مواصفات الاسبيرانزا a620

**aamerbebo** · 22-04-2007 06:12 PM

هي السيارة رقم 2 في المبيعات بالنسبة للاسبيرانزا بعد الاسبيرانزا a516 وتعد رقم واحد في السعر والفخامة والامكانيات وقد طرحت هذه السيارةفي الصين ثم مصر في عام 2004 في احد المعارض وكان سعرها 250000 جنية مصري ولم تلفت الانظار اما في عام 2006 فقد طرح ابو الفتوح هذه السيارة بسعر99900 وبعد ذلك تم نزول موديل 2007 بسعر 107900 واليكم مواصفات هذه السيارة.
2000 سي سي موتر mitsubishi galant
تكييف هواء ديجيتال بتحكم اوتوماتيكي
فرامل مانعة الانزلاق abs
2 وسادة هوائية للسائق والراكب الامامي
باور ستيرنج
فتحة سقف كهرباء
4 زجاج كهرباء
مرايا كهرباء
راديو كاسيت cd +vcd
6 سماعات
جنوط اسبور واطارات رياضية مقاس 205/55/r16
فوانيس شبورة امامي وخلفي
ستارة خلفية كهربائية
الانوار الامامية قابلة للتعديل من الداخل hella
ولا توجد فروق واضحة بين موديل 2006 و 2007

شكرا
م/آمر يحيى

**saied** · 22-04-2007 06:37 PM

شكرا اخى امر على المعلومات القيمه

**bassam nagy** · 22-04-2007 07:09 PM

هل حد جرب الاسبرانزا 620 وهل يوجد منها شكوى الف شكر على المعلومات المفيدة

**aamerbebo** · 22-04-2007 07:29 PM

اولا اهلا بيك يا استاذ بسام عضو جديد في المنتدى وان شاء الله نستفيد من مشاركاتك
بالنسبة للاسبيرانزا a620 فانا عرفت ناس معاهم العربية وجربوها وبيشكروا فيها وهناك بعض المشاكل الفردية الناجمة عن عيوب التقفيل المصري زي مثلا (السنتر بيعلق فتحة السقف بتعلق الستارة الخلفية بتعلق) حاجات كده والتوكيل بيظبط الكلام ده كلة.
والانتاج الجديد يتلاشى بعض الاخطاء السابقة
شكرا
م/آمر يحيى

**bassam nagy** · 22-04-2007 07:35 PM

الف شكر يابشمهندس على المعلومات الجميلة دى بس انتشرت اوى وتقريبا اماسكة نفسها عن اختها الصغير ال516

**aamerbebo** · 22-04-2007 08:03 PM

انا تحت امرك في اي وقت وفي اي معلومة. بس عايز اوضح ان الاسبيرانزا a516 حاليا وبعد التعديلات التي جرت عليها في الصيانة اصبحت عربية اكثر من رائعة من وجهة نظري الخاصة وقد انتشرت اكثر من ال a620 واعتقد ان السبب هو فئة السعر
شكرا
م/آمر يحيى

**Hosam** · 22-04-2007 10:08 PM

2000 سي سي موتر mitsubishi galant
تكييف هواء ديجيتال بتحكم اوتوماتيكي
فرامل مانعة الانزلاق abs
2 وسادة هوائية للسائق والراكب الامامي
باور ستيرنج
فتحة سقف كهرباء
4 زجاج كهرباء + وحدات رفع
مرايا كهرباء
راديو كاسيت cd +vcd
6 سماعات
جنوط اسبور واطارات رياضية مقاس 205/55/r16
فوانيس شبورة امامي وخلفي
ستارة خلفية كهربائية
الانوار الامامية قابلة للتعديل من الداخل hella
ولا توجد فروق واضحة بين موديل 2006 و 2007

عزيزى م/ أمر أمتلك سبرانزا a620 2007 وقرأت المواصفات اعلاه و كلها تمام عدا ان الزجاج عندى ليس به وحدات رفع
ارجو الافادة هل وحدات الرفع عندى معطلة ام السيارة تنزل بدونها؟!!
و انا فى الخدمة لأى استفسارات عن السيارة و ارجو اعتبارى من عاشقى هذه السيارة لأنى فعلاً مبهور بيها.

**aamerbebo** · 22-04-2007 10:14 PM

مرحبا بيك يا استاذ حسام في المنتدى وان شاء الله تكون تكون من عشاقة كما انت مش عشاق الاسبيرانزا
بالنسبة لوحدات الرفع فهي موجودة طبعا في السيارة.
جرب بعد لما تنزل من السيارة اضغط على مفتاح اللوك لفترة ستجد الزجاج يرتفع وحدة. وانا في انتظار ردك
ويا ريت تقولنا تجربتك عن السيارة بكل المزايا والعيوب.
شكرا
م/آمر يحيى

**Hosam** · 22-04-2007 10:31 PM

عزيزى م/ أمر بالفعل انا جربت حكاية وحدات الرفع عن طريق الريموت لانى كنت اعلم مسبقا ان الاوبشن دا عادى جدا و نازل مع اغلب الموديلات الجديدة للسيارات لكن لم يعمل.
اما عن تجربتى مع السيارة فكانت غريبة جدا حيث اننى كنت رافض موضوع الصينى دا تماما و بالصدفة دخلت معرض سيارات و كانت واقفة .. اتفرجت عليها بهرتنى جدا بكل مميزاتها و خاصة سعرها و حسيت انها كتير على السعر دا و قلت طالما ليها ضمان ووكيل ذى ابو الفتوح فهى تستحق المغامرة و التجربة و على طول كتبتلهم شيك و روحت بالعربية و كانت الساعة تقريبا 11.30 مساء و طبعا السعر فى المعرض غير اللى للحجز فى التوكيل تماماً.
بعد تجربة السيارة ابهرتنى اكتر فى ثباتها و قوتها و نعومتها و فخامتها و حسيت انه اختيارى كان موفق
كل حاجة فيها تمام و هى لسة يادوب عاملة معايا 700 ك فقط و ماشاء الله ذى الفل
امبارح بس حاولت اشغل التكييف و للاسف لقيت انه قوة تبريده ضعيفة جدا و يكاد يكون الهوا خارج عادى
اما السخن فهو ممتاز ، الكمبروسور بيقوم عادى جدا و اعتقد انه يمكن محتاج فريون فقط
عموما عند صيانة 1000 ك حاشوف الموضوع دا مع التوكيل
المجمل العام للسيارة اكتر من ممتازة.

بس ياريت حضرتك ترد على فى موضوع وحدات الرفع .

**aamerbebo** · 22-04-2007 10:42 PM

مبروك عليك العربية يا استاذ حسام وربنا يديك خيرها ويكفيك شرها ان شاء الله
بالنسبة لوحدات الرفع فهي موجودة وممكن يكون عند حضرتك حاجة غلط. قلهم على الموضوع ده في صيانة الالف وهما هيظبطوا كل حاجة وكمان التكييف ساعات بينزل فيه مشاكل وكلها بتتحل في التوكيل خاصة انهم دلوقتي خدوا خبرة كبير بعد مرور اكثر من نصف عام على عملهم مع هذه السيارة. وفي انتظار ردك بعد زيارة التوكيل ان شاء الله. وانا تحت امرك في اي حاجة.
شكرا
م/آمر يحيى