعفشة وكاوتشات ... المهم صرفت عليها وبعتها ......:))
بس كنصيحة حاول فعلا تلاقي حاجة غير الالماني ....
وبالنسبة بقي للبولو وللبوينتر ............ خليك في البولو وسيبك من البوينتر ديه خااااالص
قطع غيارها ارخص ومتوفرة وبتتباع عن البوينتر
بالنسبة للتكييف .. انا لما كنت بسأل الناس ملاكها وانا بشتريها كانوا بيقلولي انها مع التكييف مبتتأثرش
بس بصراحة لما كان بيبقي معايا ناس في البولو اللي كانت معايا واشغل التكييف ... كنت بحس انها بتزحف علي الارض
علشان كده الحمد لله نويت مجيبش حاجة اقل من 1600 سي سي.... حتي لو هتاكل بنزين ... وبفضل الله ربنا كرمني بالصني ولما معايا ناس ولا بشغل التكييف مابتتأثرش
لالا فرق كبير الحمد لله
انا نصيحتي ليك ... لو نويت يبقي بولو و 2001 مع انها غاليه بس ناس تشكر فيها عن اللي قبل كده
وحاول تسوقها وتجرب التكييف
وتوقع حاجة حالتها حلوة ... علشان اللي بيبيع ده ربنا اعلم بيه
انا مش عايز اخوفك
بس فعلا انا لما جيت اشتري ... والله كانت واقفه عروسة
مفيش اسبوع ... ولقيتها فتحت مش بؤها ... صدرها من كل حته
حاول حاول تكشف عليها حلو اوي.... ولو تقدر تكشف عليها في التوكيل بتاعها يبقي كده تمام
وربنا ييسرلك الحال يارب
وبالنسبة للبنزين
في بولو انجيكشن وكربراتير
و2001 انجكشن ... وديه مينفعش فيها 80
لكن لو كربارتير يبقي حط 80 واعتقد هتلاقيه في الموديلات الاقدم
انا مش بخوفك والله
انا مكنتش عارف فعلا ايعد تفكير ي عن الالماني بعد ما جربته .... بس فكر مرة واتنين و3
وممكن تخش في قسم البولو .... واكيد ملاكها هاتفيدك
للاسف مكنتش اعرف المنتدي الالما جيت اجيب الصني
والحمد لله علي كل حال
جولف
ههههههههههههه
البولو حلوه
العفو ياباشا
بص لو الهيونداي مريحاك والميكانيكي بتاعك اللي بيصلحهالك مريحك يبقى يفضل لما تغيرها تجيب هيونداي برضو وممكن تفكر في الهيونداي الجيتز دي حلوه قوي وشكلها قريب للبولو وموتورها 1600 لكن معرفش بتاخد بنزين ايه ولا قد ايه
الفكره في استمراريتك مع نفس الماركه لو مريحاك
الفكرة استاذ zago فى انى عايز اقتصد فى موضوع البنزين يعنى لو حاجة 1200 سى سى مثلا معقولة اوى بدل 1500 اللى معايا بس اهم حاجة تكون عربية محترمة وقطع غيارها رخيصة ومنتشرة وبتقبل بنزين 80..ويكون سعرها مستعمل معقول ليا
ماشاء الله ادام مريحاك خلاصاقتباس:
المشاركة الأصلية كتبت بواسطة beshomilan
وبجد نصيحة مني لو معاك الاكسيل ديه 1500 ... خليك بيها احسن
علشان التكييف والسحب ولو معاك ناس والاكسيل نفسها بتاعه شقي ماشاء الله
ربنا يباركلك فيها
انت ممكن تفكر تشدها ... وتجيبلها بقي جنوط وتعملها فرش جلد
يعني تظبطها كده علشان تحس انها لسه جديدة
وفعلا ... مش كل عربية 1100 ولا 1200 ولا 1300 حتي يبقي لازم بتوفر بنزين
بالعكس البكانتو ناس بتقول بتستهلك بنوين مش بتاع 1100 خاااالص
خليك في ال 1500 .. علشان حتي انت هاتحس بالفرق ده في الجري والكلام ده
وكفااااية بتحطلها 80 .... هاعوز ايه اكتر من كده؟؟؟
ربنا يباركلك فيها
تقبل مروري
مين قالك ياريس ان البوينتر المانى؟؟؟
البوينتر برازيلي يامان....
لو انتا ماسك اوى فى الالمانى كدا وعايز حاجه قويه...شوف فولكس فاجن باراتى.
عربيه بتاعت شغل متعرفش حاجه اسمها هزار..ولكن حط فى دماغك هتستغنى عن حاجتين
1- الفخامه ( الماتريال بتاعت التابلوه مش حلوه لكن تكيفها قوى )
2- قطع الغيار (اعمل حسابك هتشترى العربيه وهتدفع قد تمنها 9 مرات قطع غيار )
الموتور بتاعها بشكل عام كويس ولكن يعيبه حاجه واحده والى هى انه 8 فالف....يعنى اول ماتسيب رجلك من عالبنزين هتلاقى العربيه بتزحف عالارض
ممكن بعد ازنك توضيح ياعنى ايه بتزحف اول مشيل رجلىاقتباس:
المشاركة الأصلية كتبت بواسطة creative_art
ههههههههههههه..... طيب ما استغني عن العربية احسن :36_2_33:اقتباس:
المشاركة الأصلية كتبت بواسطة creative_art
منا قولتله شوف البولو ...... او الجولف
ديه عربيات فولكس واجن بجد
سيبك بقي من الكلام الفاضي التاني ده
تقبل مروري
هههههههههههههاقتباس:
المشاركة الأصلية كتبت بواسطة sonasteel
ياريس مانا بحاول ارضيه مش عارف...هوا الراجل حاطط فى دماغه بيرفورمانس معينه
عايز بولو...بس الموتور مش هيعجبك
عايز جولف...قطع الغيار هااه
عايز بوينتر...ال128 افضل فى نظرى منها
شوف انتا عايز ايه ياريس وحدد هدفك...واعرف انك لما هتشترى اى عربيه هتعرف ان فيها ميزه وفيها عيب شوف انتا عايز تستغنى عن ايه ومتمسك فى ايه
يعنى لو عايز مكنه قويه وثبات وشغل المانى على حق وفى نفس الوقت مستغنى عن قطع الغيار خليك فى الجولف
معلش ياريس ماخدتش بالى من سوألكاقتباس:
المشاركة الأصلية كتبت بواسطة minicooper20
يعنى اول مابتشيل رجلك من عالبنزين العربيه سرعتها تبطأ بشكل كبير اوى وتحس انها بتكلبش فى الارض
يعنى على سبيل المثال انتا ماشى على 50 وسبت رجلك من عالاكسلاتير هتنزل لحد سرعة صفر مثلا فى 36 ثانيه
على عكس اى عربيه 16 فالف ممكن تبقى ماشي على 60 مثلاا وتشيل رجلك تنزل لسرعة صفر فى 60 ثانيه
والكلام دا عن تجربه والله مش بخترعه احنا كان عندنا باراتى 2006 وعارف كل الحوارات الى فيهااا
وللعلم ياريس انا معنديش خلفيه ميكانيكيه بس مش اكتر ولكن انا سألت ناس عن سبب الموضوع دا قالولى انه عشان 8 فالف....
هو انا معيا العربيه من 2006 عامل بيها 200 الف كيلواقتباس:
المشاركة الأصلية كتبت بواسطة creative_art
لا جبت بتمنها قطع غيار ولا شايف فيها عيوب غير ان قطع غيارها قليله نوعان ما لكن موجوده و بتعيش جدا
و بجيب بيها 170 و ثبته جدا جدا جدا
و جريها حلو و تسرعها مرضى بالنسبه لعربيه فى حجمها
و اعتمديه و حماره شغل بشكل وهمى
ده مش دفاع علشان معيا دى كلمه حق
اما بالنسبه لنقطه بتزحف دى انا ناوى اجربها
أنا معايا بولو مو2000 وهي عربية ممتازة. صغيرة وحلوة فالغرز والركن وتوفير البنزين وشكلها شيك. العيب موتور ضعيف يعني تسارع مش قوي وتشغيل التكييف بتحس بتأثيره على قوة الموتور. بس طبعا على طريق رئيسي بتجيب السرعة اللي إنت عاوزهه. أنا أقصى سرعة جبتها بيها 140كم على الدائري. أنا ناوي أبيعها وأجيب حاجة 1600 سي سي وأوبشنز.
ومش عارف اشتري واحده خلاص هتجنن انا مش بفهم فيهم بس مش عايز حد يضحك عليه في العربيات
بس بسمع ان الاكسل ممتازه 1500 سي سي فهل حد يدلني علي واحده بجد لقطه وليه الثواب وتكون في الاسكندريه ؟
وهل ممكن الاقي في الاسكندريه عربيه مفهاش برومه ولا لازم اجيبها من القاهره
رخللي الاكسيل احسن لغايه ميبقي معاك تجيب حاجه ياباني
وربنا يوفقك
انا واحد صاحبى معاة بوينتر وقطع غيارها قليلة