أستطلاعك غير دقيق لو ضايف الناس المؤثرة فعليا في النظام ألي في تصوري ماسكين زمام الأمور(عمر سليمان وأحمد شفيق) كانت نتائج الأستطلاع أكثر دقة
أنا عن نفسي أخترت مبارك علشان (عمر سليمان وأحمد شفيق)
أستطلاعك غير دقيق لو ضايف الناس المؤثرة فعليا في النظام ألي في تصوري ماسكين زمام الأمور(عمر سليمان وأحمد شفيق) كانت نتائج الأستطلاع أكثر دقة
أنا عن نفسي أخترت مبارك علشان (عمر سليمان وأحمد شفيق)
عمر سليمان ؟؟؟ انت مشفتش رأى السيد عمر سليمان فى حوارة مع ال abc
لية مصمم متشوفش غير بعينيك ... معقول الملايين كلهم غلط ونظرتك هى اللى صح ؟؟؟؟؟
أنا لا أجبرك على الأخذ برأي فلا تهاجمني أو تجبرني على الأخذ برأيك وخصوصا أن المعرفة مابيننا لاتتعدى الكلمات عبر النت ولا يعرف أي منا خبرات الطرف الثاني وتجاربه في الحياة فرجاء نحافظ على النقاش في حدود حريات الرأي والأحترام المتبادل مابيننا جميعا........الغالبية العظمى تريد الصالح لنا ولبلدنا.
وأتفضل شوف الخطوات الأصلاحية ألي بتتزايد وبوتيرة سريعة جدا يوميا دون المخاطرة بأنهيار لمؤسسات الدولة والشرعية الدولية
http://www.nilemotors.net/Nile/200337-a.html
خطوات الإصلاح دي إلي بتسير بوتيرة سريعة ...... ماكنتش حتحصل بالسرعة دي لولا الناس إلي لسة قاعده في التحرير لغاية دلوقتي
وجود التظاهرات و الاعتصامات لغاية دلوقتي عامل ضغط قوي جداً على النظام لعمل إصلاحات بسرعة وسط شعور قوي جداً و مبرر جداً جداً بعدم الثقة
لو الناس دي كانت مشيت من ساعة خطاب الرئيس العاطفي الغنائي ....... ماكناش شفنا حاجة من النظام دة
الناس إلي قاعده في التحرير دي كل يوم بتشيلنا جميل جديد
زميلي العزيز Otefa ...... أنا واثق انك وطني و بتحب بلدك ...... كل كلمة من كلامك بتقول كدة ........ بس صدقني حتى لو إنت شايف إن الرئيس يستنى لنهاية مدته .... إستمرار الضغط عليه و على نظامه الضمان الوحيد إلي في أيدينا عشان نجبره على عمل الإصلاحات المطلوبة
اختيار الضغط المستمر ده ممكن يؤدى للعجز
الاصلاحات دى هتاخد حوالى 3 شهور كمان على الاقل
هل ترضى الضرر لاصحاب الاعمال والمصالح 3 شهور كمان لان حظهم ان شغلهم ولا بيوتهم هناك
طيب مش مهم دى
هل تعتقد ان فيه دولة تقبل استمرار المظاهرات المدة دى ولا ده ممكن يولد كبت وانقلاب فى تغير موقفها برده
هما خلاص عرفوا موقف الشعب وقوته
والراى اللى بيقول ان الشعب مش هيعرف يجمع
اقوله لا
الاجازات فى شهر 4 مفيش اكتر منها
بالبلدى كدة زى ما تكون قرفان من جارك على ركنة العربية
رنيته علقة
هتسيبه يشليها ولا تفضل ترنه وهوا بيسوقها يركنها فى حتة تانية
أنا معاك هي اشكالية .......... خصوصاً لما تبقى عارف جارك دة على مدار 30 سنة أد إيه هو ملاوع و كداب و ممكن يستنى أول ما تطلع البيت .... مش و يركن عربيته تاني لأ دة ممكن يجيب تريلا و يركنها في مكانك ...... أو يروح يأجر بلطجية و يجي يضربك
أنا مش قادر أثق في النظام بتاتاً
بس لو انت عايز تروح شغلك و هو بص لك بقرف و قال لك عالعصر هانزل اشيلها و مش مهم تروح شغلك دلوقتي......... هتسكت و تقول له ماشي اوكي؟
معلش حاجة كمان الثورة دي عمرها ماكانت السبب في وقف حال البلد أو سبب في خساير الإقتصاد
بالراحة كدة .......
السبب في كل دة هو غياب الأمن و الأمان ..... إلي اتسبب فيه هروب و إنسحاب الشرطة و ترك السلاح وراها و إطلاق المجرمين و البلطجية علينا
لغاية يوم 27 يناير كانت كل المصالح الحكومية و الشركات تعمل عادي ...... لغاية ماحصلت الخيانة
و بالنسبة لخساير الإقتصاد ...... والله لو مسكنة اتنين أو تلاتة من الحيتان الكبار حنعوض خساير الإقتصاد بسهولة
انا معاك ان الشركات كانت بتعمل عادى
يوم 26 و27 البورصة بتفع
بسبب خروج المستثمرين منها وكله بيبع
الاقتصاد دلوقت هتكون مشكلته :
ضعف موارد العملة الاجنبية
ضعف الاستثمارات الاجنبية الواردة
كنتيجة لما سبق :
ضعف الطلب المحلى على المنتجات
زيادة فى البطالة
انخفاض الاجور اللى بيسبب ضعف الطلب المحلى تانى وهكذا
الحاجة لزيادة الانفاق العام وده هيسبب زيادة الديون على الدولة
اللى خايف منه وربنا يستر
زيادة الطلب على الجنيه والدولار يقابله ازمة فى السيولة لدى البنوك