الموضوع: أخبار معارض السيارات ايه ؟

الفيديو موجود ع اليوتيوب و الوصف بتاعه مكتوب فيه الكلام ده
"ده مصير سيارات أحد اعضاء الحزب الوطني
كان فاسد ومرتشي وكداب وحرامي
وفضل لغاية ما الأبطال السوايسة مسكوه ودمروه ليلقى جزاة ظلمه
تحيا السيويس
ويحيا سعب السويس الحر الأبي"
(YouTube - ‫ط§ظ„ط³ظˆظٹط³ ظˆطھظƒط³ظٹط± ط³ظٹط§ط±ط§طھ ط£ط.ط¯ ط£ط¹ط¶ط§ط، ط§ظ„ط.ط²ط¨ ط§ظ„ظˆط·ظ†ظٹ‬‎)

و في وصف تاني لنفس الفيديو:
"قام شباب السويس بتحطيم معارض تاجر المخدرات المعروف ابراهيم فرج وكان احد اعضاء الحزب الوطنى"

توضيح يا شباب ابراهيم فرج مش حزب وطنى و لا حاجه بس هو كان رجل ذو سلطه و فلوس كتير كان بيتجبر على الناس و فى الاحداث الاخيره ضرب نار على متظاهرين و موت منهم ناس يقال 8 و الله اعلم و بعدين هو تاريخه مشهور عنه انه بتاع مخدرات و الله اعلم طبعا بس ده اللى معروف عنه هنا فى السويس من زمان
و بالرغم من كل ده طبعا اللى حصل حرام و ربنا هيحاسب عليه ده اللى فى الفيديو ده شويه ابراهيم فرج يا شباب فاتح توكيلات نيسان و هيونداى و بيجو و رينو و كيا و بريليانس و غير معرض فيه عربيات متنوعه كروز و لانوس زى ما شوفتو فى الفيديو ده غير جراج نقل ثقيل و اتولع فيه بالكامل لوادر و رؤوس ترلات
و اخيرا محدش مات من عنده لا موظفين و لا هو او حد من اولاده لانهم هربوا بره السويس على طول يقال انهم مستخبين عند البدو بيحموهم لان الناس كانت حالفه انها تموت ابراهيم او حد من عياله بس ربنا سترها و ما حصلتش المجزره