أخبار الواجا إيه عند الـ 100،000 كيلو أو أكتر؟
عندى إستفسار بخصوص الواجا وياريت حد يقدر يفيدنى فيه لأنى بصراحة بافكر أشتريها، طبيعة عملى بتتطلب إنى أعمل حوالى 50،000 كيلو متر فى السنة، كنت عايز أعرف أخبار الصيانة بتاعتها إيه وتكلفة قطع الغيار والصيانة خلال الـ 100،000 كيلو.
والأهم من كده، محتاج أعرف هل هى تتحمل 50،000 كيلو متر فى السنة؟ وتقريباً بعد كام كيلومتر الواحد يبدأ يفكر فى عمره وتغيير موتور والذى منه؟
مع العلم إن الـ 50،000 كيلومتر فى السنة اللى باتكلم عنها ديه كلها سفر بين المحافظات وطرق كويسة مش داخل البلد.
ياريت ألاقى حد عنده الإجابة لأن العربية فعلاً عاجبانى جداً وبافكر جدياً فى إقتناءها ومازلت فى حيرة مابينها وبين اللانسر الـ 1300 مانيوال على اعتبار إن سعرهم يكاد يكون متقارب.
مع العلم كمان إن العربية اللى معايا دلوقتى سيتروين AX موديل 95 وعاملة حوالى 250،000 كيلومتر والحمد لله حالتها زى الفل مع الصيانة المستمرة ولكن عيبها طبعاً إن حجمها صغير ومش عائلية.
ولكم جزيل الشكر،
م/ أشرف
متشكر يا أحمد قوى وعندى سؤال تانى
أنا سألت فى التوكيل عن واجا 2008 وهما لسه ماعندهومش فكرة أكيدة عن إيه الجديد اللى ممكن يكون فيها، بصراحة الواحد محتار يشترى دلوقتى 2007 ولا يستنى لما 2008 تنزل.
كمان سمعت عن موضوع إحتمال تغيير نوع الموتور ولكن كلام مش أكيد، والحاجة الغريبة إن الواجا الـ Premium اللى كانت بـ 103 ألف، لسه لغاية دلوقتى مانزلش منها 2007، مش عارف إزاى؟
سؤالى هو هل فيه أخبار عن موديلات 2008 اللى هاتنزل مصر؟
هل الواحد يشترى دلوقتى ولا الأفضل يستنى؟
بصراحة محتار!
